ஜோதிடத்தில் சனி தேவர் நீதிமானாகவும், கர்ம பலன்களைத் தரக்கூடியவராகவும் பார்க்கப்படுகிறார். இரண்டரை ஆண்டுகளுக்கு ஒரு முறை ராசி மாறக்கூடிய சனி பகவான், இந்த முறை கும்ப ராசியில் இருந்து மீன ராசிக்கு பெயர்ச்சி ஆகிறார். ஏப்ரல் 6 ஆம் தேதி உதயமாகும் சனி, ஜூலை 13ஆம் தேதி பின்னோக்கி நகரக்கூடிய வக்கிர பெயர்ச்சியை மேற்கொள்ள உள்ளார். இந்த முக்கியமான சனி பெயர்ச்சி எந்தெந்த ராசிகளுக்கு அபரிமிதமான நன்மைகளைத் தரப்போகிறது என்பதை இங்கே காண்போம்.
சனி பெயர்ச்சி 2024: இந்த ராசிகளுக்கு அமோக பலன்கள்!
ரிஷப ராசி
ரிஷப ராசியில் இருந்து குரு பெயர்ச்சி ஆவதோடு, ராசிக்கு லாப ஸ்தானத்தில் சனி வர உள்ளார். இதனால் வேலை தேடுபவர்களுக்கு புதிய வாய்ப்புகள் கிடைக்கும். பணியிடத்தில் ஊழியர்களுக்கு பதவி உயர்வு கிடைக்க வாய்ப்பு உள்ளது. அதேபோல விரும்பிய இட மாற்றமும் பெறலாம். வேலையில் பொறுப்புகள் அதிகரிக்கும். தொழில் தொடர்பான முன்னேற்றமும் அதன் மூலம் வருமானமும் அதிகரிக்கும். இந்த காலகட்டத்தில் நிதி நிலை சிறப்பாக இருக்கும். தொழிலை விரிவு படுத்துவதற்கான வாய்ப்புகளும் உண்டு.
சிம்ம ராசி
சிம்ம ராசியை சேர்ந்தவர்களுக்கு சனி பெயர்ச்சி மற்றும் சனி உதயத்தால் நன்மைகள் அதிகரிக்கும். அஷ்டம சனி காலமாக இருந்தாலும், சனி பகவான் உதயம் ஆவது, வக்கிர பெயர்ச்சி மேற்கொள்ளுதல் போன்ற விஷயங்களால் ஓரளவு நன்மைகள் கிடைக்கக்கூடியதாகவே இருக்கும். சிம்ம ராசியின் தொழில் மற்றும் தனிப்பட்ட வாழ்க்கையில் நிறைய நல்ல மாற்றங்கள் ஏற்படும். உங்கள் செயல்பாடுகளில் மகத்தான வெற்றியைப் பெறலாம். சமூகத்தில் உங்கள் மரியாதை மற்றும் கௌரவம் அதிகரிக்கும். குடும்பத்தினருடன் நேரத்தை செலவிட வாய்ப்பு கிடைக்கும். நிதிநிலை முன்னேற்றம் அடையும். எந்த துறையில் நீங்கள் செயல்பட்டாலும் அதில் வருமானம் அதிகரிக்கும். சேமிப்பதற்கான வாய்ப்புகளும் உண்டு.
துலாம் ராசி
துலாம் ராசி சேர்ந்தவர்களுக்கு ஆறாம் வீட்டில் சனி உதயமாகிறார். உங்கள் வாழ்க்கையில் மகத்தான வெற்றியைப் பெறலாம். உங்கள் வேலையை மாற்ற நினைப்பவர்களுக்கு நல்ல வாய்ப்புகள் கிடைக்கும். புதிய நண்பர்கள் கிடைப்பார்கள். அரசு வேலைக்கு தயாராக கூடிய மாணவர்களுக்கு அந்த வாய்ப்பு கிடைக்கும். வம்பு வழக்குகளில் ஈடுபட வேண்டாம். சட்ட விஷயங்களில் வெற்றி கிடைக்கும். திருமண வாழ்க்கையில் இனிமை நிறைந்ததாகவும், சொத்து தொடர்பான பிரச்சனைகள் தீர்வும் வாய்ப்பு உள்ளது. உடல் நலனில் கவனம் தேவை.
விருச்சிக ராசி
விருச்சிக ராசிக்கு சனி பகவான் உதயத்தால் அவரின் ஆசீர்வாதம் சிறப்பாக கிடைக்கும். உங்கள் ராசிக்கு ஐந்தாம் வீட்டில் சனி உச்சம் பெறுகிறார். பிள்ளைகளிடமிருந்து சில நல்ல செய்திகள் கிடைக்கும். காதல் உறவில் இணக்கமான சூழல் இருக்கும். உங்கள் வாழ்க்கையில் எந்த துறையில் நீங்கள் இருந்தாலும் அதில் வெற்றி காண வாய்ப்பு உண்டு. கல்வியில் முன்னேற்றமும், வேலை தொடர்பாக பதவி உயர்வும் கிடைக்கும்.
கும்ப ராசி
கும்ப ராசிக்கு ஏழரை சனி நடக்கக்கூடிய காலமாக இருந்தாலும், சனி பகவானின் உதயம் காரணமாக உங்களின் செல்வாக்கு அதிகரிக்கும். முயற்சி முன்னேற்றம் தரும். பேச்சில் இனிமையைக் கடைப்பிடித்தால் நன்மை அதிகரிக்கும். செய்யக்கூடிய தொழில், வணிகத்தில் நிதி ஆதாயங்கள் பெறுவீர்கள். ஆரோக்கியம் மேம்படும். குடும்பத்தில் நல்லிணக்கமாக இருக்கும்.