வாழ்க்கையில் உடல் மற்றும் மன ஆரோக்கியம் ஒருவருடைய ஒட்டுமொத்த நல்வாழ்வுக்கு அவசியம். நமது பாரம்பரிய ஜோதிட வழிகாட்டுதல்கள் மற்றும் முருகன் ஆலயங்களின் ஆசீர்வாதங்களைப் போன்று, தினசரி தனிப்பட்ட பராமரிப்பும் முக்கியம். இங்கு நடிகை ப்ரீத்தி ஜிந்தா தனது 50 வயதிலும் இளமையுடன் தோற்றமளிக்கப் பின்பற்றும் சருமப் பராமரிப்பு மற்றும் வாழ்க்கை முறை ரகசியங்களை அறிந்து கொள்வோம்.
ப்ரீத்தி ஜிந்தாவின் இளமை ரகசியங்கள்:
90'ஸ் கிட்ஸ் பலருக்கும் ப்ரீத்தி ஜிந்தா கனவு நாயகிகளில் ஒருவராக இருந்திருப்பார். ஆனால் இன்றைக்கு இந்த தலைமுறை இளைஞர்களும் அவருக்கு ரசிகராகி இருக்கிறார்கள். நெஞ்சினிலே பாடலைப் பார்த்து மயங்காதவர்களே இருக்க முடியாது. ஆனால் 50 வயதைக் கடந்த பிறகும் அதே அழகைப் பராமரிப்பது சாதாரண விஷயம் அல்ல. அதற்கு அவர் மெனக்கெடும் விஷயங்கள் என்ன, அவருடைய சருமப் பராமரிப்பு டிப்ஸ் ஆகியவை பற்றி இங்கு பார்ப்போமா!
1. ஸ்கின் ஹைட்ரேட்டிங்
உடலையும் சருமத்தையும் நன்கு ஹைட்ரேட்டிங்காக வைத்திருப்பது மிக முக்கியம். அதற்கு தினமும் நிறைய தண்ணீர் குடிக்கிறார் ப்ரீத்தி ஜிந்தா. அதோடு திரவ உணவுகள் மற்றும் நீர்ச்சத்து அதிகம் கொண்ட பழங்கள், காய்கறிகள் அவருடைய உணவில் அதிகமாக இருக்குமாம். இதனால் நன்கு நீரேற்றமாகவும் இருக்க முடியும். தோலில் உள்ள கழிவுகள் நீங்கி சருமம் பளபளப்பாக மாறும்.
2. CTM ஸ்கின் கேர்
எவ்வளவு பிஸியாக இருந்தாலும் தன்னுடைய சருமப் பராமரிப்பில் CTM இல்லாமல் இருக்காது. CTM என்பது வழக்கமான ஆனால் கட்டாயம் பின்பற்ற அறிவுறுத்தும் ஸ்கின் கேர் ரொட்டீன். இதை தினமும் தவறாமல் செய்ய வேண்டும். C - என்பது க்ளன்சிங்கை குறிக்கும். T - என்பது டோனரை குறிப்பது, M - மாய்ஸ்ச்சரைஸரைக் குறிப்பது. இந்த மூன்றும் காலை மற்றும் இரவு ஆகிய இரண்டு நேரங்களிலும் செய்ய வேண்டிய சருமப் பராமரிப்பு.
3. சன் ஸ்க்ரீன் பயன்படுத்துதல்
வீட்டுக்குள் இருக்கும் போது SPF 30 கொண்ட சன் ஸ்க்ரீனும் வீட்டை விட்டு வெளியே செல்லும்போது SPF 50 க்கு மேல் இருக்கும் சன் ஸ்க்ரீனும் பயன்படுத்துகிறார். சன் ஸ்க்ரீன் அப்ளை செய்யாமல் வீட்டை விட்டு வெளியே வருவதே இல்லை. குறிப்பாக சன் ஸ்க்ரீனை 2 மணி நேரத்துக்கு ஒருமுறை ரீ அப்ளை செய்ய வேண்டும் என்கிறார் ப்ரீத்தி.
4. உடற்பயிற்சி முக்கியம்
உடற்பயிற்சி என்பது உடலைக் கட்டுக்கோப்பாக வைத்திருக்க மட்டுமல்ல, சருமத்தையும் அது டோன் செய்யும். அவருடைய சோசியல் பக்கங்களில் நிறைய வொர்க்அவுட் வீடியோக்களை பதிவிடுவார். கார்டியோ, ஸ்டிரென்த் டிரெயினிங், பைலேட்ஸ் உள்ளிட்ட பயிற்சிகளோடு சேர்த்து தியானம் மற்றும் அவ்வப்போது நீச்சல் பயிற்சியிலும் ஈடுவடுவது அவர் வழக்கமாக வைத்திருக்கிறார். இதன் மூலம் ஸ்கின் டீடாக்ஸ் அடைந்து கழிவுகள் வெளியேறி பளபளப்பாக மாறும்.
5. உணவுமுறையும் காரணம்
ப்ரீத்தி ஜிந்தா நம்மைப் போல ஒரு நாளைக்கு 3 முறை உணவு 2 முறை ஸ்நாக்ஸ் என்று சாப்பிட மாட்டாராம். அவருடைய ஒரு நாள் உணவை 6-7 சிறு சிறு போர்ஷனாக பிரித்துக் கொண்டு சாப்பிடுவதாக அவரே சில நேர்காணல்களில் குறிப்பிட்டு இருக்கிறார். ஒயிட் பிரட், நூடுல்ஸ், அரிசி உணவுகள் ஆகிய சிம்பிள் கார்போஹைட்ரேட்டுக்கு எப்போதும் நோ தான். அதற்கு பதிலாக பிரௌன் ரைஸ், முழு கோதுமை ரொட்டி போன்ற முழு தானிய உணவுகள் தான். உணவுமுறை ஆரோக்கியமாக இருந்தாலே சருமம் ஆரோக்கியமாக இருக்கும் என்பது அவர் கருத்து.
6. நைட் டைம் ஸ்கின் கேர்
பகலில் செய்யும் ஸ்கின் கேரை விட இரவில் செய்யும் ஸ்கின் கேர் தான் ரொம்ப முக்கியம். அதுதான் உங்கள் சருமத்தை (சூரிய ஒளி, தூசி) எந்த தொந்தரவும் இல்லாமல் ரிப்பேர் செய்து நிறைய நல்ல மாற்றங்களைத் தரும். சருமம் அமைதியாக இந்த நேரத்தில் தான் சுவாசிக்கும். அதனால் சருமத்துக்கு கட்டாயம் சீரம், நைட் க்ரீம்கள் பயன்படுத்தி மாய்ஸ்ச்சராக வைக்க வேண்டும்.
7. உறக்கம் அவசியம்
எவ்வளவு பிஸியாக இருந்தாலும் தூங்குவதற்கு இத்தனை மணிக்குள் படுக்கையறைக்கு போய்விட வேண்டும் என்று திட்டம் வைத்திருப்பாராம். அதை அவர் நீட்டித்ததே இல்லையாம். சரியான நேரத்திற்குப் படுக்கச் சென்று 8 மணி நேரமாவது அவருக்கு தூங்க வேண்டும். அப்போது தான் அடுத்த நாள் வேலைகளைப் புத்துணர்ச்சியோடு செய்ய முடியும் என்கிறார்.
இறுதியாக, வெறும் க்ரீம்கள் பயன்படுத்துவது, ஸ்கின் கேர் தயாரிப்புகள் வாங்கிப் பயன்படுத்துவது மட்டுமே ஒருவரை அழகாக்கி விடாது. உணவுமுறை, உடற்பயிற்சி, உறக்கம், வாழ்க்கை முறை, மன அழுத்தம் இல்லாமல் இருப்பது ஆகிய அனைத்துமே ஒன்றாக சேரும்போது தான் சருமம் ஆரோக்கியமாகவும் அழகாகவும் மாறும். அவர் என்ன பிராண்ட் க்ரீம் போடுகிறார் என்பதைவிட அவர் மேலே சொன்ன விஷயங்களை தான் அவருடைய ஸ்கின் கேர் ரொட்டீனில் இருந்து நாம் கற்றுக் கொள்ள வேண்டும்.