தெய்வீகமான முருகன் அருள் போல, பளபளப்பான சருமமும் ஒரு வரமே. கொரியன் ஸ்கின், K-Beauty என்றெல்லாம் பேசப்படும் இந்த காலத்தில், புளிக்கவைத்த அரிசி நீர் முகப்பூச்சு சரும ஆரோக்கியத்திற்கான ஒரு அற்புத தீர்வாக உள்ளது. நமது பாரம்பரிய தமிழ் கலாச்சாரத்திலும் அரிசிக்கு முக்கிய இடம் உண்டு. ஆரோக்கியமான சருமம் என்பது நமது மன அமைதிக்கும், ஜோதிடம் சார்ந்த பலன்களுக்கும் கூட நல்ல அம்சமே. இந்த எளிய இயற்கை அழகுக் குறிப்பை அறிந்து, உங்கள் சருமத்தை பொலிவாக்குங்கள்.
புளிக்கவைத்த அரிசி நீர் என்றால் என்ன?
கொரியன் ஸ்கின், K-Beauty என்கிற வார்த்தை எப்போது வைரலாகத் தொடங்கியதோ அப்போதிருந்து ரைஸ் வாட்டர் என்கிற வார்த்தையும் வைரலாகி விட்டது. எல்லா பெண்களுக்குமே கொரிய பெண்கள் போல யூத்ஃபுல்லான, இளமையான, கண்ணாடி போன்ற சருமம் வேண்டுமென்று ஆசை. அதற்காக ஸ்கின் கேர் தயாரிப்புகளில் ரைஸ் வாட்டர் உள்ளவற்றை அதிகமாகப் பயன்படுத்துகிறார்கள். சாதாரணமாக அரிசி தண்ணீர் அல்லது கஞ்சியை அப்ளை செய்வதைக் காட்டிலும் அதை புளிக்க வைத்து பயன்படுத்துவது இன்னும் நல்லது என்கிறார் வசுந்தரா.
புளிக்க வைத்த ரைஸ் வாட்டர் தயார் செய்யும் முறை
புளிக்க வைத்த ரைஸ் வாட்டர் எப்படி தயார் செய்வது என்பது நிறைய பேருக்கு தெரிவதில்லை. அது மிக மிக எளிது. வாங்க எப்படினு பார்ப்போம்.
தேவையான பொருள்கள்:
- அரிசி - 4 ஸ்பூன்
- தண்ணீர் - 200 மில்லி
செய்முறை:
- அரிசியை இரண்டு முறை நன்கு கழுவி விட்டு அதை 1-2 மணி நேரம் வரை ஏற்கனவே எடுத்து வைத்திருக்கும் நீரை ஊற்றி ஊற வைக்க வேண்டும்.
- நன்கு ஊறியதும் அதை கொதிக்கவிட்டு அரிசியை வேகவைத்து கஞ்சியாகவும் எடுத்துக் கொள்ளலாம். ஊறவைத்த நீரை அப்படியே வடிகட்டியும் பயன்படுத்தலாம்.
- இந்த நீரை எடுத்து நன்கு மூடிபோட்டு 12 மணி நேரம் முதல் 24 மணி நேரம் வரை வெளியில் வைத்து புளிக்க வைக்க வேண்டும்.
- நன்கு புளித்ததும் மேலே லேசாக நுரை பொங்கி வரும். அப்போது எடுத்து பயன்படுத்தலாம்.
ரைஸ் வாட்டர் பேஸ்பேக் தயார் செய்வது எப்படி?
தேவையான பொருள்கள்:
- புளிக்கவைத்த ரைஸ் வாட்டர் - 4 ஸ்பூன்
- காய்ச்சாத பால் - 2 ஸ்பூன்
- தேன் - 1 ஸ்பூன்
பயன்படுத்தும் முறை:
- புளிக்க வைத்து வைத்திருக்கும் ரைஸ் வாட்டரை எடுத்துக் கொண்டு அதில் சுத்தமான தேன் மற்றும் காய்ச்சாத பாலை சேர்த்து நன்கு மிக்ஸ் செய்ய வேண்டும்.
- இதை முகத்தைக் கழுவிவிட்டு அப்ளை செய்யுங்கள். லேசாக உலர்ந்ததும் அதற்கு மேல் இன்னொரு கோட்டிங் போடுங்கள். இப்படி 2-3 கோட்டிங் போடுங்கள்.
- பின்பு 20-25 நிமிடங்கள் அப்படியே வைத்திருங்கள். நன்கு காய்ந்து முகத்தைப் பிடித்து இழுப்பது போல் இருக்கும்.
- அதன்பின்பு ஒரு சுத்தமான காட்டன் துணியை தண்ணீரில் நனைத்து முகத்தை நன்கு துடைத்து எடுங்கள்.
வாரத்திற்கு எத்தனை நாள் அப்ளை செய்யலாம்?
இதை தினமும் அப்ளை செய்தாலும் எந்த பிரச்சினையும் இருக்காது. ஆனாலும் ஒரு நாள் விட்டு ஒரு நாள் என வாரத்திற்கு மூன்று முறை செய்து வரலாம். இது சருமத்தில் இருக்கும் இறந்த செல்களை முழுமையாக நீக்கும்.
இறுதியாக, இவ்வளவு எளிமையாக இந்த பேஸ்பேக்கை செய்து முடித்து விடலாம். இதற்கு பெரிய செலவும் இருக்காது. வீட்டில் இருக்கும் எளிமையான பொருள்களை வைத்தே செய்து முடித்து விடலாம்.
முக்கிய அம்சங்கள் & பலன்கள்
- சரும பளபளப்பு: கொரியன் ஸ்கின் போல கண்ணாடி போன்ற பளபளப்பை அளிக்கிறது.
- இளமையான தோற்றம்: சருமத்தை இறுக்கி, வயதாவதற்கான அறிகுறிகளைக் குறைக்கும்.
- இயற்கையான முறை: ரசாயனங்கள் அற்ற எளிய வீட்டு வைத்தியம்.
- செலவு குறைவு: வீட்டில் உள்ள பொருள்களை வைத்தே தயாரிக்கலாம்.
- இறந்த செல்கள் நீக்கம்: சருமத்தில் உள்ள இறந்த செல்களை நீக்கி புத்துணர்ச்சி அளிக்கும்.