வாஸ்து சாஸ்திரம் மற்றும் ஜோதிடம் இணைந்து உங்கள் வாழ்க்கையில் செல்வ வளத்தையும், நேர்மறை ஆற்றலையும் அள்ளித் தரும். உங்கள் வீட்டில் மகாலட்சுமியின் அருளும், அதிர்ஷ்டமும் பெருக சில சிறப்பு சிலைகளை வைப்பது அவசியமாகும். இந்த சிலைகள் உங்களின் கோடீஸ்வர யோகத்தை மேம்படுத்தி, பண வரவை அதிகரிக்கும்.
செல்வத்தை ஈர்க்கும் வாஸ்து சிலைகள்
யானை சிலை
பித்தளை, செம்பு அல்லது வெள்ளியில் செய்யப்பட்ட யானை, லட்சுமி தேவியின் அருளைத் தரக் கூடியதாகவும், அவரின் அம்சமாகவும் கருதப்படுகிறது. வீட்டில் யானை சிலையை வைத்திருப்பதால் செல்வம் மற்றும் செழிப்புகள் நிறையும், வருமானம் அதிகரிக்கும், லட்சுமிதேவியின் நல்லாசி கிடைக்கும்.
காமதேனு பசுவின் சிலை
காமதேனுவின் உடலில் அனைத்து தெய்வங்களின் இருப்பிடமாகக் கருதப்படுகிறது. நம்முடைய அனைத்து விருப்பங்களையும் நிறைவேற்றக்கூடிய பசுவாக புராணக் கதைகளில் சொல்லப்படுகிறது. உலோகத்தால் செய்யப்பட்ட இந்த காமதேனு பசுவை வீட்டில் வைத்திருப்பதன் மூலம் செல்வம் மற்றும் உணவு தானியங்களுக்கான பஞ்சம் ஏற்படாது. வீட்டில் மகிழ்ச்சி நிறைந்து இருக்கும். நீங்கள் விரும்பிய பொருள் கிடைத்து மகிழ்வீர்கள். ஏங்கிக் கொண்டிருந்த அனைத்து நற்காரியங்களும், சுப நிகழ்வுகளும் நடக்கும்.
ஆந்தை சிலை
கோடீஸ்வரன் யோகத்தை அள்ளித் தரக்கூடியது ஆந்தை சிலை. மகாலட்சுமி தேவியின் வாகனமாக கருதப்படுகிறது. இந்த சிலையை வீட்டில் வைத்திருப்பதன் மூலம் வீட்டில் வருமானம் அதிகரிக்கும். சொத்துக்கள் வாங்கும் வாய்ப்புகள் உருவாகும்.
பிரமிடு
உலோகத்தால் செய்யப்பட்ட ஒரு பிரமிடு வீட்டில் வைத்திருப்பதன் மூலம் உங்கள் வீட்டில் உள்ள எதிர்மறையான சக்திகள் நீங்கும். வீடு கட்ட வேண்டும் என்ற முயற்சியில் உள்ளவர்கள், கனவில் உள்ளவர்கள், உலோகத்தில் செய்யப்பட்ட பிரமிடைக் கண்டிப்பாக வீட்டில் வைத்திருப்பதன் மூலம் உங்களின் நீண்ட நாள் கனவுகள் நிறைவேறும். லட்சுமிதேவியின் நல்ல அருள் கிடைக்கும்.
ஆமை சிலை
மகாவிஷ்ணுவின் இரண்டாவது அவதாரமான கூர்மா அவதாரம் ஆகும். ஆமை அவதாரம் எடுத்து அமிர்தம் எடுக்க உதவியது. அதன் காரணமாக பணியிடம், நிறுவனங்களில் பல்வேறு தடை நீங்க ஆமை உருவ சிலையை வைத்திருப்பார்கள். ஒருவரின் வீட்டில் உலோகத்தால் செய்யப்பட்ட ஆமையை வைத்திருப்பதால் அவருக்கு கோடீஸ்வர யோகம் தேடி வரும். வியாபாரம் பெருகும்.
விநாயகர் சிலை
உங்கள் வீட்டில் கோடீஸ்வர யோகம் உருவாக வெள்ளியால் செய்யப்பட்ட விநாயகர் சிலையை வைத்து பூஜிப்பதை மூலம் உங்களின் செயலுக்கான தடைகள் நீங்கும். துன்பங்கள் விலகும். வேலையிலும் முன்னேற்றம் உருவாகும்.
லட்சுமி தேவி சிலை
கோடீஸ்வரர்கள் தங்கள் வீட்டில் லட்சுமி தேவியின் சிலை வைத்திருப்பது வாடிக்கை. புராண நம்பிக்கையின் படி லட்சுமி தேவியின் சிலையை மகாவிஷ்ணுவின் புகைப்படத்திற்கு அருகில் வைத்து பூஜை செய்வது நல்லருளை தரும். இதன் மூலம் உங்கள் வீட்டில் செல்வம் பெருகும். தொழில், வியாபாரத்தில் முன்னேற்றமும், லாபமும் அதிகரிக்கும்.
உங்கள் வீட்டில் செல்வ செழிப்பு பெருக சில குறிப்புகள்
- வாஸ்து ரீதியாக சரியான இடத்தில் சிலைகளை வைக்கவும்.
- நேர்மறை ஆற்றலை அதிகரிக்க, வீட்டை தூய்மையாக பராமரிக்கவும்.
- ஜோதிட ரீதியாக உங்கள் ராசிக்கு உகந்த தெய்வ வழிபாடுகளையும் மேற்கொள்ளலாம்.
- தமிழ் கலாச்சாரத்தில் முருகன் ஆலயங்கள் போன்ற புனித தலங்களுக்கு செல்வது மன அமைதியைத் தரும்.