நமது ஆன்மீக மற்றும் ஜோதிட வழிகாட்டிகளான ஜோதிடம்360, உடல்நலம் மற்றும் சருமப் பாதுகாப்பின் முக்கியத்துவத்தையும் வலியுறுத்துகிறது. ஒரு சீரான சருமப் பராமரிப்பு, உள் ஆரோக்கியத்தின் பிரதிபலிப்பாகும். இந்த வழிகாட்டியில், உங்கள் சருமத்தைப் பொலிவுடன் வைத்திருக்க, சரியான ஸ்கின்கேர் தயாரிப்புகளை எந்த வரிசையில் பயன்படுத்த வேண்டும் என்பதை விரிவாகக் காணலாம். இது உங்கள் ஆரோக்கியத்திற்கு ஒரு முக்கிய படி. முருகன் அருள் போல, தெளிவான பாதையை நோக்கி உங்களை வழிநடத்துகிறோம்.
சருமப் பராமரிப்பின் முக்கியத்துவமும் சரியான வழிமுறைகளும்
சமீப சில ஆண்டுகளாகத்தான் ஸ்கின் கேர் பற்றிய விழிப்புணர்வே மக்களுக்கு வந்திருக்கிறது. ஆனாலும் நிறைய பேருக்கு ஸ்கின் கேருக்கும் மேக்கப்பிற்கும் வித்தியாசம் தெரிவதில்லை. ஸ்கின் கேர் என்பது சருமத்திற்கு உள்ளே சென்று ஊடுருவி சருமத்தைப் பாதுகாப்பது, மேக்கப் என்பது சருமத்தின் மேல் அடுக்கில் இருந்து அழகாக காட்டுவதற்காக தற்காலிகமாக பயன்படுத்துவது. இதில் மிக முக்கியமானது ஸ்கின் கேர் தான். அதில் எந்தெந்த ஸ்கின் கேர் பொருள்களை எந்த ஆர்டரில் அப்ளை செய்ய வேண்டும் என்று தெரியாமல் தவறாக செய்கிறோம். அதை சரியாக செய்யும்முறை இதோ...
முதல் ஸ்டெப் - க்ளன்சிங்
சருமத்திற்கு என்ன அப்ளை செய்வதாக இருந்தாலும் அப்படியே விடுவதாக இருந்தாலும் சரி, அதற்கு முன்பாக முதலில் செய்ய வேண்டியது க்ளன்சிங் தான். வெளியில் சென்றுவிட்டு வந்தாலும், வீட்டுக்குள்ளே இருந்தாலும் முகத்தில் நிறைய அழுக்குகள், மாசுக்கள் இருக்கும். அவற்றை முதலில் சுத்தம் செய்ய வேண்டும். சருமத்தை நன்கு க்ளீன்சிங் செய்துவிட்டு பிறகு தான் மற்ற ஸ்கின் கேர் ரொட்டீனை தொடங்க வேண்டும்.
டோனர்
க்ளன்சர் பயன்படுத்தி முகத்தை நன்கு சுத்தம் செய்த பிறகு முகம் தண்ணீரால் ஈரமான இருக்கும். ஆனால் க்ளன்சர் பயன்படுத்தி அழுக்குகள் நீங்கும்போது சருமத்தில் இருக்கும் மாய்ஸ்சரும் குறையும். அதனால் க்ளன்சிங் செய்தவுடன் சருமத்தின் பிஎச் (PH) அளவை சமநிலைப்படுத்த டோனர் பயன்படுத்துங்கள். மார்க்கெட்டுகளில் நிறைய ஃபேஸ் மிஸ்ட், டோனர்கள் கிடைக்கின்றன. அல்லது வெறும் ரோஸ் வாட்டர் மட்டுமே கூட மிகச்சிறந்த டோனராகச் செயல்படும்.
சீரம் வகைகள்
சீரம் பயன்படுத்தும் போது தான் நிறைய பேர் குழம்பிவிடுவார்கள். டோனருக்கு முன்பா, பின்பா என்பது போன்ற குழப்பங்கள் வரும். ஹைட்ரேட்டிங்காக இருக்கவோ, பிக்மண்டேஷனுக்கோ எந்த வகை சீரமாக இருந்தாலும் டோனருக்கு பிறகே அப்ளை செய்ய வேண்டும். பகலில் பெரும்பாலும் ஹைரலூனிக் அமிலம் மற்றும் நியாசினமைடு சீரம்கள் தான் பயன்படுத்துவோம். அவற்றை டோனருக்கு பின் பயன்படுத்தலாம்.
மாய்ஸ்ச்சரைஸர்
இதுதான் சருமப் பராமரிப்பில் மிக முக்கியமான கட்டம். சருமத்தை எவ்வளவுக்கு எவ்வளவு ஹைட்ரேட்டிங்காக வைத்திருக்கிறீர்களோ அவ்வளவு நல்லது. சருமப் பிரச்சினைகளைத் தவிர்க்க முடியும். அதனால் எப்போதும் போதிய அளவு மாய்ஸ்ச்சரைஸர் அப்ளை செய்யுங்கள். சிலர் நிறைய மாய்ஸ்ச்சரைஸர் போட்டால் முகத்தில் ஏதோ அப்பியிருப்பது போல் உணர்கிறார்கள். அதைத் தவிர்க்க சரும வகைக்கு ஏற்றபடி மாய்ஸ்ச்சரைஸர் தேர்வு செய்யுங்கள். ஆயில் ஸ்கின் உள்ளவர்கள் லைட் வெயிட் மாய்ஸ்ச்சரைஸர் பயன்படுத்தலாம். சருமப் பிரச்சினைகள் நிறைய உள்ளவர்கள் தற்போது சீரம் செறிவூட்டப்பட்ட மாய்ஸ்ச்சரைஸர்கள் கிடைக்கின்றன. அவற்றை வாங்கிப் பயன்படுத்தலாம்.
சன் ஸ்க்ரீன்
மாய்ஸ்ச்சரைஸர் அப்ளை செய்தபின் கடைசியாகத் தான் சன் ஸ்க்ரீன் அப்ளை செய்ய வேண்டும். அதாவது ஸ்கின் கேரின் கடைசி ஸ்டெப் தான் சன் ஸ்கிரீன். அப்போது தான் கதிர்வீச்சுக்களின் தாக்கம் சருமத்தின் உள்ளே ஊடுருவாமல் தடுக்க முடியும். அதேபோல வீட்டை விட்டு வெளியே செல்வதற்கு 15-20 நிமிடங்களுக்கு முன்பாக சன் ஸ்க்ரீன் அப்ளை செய்ய வேண்டும். அதேபோல உங்களுடைய கை விரலில் இரண்டு விரல்களின் நீளத்திற்கு சன் ஸ்க்ரீன் எடுத்து அப்ளை செய்ய வேண்டும்.
ஸ்கின் கேர் செய்யும்போது கவனத்தில் கொள்ள வேண்டியவை
- நேரம் ஒதுக்குதல்: டோனர், மாய்ஸ்ச்சரைஸர் என வரிசையாக அடுத்தடுத்து அப்ளை செய்வோம். அது சருமத்திற்குள் ஊடுருவ நேரம் தர வேண்டும். அதனால் ஒவ்வொரு சருமப் பராமரிப்பு தயாரிப்புகளை அப்ளை செய்த பின்னும் அது சருமத்திற்குள் ஊடுருவ நேரம் கொடுக்க வேண்டும்.
- சருமப் பொருத்தம்: எந்த தயாரிப்பாக இருந்தாலும் அது உங்கள் சருமத்தில் எப்படி வேலை செய்கிறது என்பதை கவனியுங்கள்.
- பேட்ச் டெஸ்ட்: சரும பராமரிப்பு பொருள்கள் அப்ளை செய்வதற்கு முன்பாக பேட்ச் டெஸ்ட் செய்வது நல்லது.
- தொடர் பயன்பாடு: ஒரு நாள் ஸ்கின் கேர் செய்வது சில நாட்கள் விட்டுவிடுவது போன்றவை கூடாது. தொடர்ச்சியாக தினமும் செய்யும்போது தான் அதற்குரிய பலன் உங்களுக்குக் கிடைக்கும்.
இறுதியாக, மேற்கண்ட ஸ்கின் கேர் என்பது பொதுவான வழிமுறையே. இது தகவல் நோக்கங்களுக்காகவே. உங்களுடைய சரும வகை, சருமப் பிரச்சினை ஆகியவற்றை நன்கு தெரிந்து கொண்டு அதற்கு ஏற்ப சரும நிபுணரின் ஆலோசனையோடு தயாரிப்புகளைப் பயன்படுத்துங்கள். தேவையற்ற பிரச்சினைகளைத் தவிர்க்கலாம்.
முக்கிய அம்சங்கள் (Key Highlights)
- க்ளன்சிங்: சருமத்தை சுத்தப்படுத்துவது முதல் படி.
- டோனர்: PH அளவை சமநிலைப்படுத்துகிறது.
- சீரம்: குறிப்பிட்ட சருமப் பிரச்சனைகளுக்கு தீர்வு.
- மாய்ஸ்ச்சரைஸர்: சருமத்திற்கு ஈரப்பதமூட்டுவது அவசியம்.
- சன்ஸ்கிரீன்: சூரியக் கதிர்வீச்சில் இருந்து பாதுகாக்கிறது, இது இறுதிப் படி.
- தொடர் பயன்பாடு: நல்ல பலன்களுக்கு தினமும் பின்பற்றுவது முக்கியம்.