இந்துக்களின் பாரம்பரிய ஜோதிட முறைப்படி, எந்த ஒரு சுப காரியத்தையும், குறிப்பாக வாகனம் வாங்குவது போன்ற முக்கிய நிகழ்வுகளையும் நல்ல நேரம், நல்ல நாள் பார்த்து துவங்குவது வழக்கம். ஒளிமயமான எதிர்காலத்தை நோக்கிய பயணத்தில், சரியான சுப முகூர்த்த நாட்களில் துவங்கப்படும் செயல்கள் அதிர்ஷ்டத்தையும் வளர்ச்சியையும் தரும் என்பது பெரும்பாலானோரின் அசைக்க முடியாத நம்பிக்கை. இந்த செப்டம்பர் மாதத்தில், கார், பைக் உள்ளிட்ட உங்கள் புதிய வாகனங்களை வாங்க உகந்த சுபமுகூர்த்த நாட்கள் மற்றும் நேரங்கள் குறித்த விரிவான தகவல்களை இங்கே காணலாம். இது உங்கள் வாழ்வுக்கு மேலும் நல்ல பல மாற்றங்களை, அதிர்ஷ்ட வாய்ப்புகளை வழங்கும்.
சுபமுகூர்த்த நாட்கள் என்றால் என்ன?
சுப முகூர்த்த நாட்கள் என்பவை கிரகங்களின் நகர்வுகளின் அடிப்படையில், ஒரு குறிப்பிட்ட செயலை துவங்குவதற்கு அல்லது செய்வதற்கு உகந்ததாக ஜோதிட ரீதியாக கணிக்கப்படும் நல்ல நேரங்கள். இந்த நாட்களில் இறைவனை மனதார நினைத்து, வணங்கி விட்டு செய்யப்படும் எந்த ஒரு செயலுக்கும் இறைவனின் அருள் முழுவதுமாக இருக்கும். இது வாழ்க்கையில் அடுத்தடுத்த கட்டங்களுக்கு முன்னேறி செல்வதற்கும், வாழ்வில் உயர்ந்த நிலையை அடைவதற்கும், வாழ்க்கையில் நல்ல பல மாற்றங்கள், அதிர்ஷ்ட வாய்ப்புகள் கிடைப்பதற்கும் உதவியாக இருக்கும்.
திருமணம் போன்ற சுபகாரியங்கள் நடத்துவதற்கும் மட்டுமின்றி, வாகனங்கள் போன்ற சொத்துக்கள் வாங்குவதற்கும், புதிய தொழில் துவங்குவதற்கும், புது வீட்டிற்கு குடிபெயர்வதற்கும் இந்த சுப முகூர்த்த நாட்கள் பெரிதும் உதவுகின்றன. பண பரிவர்த்தனைகள், முன்பதிவுகள், அல்லது அதற்கான முயற்சிகளில் இறங்குவது ஆகியவற்றையும் இந்த சுப முகூர்த்த நாட்களில் செய்வது மிகவும் சிறப்பு.
செப்டம்பர் மாதத்தில் வாகனம் வாங்க உகந்த சுப முகூர்த்த நாட்கள்
இந்த செப்டம்பர் மாதத்தில், இறை அருள் மற்றும் நேர்மறை ஆற்றல்கள் ஆகியவற்றை அதிகம் பெறுவதற்கு, வாகனங்கள் வாங்குவதற்கான சில முக்கிய சுபமுகூர்த்த நாட்கள் இங்கே பட்டியலிடப்பட்டுள்ளன. இந்த நாட்களில் உங்கள் புதிய கார் அல்லது பைக்கிற்கான பண பரிவர்த்தனை செய்வது, முன்பதிவு செய்வது அல்லது வாகனத்தை வீட்டுக்கு கொண்டு வருவது மிகவும் சுபமான பலன்களைத் தரும்.
- செப்டம்பர் 05 ம் தேதி: காலை 06.01 முதல் செப்டம்பர் 06ம் தேதி பகல் 03.12 வரை
- செப்டம்பர் 07 ம் தேதி: காலை 06.02 முதல் இரவு 09.41 வரை
- செப்டம்பர் 24ம் தேதி: காலை 06.10 முதல் செப்டம்பர் 25ம் தேதி காலை 06.11 வரை
- செப்டம்பர் 25ம் தேதி: காலை 06.11 முதல் 07.06 வரை
இந்த ஆண்டு செப்டம்பர் மாதத்தில் மொத்தம் 4 சுபமுகூர்த்த நாட்கள் மட்டுமே உள்ளன. எனவே, வாகனங்கள் வாங்க திட்டமிட்டிருந்தால், மேலே குறிப்பிட்ட இந்த நான்கு சுப முகூர்த்த நாட்களில் வரும் நல்ல நேரங்களில் வாகனங்களை வாங்குவது உங்களுக்கு சிறப்பு.