நாம் உண்ணும் உணவுகள் குடலில் செரிமானம் ஆகும்போது உருவாகும் வாயுக்கள் இயற்கையானவை. ஆனால் அவை துர்நாற்றத்துடன் வெளியேறும்போது அசௌகரியத்தை ஏற்படுத்தும். இந்த பொதுவான செரிமான பிரச்சினைக்கு ஒரு இரைப்பை மற்றும் குடல் நிபுணர் பரிந்துரைக்கும் வாயு தொல்லைக்கு தீர்வுகள் மற்றும் வாய்வு வெளியேற்றத்தை கட்டுப்படுத்தும் வழிகள் குறித்து விரிவாக காண்போம்.
துர்நாற்றத்துடன் வாயு வெளியேற முக்கிய காரணங்கள்
வாயு வெளியேறுவது இயற்கையானது என்றாலும், துர்நாற்றத்துடன் கூடிய வாயு சங்கடத்தை ஏற்படுத்தும். இதற்கு பல காரணங்கள் உள்ளன:
- அதிக நார்ச்சத்து உணவுகள்: முட்டைகோஸ், பீன்ஸ், காலிஃபிளவர் போன்ற உணவுகள்.
- செரிமானக் கோளாறுகள்: குடலில் ஏற்படும் பிரச்சினைகள்.
- மலச்சிக்கல்: மலம் தேங்கி பாக்டீரியாக்களால் சிதைக்கப்படுதல்.
- உணவு அழற்சி: சில உணவுகளால் ஏற்படும் ஒவ்வாமை.
- மருந்துகள்: சில மருந்துகளின் பக்க விளைவுகள்.
டாக்டர் ஜோசப் பரிந்துரைக்கும் 3 எளிய தீர்வுகள்
இரைப்பை மற்றும் குடல் நிபுணர் டாக்டர் ஜோசப் சல்ஹாப் (Dr. Joseph Salhab) துர்நாற்றத்துடன் கூடிய வாயுத் தொல்லையைக் குறைக்க மூன்று முக்கிய தீர்வுகளைப் பரிந்துரைக்கிறார்:
- 1செமிதிகோன் (Simethicone)
மருந்து கடைகளில் கிடைக்கும் இது, குடலில் அடைபட்ட வாயுக் குமிழ்களை உடைத்து இலகுவாக வெளியேற்ற உதவுகிறது. வயிறு உப்பசம் மற்றும் வாயுத் தேக்கத்தைத் தவிர்க்கிறது.
- 2புதினா டீ (Peppermint Tea)
அதிகப்படியான வாயு உற்பத்தி மற்றும் தேக்கத்தினால் ஏற்படும் அடிவயிற்று வலி மற்றும் அழுத்தத்தைக் குறைக்கும். மெந்தால் (Menthol) தசைகளை ரிலாக்ஸ் செய்து வாயு வெளியேற்றத்தை எளிதாக்குகிறது. இதன்மூலம் வயிற்றுப் பிடிப்புகள் குறையும். வாய்வு மிக இலகுவாக வெளியேறும். புதினாவை டீயாக எடுத்துக் கொள்ளும்போது வயிறு, குடல் ஆகியவற்றை ரிலாக்ஸாக வைத்திருக்கும். துர்நாற்றம் இல்லாத வாய்வு வெளியேற்றத்திற்கு துணை செய்யும்.
- 3பெப்டொ பிஸ்மோல் (Pepto Bismol)
இது வாயுக்களை உடைத்து துர்நாற்றம் இல்லாமல் வெளியேற்ற உதவுகிறது. பிஸ்முத் சப்சாலிசிலியேட் (Bismuth Subsalicylate) குடலுக்குள் வாயு தேங்குவதைச் சரிசெய்து மோசமான துர்நாற்றத்தைப் போக்க உதவும். மாத்திரை, டானிக், சுயிங்கம் என பல வடிவங்களில் கிடைக்கிறது.
இயற்கையாக வாயுத் தொல்லையை குறைக்கும் வழிகள்
- உணவுப் பழக்கம்: உணவை மெதுவாக நன்கு மென்று சாப்பிடுங்கள்.
- தவிர்க்க வேண்டியவை: சில கார்போஹைட்ரேட், காம்ப்ளக்ஸ் சுகர், கரையா நார்ச்சத்து கொண்ட உணவுகள், சுயிங்கம், பீர், சோடா, கார்பனேட்டட் பானங்கள், புகைப்பிடித்தல்.
- சேர்க்க வேண்டியவை: ப்ரோபயாடிக் உணவுகளை அதிகமாக சேர்த்துக் கொள்ளுங்கள்.
- உடல் செயல்பாடு: ஒரே இடத்தில் இல்லாமல் உடல் செயல்பாடுகளில் ஈடுபடுங்கள்.