திருப்பதி ஏழுமலையான், செல்வத்தின் அதிபதியான குபேரனிடம் கடன் வாங்கி பத்மாவதி தாயாரை மணந்தார் என்ற புராணக் கதை பலரையும் ஆச்சரியப்பட வைக்கிறது. இது வெறும் கதையா அல்லது மறைந்திருக்கும் ஆன்மிக உண்மைகளா? கலியுகத்தில் நம் அனைவருக்கும் உள்ள கர்மவினைகள், கடன் சுமைகள் பற்றிய ஆழமான ஜோதிட மற்றும் ஆன்மிக உண்மைகளை இந்த கட்டுரை விளக்குகிறது. மேலும், முருகப் பெருமான் அருளோடு, திருப்பதி பவித்ரோற்சவம் மற்றும் ஏழுமலையான் கடன் ரகசியங்கள் பற்றிய முழு விவரங்களையும் இங்கே காணலாம்.
திருப்பதி பவித்ரோற்சவம் என்றால் என்ன?
திருமலை திருப்பதி ஏழுமலையான் கோவிலில் வருடாந்திர உற்சவங்கள் கோலாகலமாக நடந்து வருகின்றன. ஆகஸ்ட் மாதம் 3ம் தேதி துவங்கி 5 ம் தேதி வரை பவித்ரோற்சவம் நடைபெற உள்ளது. ஆண்டுதோறும் ஏழுமலையானுக்கு நடைபெறும் பூஜைகள், மந்திரங்கள், உபசாரங்கள் ஆகியவற்றில் ஏதாவது தவறு ஏற்பட்டிருந்தால், அதனால் ஏற்படும் தோஷத்தை அல்லது பாவங்களை நீக்குவதற்கான சடங்குகள் செய்யப்படும் உற்சவமே பவித்ரோற்சவம் ஆகும். இது ஆண்டுக்கு ஒருமுறை ஆடி மாதத்தில் திருப்பதியில் வெகு விமர்சையாக நடத்தப்படும் சிறப்பு வாய்ந்த உற்சவங்களில் ஒன்றாகும்.
சீனிவாசன் அவதாரம் மற்றும் குபேரனின் நிபந்தனை
வெங்கடேஷ பெருமாள் பூலோகத்தில் சீனிவாசராக அவதரித்தார். கலியுகத்தில் மனிதர்களுக்கு ஏற்படும் துன்பங்களிலிருந்து அவர்களைக் காப்பதற்காகவே பெருமாள் இந்த அவதாரத்தை எடுத்ததாகச் சொல்லப்படுகிறது. திருப்பதி ஏழுமலையான் பற்றி எத்தனையோ கதைகள் சொல்லப்பட்டாலும், திருப்பதி தலம் உருவானதற்கு குபேரனே காரணம் என்று பல கதைகளில் சொல்லப்படுகிறது.
புராணக் கதைகளின்படி, ஆகாச ராஜனுக்கு மகளாக அவதரித்த மகாலட்சுமியின் அவதாரமான பத்மாவதி தாயாரை மணப்பதற்காக பூலோகத்தில் சீனிவாசராக அவதரித்தார் மகாவிஷ்ணு. தனது மகளைத் திருமணம் செய்து கொள்ளப்போகிறவரின் செல்வ வளம் எப்படி இருக்கிறது என சோதிப்பதற்காக, தனது மகளைத் திருமணம் செய்ய வேண்டும் என்றால் பெரிய தொகையை வரதட்சணையாகக் கொடுக்க வேண்டும் என சீனிவாசனிடம் கேட்டார் ஆகாச ராஜன்.
ஏழுமலையானுக்கு குபேரன் விதித்த நிபந்தனை:
பத்மாவதியை எப்படியாவது மணம் முடிக்க வேண்டும் என்பதற்காக குபேரனின் உதவியை நாடினார் வெங்கடேஷ பெருமாள். செல்வத்திற்க அதிபதியான குபேரனிடம் தனது திருமணத்திற்கு ஒரு கோடியே 14 லட்சம் தங்க காசுகளை கடனாகப் பெற்றார். இந்தத் தொகையை குபேரன் சாதாரணமாகத் தரவில்லை. ஒரு நிபந்தனையுடன் தான் இந்தக் கடனை அவர் அளித்துள்ளார்:
- நிபந்தனை 1: கலியுகம் முடியும் வரை கடனாக வாங்கிய தொகையை வட்டியுடன் சேர்த்துத் திருப்பித் தர வேண்டும்.
- நிபந்தனை 2: அப்படி கடனைத் திருப்பித் தரும் வரை பூலோகத்திலேயே இருக்க வேண்டும். வைகுண்டத்திற்குச் செல்லக் கூடாது.
இதற்குப் பெருமாளும் சம்மதம் தெரிவித்தார். அதனால் தான் பத்மாவதி தாயாரைத் திருமணம் முடித்ததும் வைகுண்டத்திற்கு அழைத்துச் செல்லாமல், திருமலைக்கு அழைத்துச் சென்று அங்கேயே வாசம் செய்து வருகிறார்.
ஏழுமலையானின் கடன் உணர்த்தும் உண்மைகள்
குபேரனிடம் ஏழுமலையான் வாங்கிய கடன் என்பது மூன்று விஷயங்களை உணர்த்துவதாகும். இந்த ஆன்மிக மற்றும் ஜோதிட உண்மைகளை நாம் முருகப் பெருமான் ஆலயங்களில் காணும் ஆழ்ந்த பக்தியுடன் ஒப்பிட்டுப் பார்க்கலாம். தமிழ் மரபில் தெய்வங்கள் மனித ரூபம் எடுக்கும்போது, அவர்தம் வாழ்க்கையிலும் கர்ம வினைகள் வெளிப்படும் என்பது ஒரு பொதுவான கருத்து.
- கர்ம வினைகள்: கடன் உள்ளிட்ட கர்மவினைகளுக்கு அனைவரும் உட்பட்டவர்கள். கடவுளே மனித உருவில் வந்தாலும் அதற்கு விதிவிலக்கு கிடையாது. அவரும் அனுபவித்து தான் ஆக வேண்டும்.
- பக்தர் அன்பு: தன் மீது அன்பு வைப்பவர்களுக்காக இறைவன் எதையும் நடத்திக் காட்டுவார்.
- கலியுக பாதுகாப்பு: கலியுகம் முடியும் வரை திருமலைக்கு வரும் பக்தர்களை மட்டுமல்ல, தொலைவில் இருந்தும் தன்னை நினைக்கும் பக்தர்களைக் காக்க பெருமாள் பூமியில் தான் கலியுகம் முடியும் வரை இருப்பார். நாம் அழைத்தால் உடனடியாக வருவதற்கு அவர் எப்போதும் தயாராக இருக்கிறார்கள். ஆனால் நாம் தான் அவரை உண்மையான பக்தியுடன் அழைப்பதற்குப் பதிலாக ஒன்று கஷ்டத்தைச் சொல்லிப் புலம்புகிறோம் அல்லது எனக்கு அதை கொடு, இதை கொடு என்று மட்டும் கேட்கிறோம். நம்முடைய கர்மவினைகளின் காரணமாக "இறைவா நீ எப்போதும் என்னுடன் இரு" எனக் கேட்கத் தவறி விடுகிறோம்.
ஏழுமலையான் கடன் எப்போது அடையும்?
பெருமாள், குபேரனிடம் வாங்கிய கடனுக்கு இன்று வரை வட்டி தான் கட்டிக் கொண்டிருக்கிறார் என்று சில கதைகளும், தான் பட்ட கடனை கலியுகத்தில் தனது பக்தர்கள் காணிக்கையாகச் செலுத்தி அடைப்பார்கள் என்று பெருமாளை சொன்னதாக சில கதைகளும், குபேரனிடம் வாங்கிய கடனை பெருமாள் எப்போதோ அடைத்து விட்டார். ஆனால் கடன் அடைந்து விட்டால் பெருமாள் திருமலையில் இல்லாமல் வைகுண்டத்திற்குச் சென்று விடுவார் என்பதால் அதை மறைத்து வைத்துள்ளார்கள் என்று சில கதைகளும் சொல்லப்படுகின்றன.
தூணிலும் துரும்பிலும் இருக்கும் பராந்தாமனுக்குத் தெரியாமல் மனிதர்களால் எதை மறைத்து வைத்து, அவரையே ஏமாற்றி விட முடியும்?
குபேரன் விதித்த நிபந்தனைகளின்படி, கலியுகம் முடியும் நேரத்தில் தான் ஏழுமலையான் வாங்கிய கடன் அடையும். அதுவரை மக்களைக் காக்க பூமியிலேயே ஏழுமலையானாக இருப்பார்கள். கலியுகம் முடியும் போது தனது பத்தாவது அவதாரமான கல்கி அவதாரத்தையும் நிகழ்த்திய பிறகு தான் மீண்டும் வைகுண்டத்திற்குப் பெருமாள் திரும்புவார் என சில நம்பிக்கைகளின் அடிப்படையில் சொல்லப்படுகிறது.