விநாயகர் வழிபாடு: தோப்புக்கரணம் மற்றும் தலையில் குட்டும் முறையின் ரகசியங்கள்

விநாயகரை சரியாக வழிபடும் முறை - தலையில் எத்தனை முறை குட்ட வேண்டும்?

விநாயகருக்கு முன் தலையில் குட்டிக் கொண்டு வணங்க வேண்டும் என்பது பெரும்பாலானவர்களுக்குத் தெரியும், ஆனால் எத்தனை முறை தலையில் குட்டிக் கொள்ள வேண்டும் என்பது பலருக்குத் தெரியாது. பெரும்பாலானவர்கள் 3 முறையும், சிலர் ஒரு முறையும் தலையில் குட்டிக் கொள்வது உண்டு. ஆனால், விநாயகருக்கு முன் தலையில் குட்டிக் கொள்வதற்கு என்று ஒரு சரியான முறை உள்ளது.

மொத்தம் ஐந்து முறை தலையில் குட்டிக் கொண்டு வணங்க வேண்டும். அப்படி குட்டிக் கொள்ளும் போது, பின்வரும் கணபதி மந்திரம் ஒன்றை சொல்லிக் கொண்டு தான் குட்டிக் கொள்ள வேண்டும்:

"சுக்லாம்பரதரம் விஷ்ணும் சசிவர்ணம் சதுர்புஜம் ப்ரஸந்ந வதநம் த்யாயேத் ஸர்வ விக்நோப சாந்தய"

இந்த கணேச மந்திரத்தில், கணேசரை வர்ணிக்க ஐந்து வார்த்தைகள் பயன்படுத்தப்பட்டுள்ளன. ஒவ்வொன்றும் ஒரு குட்டுக்கான முக்கியத்துவத்தைக் குறிக்கிறது:

1. சுக்லாம்பரதரம்: வெள்ளை வஸ்த்ரம் கட்டிக் கொண்டிருப்பவர்.
2. விஷ்ணும்: எல்லா இடத்திலேயும் பரவி இருப்பவர்.
3. சசிவர்ணம்: நிலா மாதிரி பால் போன்ற நிறமுடையவர்.
4. சதுர்புஜ: நான்கு கைகள் உள்ளவர்.
5. ப்ரஸந்ந வதநம்: நல்ல மலர்ந்த முகம் உள்ளவர்.

இந்த ஐந்து வார்த்தைகளில் ஒவ்வொன்றும் ஒரு குட்டாக ஐந்து தரம் நெற்றிப் பொட்டில் குட்டிக் கொள்ள வேண்டும். வலக்கையை இடக்கையின் முன் வைத்து வலக்கையால் இடப்புறத்திலும், இடக்கையால் வலப்புறத்திலும் மண்டையில் குட்டி கொள்வது முறை. இதுவே விநாயகரை வழிபடும் சரியான முறையாகும். இந்த முறையில் வழிபட்டால் மட்டுமே விநாயகரை வழிபட்ட முழு பலனும் நமக்கு கிடைக்கும்.