ஆடி அமாவாசை - முன்னோர்கள் வழிபாடு மற்றும் முக்கியத்துவம்

ஆடி அமாவாசை அன்று செய்ய வேண்டிய முக்கிய சடங்குகள்:

ஆடி அமாவாசை தினத்தில் முன்னோர்கள் பித்ருலோகத்தில் இருந்து பூமிக்கு வந்து தங்களின் சந்ததியினருக்கு ஆசிகளை வழங்குவதாக ஐதீகம். இந்த புனித நாளில் நாம் செய்ய வேண்டிய முக்கிய விஷயங்கள்:

• ஆறு, கடல், குளம் போன்ற நீர்நிலைகளில் புனித நீராடுவது.
• நீர் கரைகளில் பித்ருக்களுக்கு தர்ப்பணம் கொடுப்பது. இது பித்ரு தோஷத்தைப் போக்கும் ஒரு முக்கிய பரிகாரம்.
• அந்தணர்கள் மற்றும் ஏழைகளுக்கு அன்னதானம், வஸ்திர தானம் கொடுப்பது.
• காகத்திற்கு சாதம் வைப்பது மிகவும் அவசியம். காகத்தின் ரூபத்தில் முன்னோர்கள் வந்து உணவை ஏற்பதாக நம்பப்படுகிறது.
• வீட்டில் சமைத்த உணவுகளை முன்னோர்களுக்கு படையல் இட்டு வழிபடுவது.

ஆடி அமாவாசையில் செய்யக் கூடாதவை:

முன்னோர்களின் மனம் மகிழ்ந்து முழு ஆசியும் கிடைக்க சில விஷயங்களை மறந்தும் கூட செய்யாமல் இருப்பது மிக மிக அவசியம். ஜோதிட ரீதியாகவும் இவை தவிர்க்கப்பட வேண்டும்.

• பிறரிடம் கடன் வாங்கவோ, கொடுக்கவோ கூடாது.
• பணம் மட்டுமின்றி வீட்டில் உள்ள மற்ற பொருட்களையும் கடனாக கொடுக்க கூடாது.
• வாசலிலும் பூஜை அறையிலும் கோலம் இடுதல் கூடாது. தண்ணீர் மட்டும் தெளித்து பெருக்கி விட வேண்டும்.
• தலைமுடி வெட்டுதல், நகம் வெட்டுதல் போன்ற செயல்களை செய்ய கூடாது.
• அசைவ உணவுகளை சமைக்கவோ, உண்ணவோ கூடாது.
• காலையில் வீட்டையோ, சமையல் அறையையோ அல்லது பூஜை அறையையோ சுத்தம் செய்ய கூடாது.
• காலையில் நீண்ட நேரம் தூங்க கூடாது.
• முன்னோர்களுக்கு படையல் போட்ட உணவுகளை வீட்டில் உள்ளவர்கள் மட்டுமே சாப்பிட வேண்டும். மற்றவர்களுக்கு கொடுக்க கூடாது. விருந்தினராக அழைத்து யாருக்கும் உணவளிக்கக் கூடாது (ஏழைகள், வயதானவர்கள் தவிர).
• காகத்திற்கு சாதம் வைத்த பிறகு தான் பித்ருக்களுக்கு படையல் இட வேண்டும். அதற்கு முன்பாக படையல் இட கூடாது.
• முன்னோர்களுக்கு படையல் போடும் போது ஒற்றை இலையாக போடக் கூடாது. இரண்டு இலைகள் போட்டு தான் படையல் இட வேண்டும்.
• பெண்கள் தலைவிரி கோலத்துடன் இருக்க கூடாது. நெற்றியில் குங்குமம், திருநீறு இல்லாமல் இருக்கக் கூடாது.
• பெண்கள் குளித்து விட்டு தான் சமைக்க தொடங்க வேண்டும். புடவை போன்ற பாரம்பரிய உடைகள் அணிந்து சமைக்கவும், விளக்கேற்றவும் வேண்டும்.

அடிக்கடி கேட்கப்படும் கேள்விகள் (FAQ)