அஸ்வகந்தா: மன அழுத்தம், கார்டிசோல் அளவைக் குறைக்க வழிகாட்டி

அஸ்வகந்தா என்றால் என்ன?

ஆயுர்வேதத்தில் அஸ்வகந்தா 'இந்தியன் ஜின்ஸெங்' என்று அழைக்கப்படுகிறது. அஸ்வகந்தா செடியின் வேர் குதிரை மாதிரி வாடை அடிக்கும். மேலும், குதிரையின் பலத்தையும், ஆண்மையையும் இது கொடுக்கும் என்ற நம்பப்படுகிறது. ஆனால், இதை ஆயுர்வேதத்தில் தனித்து பயன்படுத்தாமல், மற்ற மூலிகைகளுடன் சேர்த்து பயன்படுத்துவார்கள். அஸ்வகந்தா மன அழுத்தத்தை குறைக்கும் என்று சொல்லப்பட்டாலும், இது குறித்து மேலும் ஆய்வுகள் தேவை என்பது குறிப்பிடத்தக்கது. அனைவருக்கும் ஒரே மாதிரியான நன்மையை இது தருவதில்லை.

மன அழுத்தத்தைக் குறைக்க அஸ்வகந்தா எப்படி வேலை செய்கிறது?

அஸ்வகந்தாவில் ஆல்கலாய்டுகள், ஃப்ளவனாய்டுகள் போன்ற பல சத்துக்கள் உள்ளன. இவை மன அழுத்தம், கவலை, தூக்கமின்மை போன்ற பிரச்சனைகளுக்கு நல்ல தீர்வாக அமையலாம். ஆய்வுகளின்படி, அஸ்வகந்தா HPA அச்சு எனப்படும் ஒரு முக்கியமான விஷயத்தைப் பாதிக்கிறது. இதன் மூலம், மன அழுத்தத்திற்கு காரணமான கார்டிசோல் அளவைக் கட்டுப்படுத்த உதவுகிறது. அஸ்வகந்தாவில் உள்ள "வித்தனோலைடுகள்" (Withanolides) என்ற வேதிப்பொருள் தான் இதன் பலன்களுக்கு முக்கிய காரணம் என்று நம்பப்படுகிறது.

அஸ்வகந்தா மற்றும் மன அழுத்தம் குறித்த ஆய்வுகள்

அஸ்வகந்தா ஒரு 'அடாப்டோஜென்' (Adaptogen) ஆகும். இது உடலை மன அழுத்தத்திலிருந்து காக்க உதவுகிறது.

• ஆய்வு 1: 58 பங்கேற்பாளர்களிடம் நடத்தப்பட்ட ஒரு சிறிய ஆய்வில், 8 வாரங்களுக்கு 250 அல்லது 600 mg அஸ்வகந்தா சாறு எடுத்தவர்களுக்கு மன அழுத்தம் மற்றும் கார்டிசோல் ஹார்மோன் அளவு குறைந்திருப்பதாகக் கண்டறியப்பட்டது.
• ஆய்வு 2: 60 பேரிடம் நடத்தப்பட்ட மற்றொரு ஆய்வில், 60 நாட்களுக்கு தினமும் 240 mg அஸ்வகந்தா சாறு எடுத்தவர்கள் பதற்றம் குறைந்திருப்பதாகத் தெரிவித்தனர்.

இந்த ஆரம்பகால ஆராய்ச்சிகள் அஸ்வகந்தா மன அழுத்தம் மற்றும் பதற்றத்திற்கு ஒரு நல்ல சப்ளிமெண்ட்டாக இருக்கலாம் என்பதைக் காட்டுகின்றன. எனினும், இது குறித்து விரிவான ஆய்வுகள் தேவை என்பது குறிப்பிடத்தக்கது.

அஸ்வகந்தாவை எப்படி எடுத்துக்கொள்வது?

18 முதல் 65 வயதுக்கு மேற்பட்ட பெரியவர்களுக்கு அஸ்வகந்தா ஒரு வரப்பிரசாதமாக வந்துள்ளது. ஆய்வுகளின்படி, 120 முதல் 600 mg வரை, 4 முதல் 12 வாரங்களுக்கு எடுத்துக்கொண்டால் மன அழுத்தம் குறையும், இதனால் கார்டிசோல் அளவும் குறையும்.

மருத்துவரின் பரிந்துரையுடன் மாத்திரையாகவோ அல்லது பொடியாகவோ, தினமும் ஒன்று அல்லது இரண்டு முறை தண்ணீருடன் எடுத்துக்கொள்ளலாம்.

அஸ்வகந்தாவின் இதர நன்மைகள்

• மன அழுத்தத்தை குறைக்கும்.
• நினைவாற்றலை அதிகரிக்கும்.
• நோய் எதிர்ப்பு சக்தியை மேம்படுத்தும்.
• புற்றுநோய் அபாயத்தை குறைக்க உதவும்.
• உடலில் ஏற்படும் வீக்கத்தை குறைக்கும்.
• வயதான தோற்றத்தை தாமதப்படுத்தும்.
• நாள்பட்ட நோய்களிலிருந்து நிவாரணம் பெற உதவும்.

அஸ்வகந்தா பக்கவிளைவுகள் உண்டா?

அஸ்வகந்தா எடுத்துக் கொள்வதால் சிலருக்கு வயிற்று உபாதை, வயிற்றுப்போக்கு, வாந்தி, குமட்டல் போன்ற பிரச்சனைகள் வரலாம். அஸ்வகந்தா எல்லோருக்கும் பாதுகாப்பானது அல்ல. சிலருக்கு பக்க விளைவுகள் வரலாம்.

குறிப்பாக, பின்வரும் நிலைகளில் உள்ளவர்கள் அஸ்வகந்தா எடுப்பதற்கு முன் மருத்துவரிடம் ஆலோசனை பெற வேண்டும்:

• தைராய்டு பிரச்சனை உள்ளவர்கள்.
• கர்ப்பிணிப் பெண்கள்.
• பாலூட்டும் தாய்மார்கள்.
• ஆட்டோ இம்யூன் நோய் உள்ளவர்கள்.

அடிக்கடி கேட்கப்படும் கேள்விகள் (FAQ)

பொறுப்பு துறப்பு:

இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு Jothidam360 பொறுப்பேற்காது.