எறும்பு கடிக்கு திருநீறு பூசலாமா? சரும நிபுணர் டாக்டர் ஸ்வேதா ராகுல் விளக்கம்

சரும நிபுணர் ஸ்வேதா ராகுல் அவர்களின் விளக்கம்:

பொதுவாக, எறும்பு அல்லது குழவி கடித்த இடத்தில் சேறு, மண், அல்லது சாம்பல் போன்றவற்றை பூசுவது ஒரு பொதுவான பழக்கம். எறும்பு கடித்தவுடன் அந்த இடம் சிவந்து, லேசாக வீங்கியது போல தோன்றும். இந்த நிலையில் வீட்டில் இருக்கும் திருநீறு அல்லது சாம்பலை நீரில் குழைத்து பூசுவது என்பது நீண்டகாலமாக கடைபிடிக்கப்பட்டு வருகிறது.

டாக்டர் ஸ்வேதா ராகுல் அவர்கள் தனது இன்ஸ்டகிராம் வீடியோவில் குறிப்பிடுவதாவது, எறும்பு கடிக்கும்போது சருமத்தில் ஹிஸ்டமைன் உள்ளிட்ட இன்ஃபிளமேட்டரி மீடியேட்டர்கள் உருவாகின்றன. இதனால் தான் கடித்தவுடன் தடிப்பு, நமைச்சல், வலி மற்றும் சுறுசுறுவென்று பிடிப்பது போன்ற உணர்வுகள் ஏற்படுகின்றன.

அந்த சமயத்தில் திருநீறை தண்ணீரில் குழைத்து போடுவது எறும்பு கடித்தவுடன் ஏற்படும் எரிச்சலைத் தணிக்கவும், சற்று குளிர்ச்சியாக உணரவும் உதவும். இது இன்ஃபிளமேட்டரி மீடியேட்டர்களால் உருவாகும் சூட்டைத் தடுத்து, சரும எரிச்சலைக் குறைக்கும். நன்கு குளிர்ச்சியாக உணர வைக்கும்.

ஆனால், திருநீறு அந்த இன்ஃபிளமேஷனையோ அதன் நீண்டகால பாதிப்பையோ சரிசெய்யாது. அது தற்காலிகமாக எரிச்சல் மற்றும் வலியைக் குறைக்க மட்டுமே உதவி செய்யும். குளிர்ச்சிக்காக எறும்பு கடித்த இடத்தில் திருநீறு பூசுவதில் தவறும், ஆபத்தும் எதுவும் இல்லை என்கிறார் டாக்டர் ஸ்வேதா ராகுல்.

இறுதியாக, காலங்காலமாக பின்பற்றப்படும் எல்லா வீட்டு வைத்தியங்களுமே அறிவியல் ரீதியான ஆதாரங்களை முழுமையாக கொண்டிருப்பதில்லை. அதேநேரம், எல்லாமே பயனற்றவையும் அல்ல. இதுபோன்ற சின்ன சின்ன, ஆபத்தில்லாத வீட்டு வைத்தியங்களை செய்வதில் தவறில்லை. ஆனால், அனைத்தையும் கண்ணை மூடிக்கொண்டு பின்பற்றக் கூடாது என்பதே அவருடைய அறிவுரை.

அடிக்கடி கேட்கப்படும் கேள்விகள்