திருமணத்திற்கு முன் வேக்ஸிங்: ஏன் தவிர்க்க வேண்டும்? - டாக்டர் ஸ்வேதா ராகுல்

திருமணத்திற்கு முன் அழகுப் பராமரிப்பில் செய்யக்கூடாதவை

திருமணத்திற்கு தயாராகும் பெண்கள் தங்களை அழகுப்படுத்தி கொள்ள என்னென்ன சரும பராமரிப்புகள் இருக்கிறதோ அத்தனையும் செய்வார்கள். திருமண நாள் நெருங்க நெருங்க முகத்தை அழகாக காட்ட, கூந்தலை அழகுப்படுத்த ஆர்வமாக இருப்பார்கள். இவை எல்லாம் நல்லதுதான். ஆனால் அப்படி செய்யும் சரும பராமரிப்புகள் எல்லாமே பாதுகாப்பானதா என்பதையும் தெரிந்துகொள்ள வேண்டும். குறிப்பாக முகத்தில் இருக்கும் தேவையற்ற முடி, கை கால்களில் இருக்கும் முடியை அகற்றும் வேக்ஸிங் முறையை திருமணத்துக்கு முந்தைய சில நாட்களில் செய்ய விரும்புவார்கள். ஆனால் இது சருமத்துக்கு நல்லதா? இதனால் சருமம் பாதிக்கப்படுமா? என்பதைத் தெரிந்துகொள்வோம்.

மணப்பெண் செய்யும் முக்கிய தவறு

திருமணத்துக்கு முன்பு உங்கள் சருமத்துக்கு நீங்கள் செய்யும் அத்தனை பராமரிப்புகளும் ஒரு நிபுணரது வழிகாட்டுதலின்படி இருந்தால் தான் உங்கள் சருமம் பாதுகாப்பாகவும் பளபளப்பாகவும் ஜொலிக்கும் என்று சொல்லலாம். குறிப்பாக வேக்ஸிங் செய்யும் பெண்கள் இன்னும் கவனமாக இருக்க வேண்டும் என்கிறார் டாக்டர் ஸ்வேதா ராகுல்.

கை கால்களில் முடியை அகற்ற வேக்ஸிங் செய்யும் பழக்கம் இருப்பவர்கள் தங்கள் அழகான ஆடை அமைப்பை வெளிக்காட்டும் விதமாக முதுகுப்பக்கமும் வேக்ஸிங் செய்ய நினைத்தால் டாக்டர் ஸ்வேதா சொல்வதை கேட்டு நடப்பது சருமத்தை பாதுகாப்பாக வைக்கும்.

திருமணத்துக்கு முன்பு வேக்ஸிங்: ஏன் தவிர்க்க வேண்டும்?

சில கல்யாணப்பெண்கள் செய்யும் மிகப்பெரிய தவறு என்றால் திருமணத்துக்கு முன்பு முதுகுபகுதியில் வேக்ஸிங் செய்வதுதான் என்கிறார் டாக்டர் ஸ்வேதா ராகுல். திருமணத்திற்கு பிளவுஸ் டிசைனுக்கு அதிகம் மெனக்கெடுவார்கள். அழகாக டிசைன் செய்திருப்பார்கள். பார்க்கவே அழகாக இருக்கும். ஆனால் அந்த பிளவுஸ் டிசைன் அழகாக இருக்க, பிளவுஸ் அணியும் போது முதுகு பகுதியில் இருக்கும் முடி தெரியாமல் இருக்க, திருமணத்துக்கு 2-3 நாளுக்கு முன்பாக வேக்ஸிங் செய்வார்கள். இதனால் கல்யாணம் முடிந்த பிறகு வேக்ஸிங் செய்ததால் பல உபாதைகள் எதிர்கொள்ள வேண்டியிருக்கும்.

வேக்ஸிங் செய்வதால் சருமம் பாதிக்குமா?

திருமணத்துக்கு முன்பு முதுகு பகுதியை வேக்ஸிங் செய்வதால் முதுகு முழுவதும் சிறு சிறு கட்டிகள் ஏற்படும். பிறகு சீழ் நிறைந்த கட்டிகளாகவும் மாறக்கூடும். இது post waxing folliculitis என்று அழைக்கப்படுமாம். வேக்ஸிங் செய்யும் போது முடியுடன் பலமாக பிடித்து இழுப்பதால் அந்த இடத்தில் எரிச்சல் ஏற்பட்டு, சருமம் பாதிக்கப்பட்டு சிறிய கொப்புளங்கள் வருகின்றன. அதனால் திருமணத்துக்கு முன்பு உங்கள் முதுகுப் பகுதியை மட்டும் அல்ல, முகம், தாடை என எந்தப் பகுதியாக இருந்தாலும் வேக்ஸிங் தவிர்ப்பதுதான் நல்லது என்கிறார் டாக்டர் ஸ்வேதா ராகுல். பொதுவாக வேக்ஸிங் செய்த பிறகு வீக்கமடையும் மயிர்க்கால்களால் உருவாவதுதான் சிறு சிறு கட்டிகள். இது சில நேரங்களில் தொற்று கூட உண்டு செய்துவிடலாம்.

வேக்ஸிங்கிற்கு மாற்று வழிகள்

ஷேவிங் செய்யலாமா?

வேக்ஸிங் தான் வலியும் உபாதையும் தரும் அதனால் நான் ஷேவிங் செய்து கொள்ளலாமா என்று சிலர் நினைப்பார்கள். அவர்களுக்கும் டாக்டர் ஸ்வேதா ராகுல் சொல்வது என்ன தெரியுமா? பெண்கள் வேக்ஸிங் பதிலாக ஷேவிங் செய்து கொள்ளலாம். உங்களுக்கு ஷேவிங் செய்வது வழக்கம் என்றால் நீங்கள் திருமணத்துக்கு இரண்டு நாட்களுக்கு முன்பு ஷேவிங் செய்து கொள்ளலாம். அல்லது ஒருநாள் முன்னதாக கூட ஷேவிங் செய்து கொள்ளலாம். இது சருமத்துக்கு மிகப்பெரிய தவறில்லை. அதனால் இதை நீங்கள் செய்யலாம் என்கிறார். நீங்கள் ஷேவிங் செய்யும் போது சரியான ரேஸரை பயன்படுத்துகிறீர்களா என்பதை உறுதி செய்து கொள்ளுங்கள். அதோடு சரியான முறையில் காயம் ஏற்படாமல் செய்து கொள்ள வேண்டும். உங்கள் முதுகுப்பகுதியிலும் அதை செய்ய விரும்பினால் வேறு ஒருவரது உதவியுடன் நீங்கள் அதை செய்து கொள்ளலாம்.

லேசர் மூலம் முடியை அகற்றலாமா?

வேக்ஸிங் செய்யாமல் முடியை அகற்ற லேசர் முறையை வழக்கமாக பயன்படுத்துபவர்கள் இது பற்றி கவலைப்படலாமா என்ற கேள்வி உங்களுக்கு இருக்கும். ஆனால் உங்களுக்கும் டாக்டர் ஸ்வேதா குறிப்புகள் அளித்திருக்கிறார். நீங்கள் லேசர் முறையில் முடியை அகற்றும் பழக்கம் கொண்டிருந்தாலும் திருமணத்திற்கு முன்பு அதை செய்யக் கூடாதாம். திருமணத்துக்கு 10 நாட்களுக்கு முன்பு இந்த லேசர் சிகிச்சை செய்து கொள்ள அறிவுறுத்துகிறார். ஏனெனில் லேசர் முறையில் முடியை அகற்றும் போது சிறிதளவு வெப்பத்தை அது தூண்டும். அதனால் திருமணத்துக்கு முன்பு சருமத்தை அழகாக வெளிப்படுத்த என்ன செய்கிறோம் என்பதில் கவனம் செலுத்துங்கள்.

அடிக்கடி கேட்கப்படும் கேள்விகள்