மாதவிடாய் வலிக்கு சமையலறை குறிப்புகள் - டாக்டர் சிவராமன்

மாதவிடாய் வலி ஏன் வருகிறது?

மாதவிடாய் வலி தீவிரமாக இருந்தால் அதற்கு பல காரணங்களை சொல்லலாம். உடல் எடை சரியாக இல்லாதது, சத்து இல்லாதது, ஆரோக்கிய குறைபாடாக இருப்பது வலி உண்டு செய்யும். சிலருக்கு கருப்பை சார்ந்த சில நோய்கள் காரணமாக வயிறு வலி வரலாம்.

கருப்பை உள்சுவர் (எண்டோமெட்ரியம்) சீராக இல்லாத போது, அல்லது தைராய்டு போன்ற பிரச்சனைகள் இருக்கும் போது எண்டோமெட்ரியம் குறைவாக இருந்தால், ஒரு நாள் அல்லது இரண்டு நாளில் மட்டும் உதிரப்போக்கு இருக்கும் ஆனால் வலி தீவிரமாக இருக்கும். இந்நிலையில் தைராய்டு சரி செய்வது அவசியம்.

மாதவிடாய் தீவிர வலிக்கு என்ன காரணம்?

சில நேரங்களில் இந்த எண்டோமெட்ரியம் தடித்து இருக்கும். இது கருப்பை உள்சுவரில் மட்டும் அல்லாமல் வெளிப்புறத்திலும் சினைப்பையிலும் பரவி இருக்கும். இது எண்டோமெட்ரியோசிஸ் என்று அழைக்கப்படுகிறது. இந்த கட்டிகள் நீர்க்கட்டி என்று அழைக்கப்படும். மாதவிடாய் தீவிர வலியும் இருந்து உடன் சினைப்பையில் கட்டியும் இருந்தால் அது ஹெமராஜிக் சாக்லேட் சிஸ்ட் அல்லது எண்டோமெட்ரியோசிஸ் என்று அழைக்கப்படுகிறது.

சித்த மருத்துவத்தில் சூதக வலி, சூதக வாயு, சூதக தடை என இந்த பாதிப்புகள் சொல்லப்படுகின்றன. இத்தகைய பாதிப்புகள் இல்லாமல் வலி மட்டும் இருந்தால் அதற்கு உங்கள் சமையலறையில் உள்ள இந்த பொருள்கள் பயன்படுத்தலாம்.

மாதவிடாய் வலிக்கு சமையலறை தீர்வுகள்

சித்த மருத்துவர் டாக்டர் சிவராமன் பரிந்துரைக்கும் சில எளிய சமையலறை குறிப்புகள் இங்கே:

மாதவிடாய் சுழற்சி 1- 5 நாட்கள் வரை - எள்ளு

• எள் சாப்பிட்டால் மாதவிடாய் வரும், உதிரம் அதிகரிக்கும் என்று பலர் நினைக்கிறார்கள். ஆனால் மாதவிடாய் சமயத்தில் எள் சாப்பிடலாம்.
• எள்ளுப்பொடி, எள்ளுச்சட்னி, எள்ளு வெல்லம் சேர்த்த உருண்டை என்று மாதவிடாய் சுழற்சி தொடங்கி, முடியும் வரை எள் சேர்த்த உணவுகள் சாப்பிடலாம்.

மாதவிடாய் சுழற்சி முடிந்த 5- 14 நாட்கள் வரை - உளுந்து

• மாதவிடாய் சுழற்சி முடிந்த பிறகு 4 வது அல்லது 5 வது நாளில் தொடங்கி 15 நாட்கள் வரை மிக முக்கியமான காலகட்டம். இந்த காலத்தில் முட்டை நன்றாக வளரும்.
• இந்த நாட்களில் உளுந்து சேர்க்க வேண்டும். உளுந்தங்களி, உளுந்து சேர்த்த உணவு வகைகளை எடுத்துக்கொள்ளலாம்.

மாதவிடாய் சுழற்சி முடிந்த 15 முதல் 28 நாட்கள் வரை - வெந்தயம்

• கருத்தரிப்பை எதிர்நோக்காத பெண்கள், பெண் பிள்ளைகள், திருமணம் ஆகாத பெண்கள் இருந்தால் கருப்பை உள் சுவர் வலுவாக்க வெந்தயம் எடுத்துகொள்ள வேண்டும்.
• வெந்தயம் உடல் ஆரோக்கியத்துக்கு பல நன்மைகளை செய்யும்.

இப்படி மாதவிடாய் தொடக்கத்தில் எள்ளு, முடியும் போது உளுந்து பிறகு மறுமாதவிடாய் வரும் வரை வெந்தயம் என்று சுழற்சி முறையில் எடுத்துக்கொண்டால் மாதவிடாய் வலி நன்றாக கட்டுப்படும்.

மாதவிடாய் வலிக்கு எப்போது சிகிச்சை?

மாதவிடாய் வலி தீவிரமாக இருந்தால் அதற்கு என்ன காரணம் என்பதை அறிய மருத்துவரை அணுக வேண்டும். அது எண்டோமெட்ரியோசிஸ் நிலையா? அல்லது கருப்பை வெளியே சிலருக்கு வரும் அடினோமையோசிஸ் நிலையா? என்பதை கண்டறிவது அவசியம். இவர்களுக்கும் கடுமையான வயிறு வலி இருக்கும். உரிய சிகிச்சையை பெறுவதன் மூலம் வலியை நிர்வகிக்கலாம் என்கிறார் சித்த மருத்துவர் சிவராமன்.

அடிக்கடி கேட்கப்படும் கேள்விகள்