லிப்போமா எனப்படும் கொழுப்பு கட்டிகள், தோலின் அடியில் தோன்றும் சிறிய, மென்மையான கட்டிகள். இவை பொதுவாக தீங்கு விளைவிப்பதில்லை என்றாலும், சில சமயங்களில் அழகியல் அல்லது அசௌகரியத்தை ஏற்படுத்தலாம். நமது தமிழ் பாரம்பரியத்தில் உள்ள இயற்கை மருத்துவ முறைகளும், ஜோதிட அறிவுடன் இணைந்த முழுமையான வாழ்க்கை முறையும் உடல் ஆரோக்கியத்திற்கு உறுதுணையாகும். இந்த கட்டுரையில், கொழுப்பு கட்டிகளை இயற்கையாகவே கரைப்பதற்கான பயனுள்ள வீட்டு வைத்திய முறைகளையும், உணவுமுறை மாற்றங்களையும் விரிவாக காண்போம்.
மஞ்சள் - கொழுப்பு கட்டிகளுக்கு ஓர் அற்புத மருந்து
மஞ்சளில் குர்குமின் என்னும் ஆற்றல்மிக்க ஆன்டி ஆக்சிடண்ட் இருக்கிறது. இது பாக்டீரியா மற்றும் பூஞ்சை எதிர்ப்பு பண்புகளைக் கொண்டிருக்கிறது. கூடுதலாக, இதிலுள்ள அழற்சி எதிர்ப்பு பண்புகள் கொழுப்பு கட்டிகள் உருவாவதை தடுப்பதோடு அதன் தீவிரத்தையும் குறைக்கும். தினமும் இரவு தூங்கச் செல்லும்முன் ஆலிவ் ஆயில் மற்றும் மஞ்சளைக் குழைத்து கொழுப்புக் கட்டி உள்ள இடங்களில் அப்ளை செய்துவிட்டு இரவு முழுவதும் அப்படியே விட்டுவிடுங்கள். காலையில் வெந்நீர் வைத்து சுத்தம் செய்து வர கொழுப்பு கட்டியின் தீவிரம் குறைய ஆரம்பிக்கும்.
நல்லெண்ணெய் மற்றும் மஞ்சள் கிழங்கு கலவை
நல்லெண்ணெய் எள்ளில் இருந்து பிரித்தெடுக்கப்படும் எண்ணெய். இது உடலின் உள்ளுக்குள் எடுத்துக் கொண்டாலும் சரி, வெளிப்பூச்சாகவும் எடுத்துக் கொள்ளும்போது நிறைய நன்மைகளைத் தரும். அதனால்தான் அதற்குப் பெயரே நல்லெண்ணெய். நல்லெண்ணெயை லேசாக சூடுசெய்து அதில் மஞ்சள் கிழங்கை அரைத்து பேஸ்ட்டாக குழைத்து கொழுப்பு கட்டி உள்ள இடங்களில் அப்ளை செய்து வர பல வருடங்களாக இருந்த கொழுப்பு கட்டி கூட வேகமாக ஒருசில மாதங்களில் மறைந்து விடும்.
ஆளி விதை எண்ணெய்
ஆளி விதையில் ஒமேகா 3 கொழுப்பு அமிலங்கள் நிறைந்து இருக்கின்றன என்பது நம் எல்லோருக்குமே தெரியும். பொதுவாக ஆளி விதை பல்வேறு சருமப் பிரச்சினைகளுக்குப் பயன்படுத்தப்படுகிறது. இதில் உள்ள ஆன்டி இன்ஃபிளமேட்டரி மற்றும் அழற்சி எதிர்ப்பு பண்புகள் கொழுப்பு கட்டி படியும் ஆபத்தைக் குறைக்கிறது. அதோடு கொழுப்பு கட்டியின் வளர்ச்சியின் அளவையும் குறைக்கும். கொழுப்பு கட்டிகள் உள்ள இடங்களில் ஆளி விதையை லேசாக சூடுசெய்து அப்ளை செய்து மென்மையாக தினமும் 5-10 நிமிடங்கள் மசாஜ் செய்து வாருங்கள். வேகமாக கொழுப்பு கட்டிகள் மறைய ஆரம்பிக்கும்.
ஆப்பிள் சிடார் வினிகர்
ஆப்பிள் சிடார் வினிகரை ஸ்கின்னில் அப்ளை செய்வதாக இருந்தாலும் சரி, உள்ளுக்குள் குடிப்பதாக இருந்தாலும் சரி, நேரடியாக எடுத்துக் கொள்ளக் கூடாது. அதோடு தண்ணீர் சேர்த்து நீர்க்கச் செய்துதான் பயன்படுத்த வேண்டும். ஒரு ஸ்பூன் அளவு ஆப்பிள் சிடார் வினிகரை 4 ஸ்பூன் தண்ணீரில் மிக்ஸ் செய்து கொள்ளுங்கள். அதை ஒரு காட்டனில் தொட்டு கொழுப்பு கட்டிகள் உள்ள இடத்தில் அப்ளை செய்து வாருங்கள். இது கொழுப்பு கட்டிகளின் வளர்ச்சியையும் அளவையும் குறைக்கும்.
விளக்கெண்ணெய்
ஆமணக்கு விதையில் இருந்து தயாரிக்கப்படும் விளக்கெண்ணெய் லிப்போமா என்னும் கொழுப்பு கட்டியை கரைப்பதில் மிக ஆற்றலுடன் செயல்படும் ஒரு வீட்டு வைத்தியமாகும். நிறைய சருமப் பிரச்சினைக்கும் தலைமுடி சார்ந்த பிரச்சினைக்கும் ஆயுர்வேதத்தில் இந்த ஆமணக்கு எண்ணெய் பயன்படுத்தப்படுகிறது. குறிப்பாக லிப்போமா போன்ற கொழுப்பு கட்டியின் வளர்ச்சியைத் தடுக்கும் ஆற்றல் இந்த விளக்கெண்ணெய்க்கு உண்டு. தொடர்ந்து கொழுப்பு கட்டிகள் இருக்கும் இடங்களில் இந்த ஆமணக்கு எண்ணெயை அப்ளை செய்து வாருங்கள். கொழுப்பு கட்டியின் வளர்ச்சி குறையும்.
உணவு முறையில் செய்ய வேண்டிய மாற்றங்கள்
பதப்படுத்தப்பட்ட (பிராசஸ்டு) உணவுகளுக்கு முதலில் நோ சொல்லுங்கள். அவற்றில் உள்ள டிரான்ஸ் ஃபேட், கொழுப்புச் சேர்க்கையை இயற்கையாகவே குறைக்கும் தன்மை கொண்டது. ஏற்கனவே கொழுப்பு கட்டி இருந்தால் அவற்றின் அளவு பெரிதாகாமல் தடுக்கும்.
பிரக்கோலி, வெள்ளரிக்காய், காலிஃபிளவர் போன்ற நார்ச்சத்துக்கள் அதிகம் உள்ள காய்கறிகளை அதிகமாக எடுத்துக் கொள்ள வேண்டும். அவற்றில் உள்ள நார்ப்பொருள் மட்டுமின்றி வைட்டமின்கள் மற்றும் ஆன்டி ஆக்சிடண்ட்டுகள் கொழுப்பு கட்டிகளைக் கரைக்க உதவி செய்யும். அதேபோன்றுதான் பழங்களும். ஆனால் பழங்களைப் பொருத்தவரையில் அதிக இனிப்புள்ள பழங்களைத் தவிர்ப்பது சிறந்தது. பழங்களில் இருக்கும் ஆக்சிஜனேற்ற பண்புகள் லிப்போமா உருவாவதை கட்டுப்படுத்தும். குறிப்பாக பெர்ரி வகை பழங்களை அந்தந்த சீசன்களில் மறக்காமல் எடுத்துக் கொள்ளுங்கள்.
லிப்போமா நீங்க முக்கிய குறிப்புகள்
- ✓ மஞ்சள் + ஆலிவ் ஆயில்: கொழுப்பு கட்டிகளின் தீவிரத்தைக் குறைக்க இரவு முழுவதும் அப்ளை செய்யவும்.
- ✓ நல்லெண்ணெய் + மஞ்சள் கிழங்கு: வேகமாக கொழுப்பு கட்டிகளைக் கரைக்க உதவும்.
- ✓ ஆளி விதை எண்ணெய்: ஒமேகா 3 சத்துகள் கொழுப்பு கட்டி வளர்ச்சியை குறைக்கும்.
- ✓ ஆப்பிள் சிடார் வினிகர்: நீர்க்கச் செய்து பயன்படுத்த, கட்டி அளவை குறைக்கும்.
- ✓ விளக்கெண்ணெய்: லிப்போமா வளர்ச்சியைத் தடுக்கும் ஆற்றல் கொண்டது.
- ✓ உணவுமுறை: பதப்படுத்தப்பட்ட உணவுகளைத் தவிர்த்து, நார்ச்சத்து அதிகம் உள்ள காய்கறி, பழங்களைச் சேர்க்கவும்.
நமது உடல் ஆரோக்கியம் என்பது வெறும் மருத்துவ சிகிச்சைகளை மட்டும் சார்ந்தது அல்ல; பாரம்பரிய ஞானத்தையும், இயற்கை சார்ந்த அணுகுமுறைகளையும் பின்பற்றுவது சிறந்தது. இந்த வழிகாட்டுதல்கள் உங்களுக்குப் பயனுள்ளதாக இருக்கும் என நம்புகிறோம்.
அடிக்கடி கேட்கப்படும் கேள்விகள்
பொறுப்புத் துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான அறிவுறுத்தலுக்காக மட்டுமே. தனிப்பட்ட மருத்துவ ஆலோசனைக்கு, தகுதியான மருத்துவரை அணுகவும். Jothidam360 இந்த தகவல்களின் உண்மைத்தன்மை அல்லது செயல்திறனுக்கு பொறுப்பேற்காது.