சிவ வழிபாடு: சிவனின் அருளைப் பெற 6 எளிய பரிகாரங்கள்

சிவனின் அருளைப் பெற செய்ய வேண்டிய 6 பரிகாரங்கள்:

1. 1. செல்வம் பெருக

   திங்கட்கிழமை அன்று அருகில் உள்ள சிவன் கோவிலுக்கு சென்று, கங்கை நீர் மற்றும் சுத்தமான நீரால் சிவலிங்கத்திற்கு அபிஷேகம் செய்யலாம். சர்க்கரை மற்றும் பழங்கள், சந்தனம், திருநீறு, வில்வம் ஆகியவற்றை படைத்து வழிபட வேண்டும். ஊதுபத்தி மற்றும் விளக்கு ஏற்றி, செல்வ நிலை உயர வேண்டும், பொருளாதாரம் தொடர்பான பிரச்சனைகள் தீர வேண்டும் என பிரார்த்தனை செய்ய வேண்டும். இந்த பரிகாரம் நிதி வளர்ச்சியைத் தரும். இந்த பரிகாரம் பொருளாதாரத்தில் உயர்வை ஏற்படுத்துவதுடன், நிலையான வருமானத்தையும் பெற்றுத் தரும்.

2. 2. வேலை கிடைக்க

   வேலை வாய்ப்பு மற்றும் உரிய அங்கீகாரம் பெற, செல்வாக்கு உயர, திங்கட்கிழமைகளில் பஞ்சாமிர்த அபிஷேகம் செய்வது சிறப்பு. பால், தயிர், தேன், சர்க்கரை மற்றும் பழங்கள் சேர்த்து பஞ்சாமிர்தம் தயாரிக்கவும். முதலில் கங்கை நீரால் சிவ லிங்கத்திற்கு அபிஷேகம் செய்து விட்டு, பிறகு பஞ்சாமிர்தத்தால் அபிஷேகம் செய்ய வேண்டும். அபிஷேகம் செய்ய முடியாவிட்டால் பஞ்சாமிர்தத்தை நைவேத்தியமாக படைத்து, உங்களின் பிரார்த்தனைகளை சொல்லுங்கள் வழிபடுங்கள். இந்த பரிகாரம் தன்னம்பிக்கை, புகழ் மற்றும் வெற்றியை அதிகரிக்கும். தொழிலில் முன்னேற்றம் ஏற்படும்.

3. 3. திருமண தடை நீங்க

   திருமண தடைகளை நீக்க சிவ லிங்கத்திற்கு ஜலாபிஷேகம் செய்து "ஓம் நம சிவாய" மந்திரத்தை சொல்லுங்கள். தண்ணீரில் குங்குமப்பூ கலந்து ருத்ராபிஷேகம் செய்து திருமணத்திற்காக பிரார்த்தனை செய்யுங்கள். இந்த பரிகாரம் திருமண வாய்ப்புகளை வலுப்படுத்தும். நல்ல செய்தி கிடைக்க வாய்ப்புகள் அதிகரிக்கும். இங்க பரிகாரத்தை தொடர்ந்து செய்து வந்தால் மங்கல காரியங்கள் நடைபெறுவதில் இருக்கும் தடைகள் விலகி, நன்மைகளும், மகிழ்ச்சிகளும் அதிகரிக்கும். ஆன்மீக நன்மைகளைத் தரும். பூஜை, விரதம் மற்றும் சடங்குகள் மூலம் வாழ்க்கையில் நல்ல மாற்றங்கள் ஏற்படும். சிவ பெருமானை வழிபடுவதன் மூலம் மகிழ்ச்சி, அமைதி மற்றும் செழிப்பு கிடைக்கும்.

4. 4. சொத்து தொடர்பான பிரச்சனைகள் தீர

   சொத்து தொடர்பான பிரச்சனைகளை தீர்க்க திங்கட்கிழமைகளில் சிவன் கோவிலுக்கு செல்லுங்கள். சிவ லிங்கத்திற்கு தண்ணீர், வில்வ இலை ஆகியவற்றை படைத்து வழிபட வேண்டும். சொத்து பரிவர்த்தனைகள் சுமூகமாக நடக்க பிரார்த்தனை செய்ய வேண்டும். இந்த பரிகாரத்தால் நீண்ட நாட்களாக சொத்துக்கள் வாங்க நினைப்பவர்களின் விருப்பங்கள் நிறைவேறும். நிலுவையில் உள்ள சொத்து பிரச்சனைகளை தீர்க்க உதவும்.இந்த பரிகாரத்தை தொடர்ந்து செய்து வந்தால் செழிப்பையும் வளர்ச்சியையும் தரும்.

5. 5. நோய்கள் தீர

   நோய்கள் தீர்ந்து, உடல் மற்றும் மன நலம் பெருக திங்கட்கிழமைகளில் சிவன் கோவிலுக்கு சென்று கோவில் வளாகத்தை சுத்தம் செய்யுங்கள். பிரார்த்தனை செய்து நல்ல ஆரோக்கியம் மற்றும் மன அமைதிக்காக மனதார வேண்டிக் கொள்ளுங்கள். கோவிலில் நம்மால் முடிந்த ஏதாவது ஒரு வேலையை செய்து கொடுக்கலாம். இந்த பரிகாரம் நேர்மறை எண்ணங்களை தரும். மன அமைதி மற்றும் ஒட்டுமொத்த நல்வாழ்வை அதிகரிக்க செய்யும். இதை தொடர்ந்து செய்து வந்தால் பெரும் புண்ணியம் கிடைக்கும்.

6. 6. பொருத்தமான வாழ்க்கை துணை அமைய

   பொருத்தமான வாழ்க்கை துணையை பெற சுத்தமான நீரில் குளித்து விட்டு, சிவன் கோவிலுக்கு செல்ல வேண்டும். சிவ லிங்கத்திற்கு காய்ச்சாத பசும் பால் அபிஷேகத்திற்கு வாங்கிக் கொடுங்கள். நல்ல வாழ்க்கை துணை கிடைக்க பிரார்த்தனை செய்யுங்கள். சிவன் சன்னதியில் அமர்ந்து "ஓம் நம சிவாய" மந்திரத்தை 108 முறை சொல்லுங்கள். மகிழ்ச்சியான திருமண வாழ்க்கை அமையும். திருமணம் ஆகாதவர்கள் மட்டுமின்றி, திருமண வாழ்க்கையில் பலவிதமான பிரச்சனைகளை சந்திப்பவர்களும் இந்த பிரார்த்தனையை செய்து வரலாம்.