எண் கணிதத்தின்படி 7, 16, 25 ஆகிய தேதிகளில் பிறந்தவர்களின் வாழ்க்கையில் பல்வேறு நற்பலன்கள் இருந்தாலும், அவர்களின் திருமண வாழ்க்கையில் சில குறிப்பிட்ட சவால்கள் உள்ளன. இவர்களின் வேலை, தொழில், காதல் மற்றும் திருமண வாழ்க்கை எப்படி இருக்கும் என்பதை விரிவாக இந்த பதிவில் ஜோதிடம்360 மூலம் தெரிந்து கொள்வோம்.
கேது ஆளும் எண் 7: ஒரு விரிவான பார்வை
ஒவ்வொரு எண்ணும் நவகிரகத்தில் உள்ள ஏதேனும் ஒரு கிரகத்தின் ஆளுமையின் கீழ் இருக்கும். அந்த வகையில் சிறப்புகள் வாய்ந்த எண் 7, நிழல் கிரகமான கேது பகவான் ஆளக்கூடியதாகும். கேதுவின் தாக்கத்தால், இவர்கள் ஞானத்தைப் பெறுவதாக நினைத்து சில சமயங்களில் மன ஏமாற்றம் அடைவார்கள். அதன் காரணமாக இவர்களின் வாழ்க்கை, குழந்தை பருவம், இளமை காலம், மற்றும் திருமண வாழ்க்கை எனப் பல நிலைகளிலும் சில சிக்கல்களைக் கடந்துதான் முன்னேற்றம் காண முடியும். இங்கு 7, 16, 25 ஆகிய ஒவ்வொரு தேதியில் பிறந்தவர்களுக்கான பலன்களை ஒவ்வொன்றாகப் பார்ப்போம்.
பிறந்த தேதி வாரியான பலன்கள்
7ம் தேதி பிறந்தவர்களுக்கான பலன்
எண்களில் பல்வேறு சிறப்புகள் வாய்ந்தது எண் 7. ஏழாம் தேதியில் பிறந்தவர்கள் கடந்த காலம், நிகழ்காலம், எதிர்காலம் அறிந்தவர்களாக இருப்பார்கள். கேதுவின் தாக்கம் அதிகமாக இருக்கும் என்பதால் இவர்களின் திருமண வாழ்க்கையில் பாதிப்புகள் ஏற்படும். சில நேரங்களில் இது பெரியதாக வெடிக்கும். இவர்கள் குடும்பத்திலும், பணியிடத்திலும் தங்களின் விஷயங்களை வெளிப்படையாக பகிர்ந்து கொள்ள மாட்டார்கள். திருமண வாழ்க்கையில் மனைவியுடன் மோதல் ஏற்பட வாய்ப்புள்ளது.
16ம் தேதி பிறந்தவர்களுக்கான பலன்கள்
இந்தத் தேதியில் பிறந்தவர்களுக்கு தங்களின் காதல் வாழ்க்கையில் சிக்கல்கள் எதிர்கொள்ள வாய்ப்புள்ளது. இவர்கள் எந்த ஒரு சூழ்நிலையிலும் தங்களின் கருத்தை பேச தயங்கமாட்டார்கள். வெளிப்படையான பேச்சால், விமர்சனத்தால் பிறரின் கோபம், விமர்சனங்களைச் சந்திக்க நேரிடும். இந்தத் தேதியில் பிறந்தவர்கள் திருமண வாழ்க்கையில் அதிக தாக்கம் இருக்கும். துணையுடன் கருத்து வேறுபாடுகளால் வாழ்க்கையில் பாதிப்பு ஏற்படும். இவர்கள் தங்களின் மன எண்ணங்களை வெளிப்படையாகத் துணையுடன் பகிர்ந்து கொள்வதால் பிரச்னைகளை தவிர்க்கலாம். அன்பும், நெருக்கமும் அதிகரிக்கும். தம்பதிகள் விட்டுக் கொடுத்துச் செல்வது நன்மை தரும்.
25ம் தேதி பிறந்தவர்களுக்கான பலன்கள்
இந்தத் தேதியில் பிறந்தவர்கள் தங்களின் வாழ்க்கையில் மிகக் குறைவான நண்பர்களையே கொண்டிருப்பார்கள். இவர்கள் வாழ்க்கையில் வசதிகளும், ஆடம்பரத்துடன் வாழ நினைப்பார்கள். அதே சமயம் இவர்கள் புத்திசாலித்தனமாகச் செயல்படுவதோடு, சொந்தமாக பணம் சம்பாதிப்பதில் சிறப்பான வெற்றி பெறுவார்கள். பணம் சம்பாதிப்பதில் கில்லாடிகளாக இருப்பார்கள் என்பதால் இவர்களுக்கு நிதி நெருக்கடி நிலை அரிதாகவே இருக்கும்.
7, 16, 25ல் பிறந்தவர்களின் வேலை வாய்ப்புகள்
இந்த தேதிகளில் பிறந்தவர்கள் பொதுவாக பிறரிடம் நன்றாக பழகக்கூடியவர்களாக இருப்பார்கள். ஆனால் நண்பர்கள் அளவில் நெருக்கம் காட்ட தயங்குவார்கள். இவர்கள் நீதிபதி, எழுத்து துறை, மருத்துவம் அல்லது ஜோதிட துறையில் மிகவும் சிறப்பாக செயல்படவும், சாதிக்கவும் வாய்ப்புள்ளது. தமிழ் ஜோதிடத்தில் இவர்களுக்கு ஒரு தனி இடம் உண்டு.