வெண்டைக்காய் சாப்பிட்டால் மூளை வளரும் என்பது ஒரு நம்பிக்கை. ஆனால், உண்மையில் வெண்டைக்காய் மற்றும் அதன் தண்ணீர் உடல் ஆரோக்கியத்திற்கு பல நன்மைகளை வழங்குகிறது. நார்ச்சத்து, புரதம், கால்சியம், மெக்னீசியம், பொட்டாசியம், இரும்புச்சத்து, வைட்டமின்கள் C, B1, B2, B6, B9 போன்ற அத்தியாவசிய சத்துக்களைக் கொண்ட வெண்டைக்காய், ஆன்டிஆக்ஸிடன்ட்கள் நிறைந்ததாகும். வெண்டைக்காய் தண்ணீர் குடிப்பதால் ஏற்படும் நன்மைகளை டாக்டர் சிவா சுந்தர் விரிவாக விளக்குகிறார்.
வெண்டைக்காய் தண்ணீர் தயாரிக்கும் முறை
டாக்டர் சிவா சுந்தர் பரிந்துரைத்தபடி, 4 வெண்டைக்காய்களை எடுத்து நறுக்கி 200 மில்லி தண்ணீரில் இரவு முழுவதும் ஊறவைக்கவும். மறுநாள் காலையில், அந்த தண்ணீரை மட்டும் குடிக்க வேண்டும்.
வெண்டைக்காய் தண்ணீரின் முக்கிய நன்மைகள்
- குடல் ஆரோக்கியம்: ஊறவைத்த வெண்டைக்காய் நீரில் நார்ச்சத்து மிகுதியாக உள்ளது. இது குடல் பாக்டீரியாக்களுக்கு நல்லது மற்றும் ப்ரீபயாடிக் ஆக செயல்பட்டு குடல் ஆரோக்கியத்தை மேம்படுத்துகிறது. அசிடிட்டி, எதுக்களிப்பு, வயிறு எரிச்சல் போன்ற பிரச்சனைகள் உள்ளவர்கள் இதை தினமும் குடிக்கலாம்.
- நீரிழிவு கட்டுப்பாடு: வெண்டைக்காயில் இருக்கும் நார்ச்சத்து உணவுக்கு முந்தைய மற்றும் பிந்தைய சர்க்கரை அளவைக் கட்டுப்படுத்த உதவுகிறது. ப்ரீ-டயாபடீஸ் மற்றும் டயாபடீஸ் நோயாளிகள் இதை எடுத்துக்கொள்ளலாம்.
- கொலஸ்ட்ரால் குறைப்பு: வெண்டைக்காய் ஊறவைத்த நீரில் இருக்கும் நொதிகள் அமிலத்தன்மை கொழுப்பைக் குறைக்கின்றன. குறிப்பாக கெட்ட கொலஸ்ட்ரால் (LDL) மற்றும் ட்ரைகிளிசரைடு அளவுகளை கட்டுக்குள் வைக்க உதவுகிறது.
ஆரம்பத்தில் அதிகமாக குடிக்க வேண்டாம்; வயிறு உப்புசம் வருவதற்கான வாய்ப்புகள் உண்டு என்பதால், சிறிது சிறிதாக சேர்த்துக்கொள்ள வேண்டும்.
யாரெல்லாம் வெண்டைக்காய் தண்ணீர் குடிக்க கூடாது?
சிறுநீரக கல் இருப்பவர்கள் வெண்டைக்காய் தண்ணீர் குடிக்க கூடாது. இதில் உள்ள ஆக்சலேட் அளவு அதிகம் என்பதால் கவனமாக இருக்க வேண்டும் என்று டாக்டர் சிவா சுந்தர் எச்சரிக்கிறார்.