ஜோதிடம் கூறும் தலைமைத்துவ பண்புகள் குறித்து அறிவோம். ஒவ்வொரு ராசியிலும் பிறந்த பெண்கள் வெவ்வேறு குண நலன்கள் மற்றும் தலைமைத்துவ பண்புகளைக் கொண்டிருப்பார்கள். இந்த ஆளுமை பண்புகள் அவர்களை குடும்பத்தில் மட்டுமல்லாமல், பணியிடத்திலும் சிறப்பான தலைவியாக திகழச் செய்கிறது. தான் செய்யக்கூடிய தொழிலில் ஜொலிக்கும் இந்த தமிழ் ராசிப் பெண்கள் யார், அவர்களின் சிறப்பு அம்சங்கள் என்ன என்பதை விரிவாகக் காண்போம்.
ராசி வாரியான தலைமைத்துவப் பண்புகள்
மேஷ ராசி
மேஷ ராசியைச் சேர்ந்த பெண்கள் மிகவும் தைரியமான, சிறப்பான தலைவியாக செயல்படுவார்கள். இவர்களின் தலைமைத்துவ திறன் பல விஷயங்களில் நல்ல தீர்வையும், வேலையில் மேம்பாடும் ஏற்படுத்தக்கூடியதாக இருக்கும். இதன் காரணமாக பல நிறுவனங்களில் உயர் அதிகாரிகளாக இந்த மேஷ ராசி பெண்கள் இருப்பார்கள். இவர்களின் சுறுசுறுப்பு மற்றும் சிறப்பான செயல்பாட்டால் குறுகிய காலத்தில் பெரிய வெற்றியைப் பெறுவார்கள். இவர்களின் பேச்சு ஆற்றல் மிக்கவராகவும், பிறரை நம்பிக்கை உடையவர்களாகவும் மாற்றுகிறது.
ரிஷப ராசி
ரிஷப ராசியைச் சேர்ந்தவர்களின் தலைமைத்துவம் மிகச் சிறப்பானதாக இருக்கும். இவர்கள் மிகச் சிறந்த கடின உழைப்பாளிகளாக இருப்பார்கள். எப்போதும் முன்னேற்றத்தைப் பற்றியே யோசிப்பார்கள். செல்வம் மற்றும் ஆடம்பரத்தைத் தரக்கூடிய சுக்கிர பகவான் ஆளக்கூடிய ராசி என்பதால் இவர்கள் பணம் ஈட்டுவதில் ஆர்வமாக இருப்பார்கள். இவர்களின் சிறப்பான செயல்பாட்டால் இவர்களின் மரியாதை அதிகரிக்கும். மேலும் இவர்கள் எப்போதும் தொலைநோக்கு பார்வையுடன் சிந்திப்பார்கள். அதனால் எதிர்கால திட்டங்களை முன்கூட்டியே உருவாக்கி அதை செயல்முறை படுத்துவார்கள். இதனால் விரைவாக முன்னேற்றமும், முதலாளியாக மாறுகிறார்கள்.
மிதுன ராசி
மிதுன ராசி பெண்கள் இயல்பிலேயே சற்று துடிப்பானவர்களாக இருப்பார்கள். இவர்கள் எப்போதும் புதிதாக ஏதாவது கற்றுக்கொள்ள வேண்டும் என்ற ஆசையுடன் இருப்பார்கள். அதனால் மிகவும் ஆக்கப்பூர்வமான நபர்களாகவும், புதிய விஷயங்களை கற்றுக் கொள்ளவும் நினைப்பார்கள். இதனாலே பணியிடத்தில் மற்றவர்களுடன் இவர்கள் வேறுபட்டு தனித்துவத்துடன் தெரிவார்கள். மிதுனத்தை ஆளக்கூடியது புதன் பகவான் என்பதால் இவர்கள் மிகவும் புத்திசாலித்தனம், பகுத்தறிவுடன், அறிவாற்றலுடன் செயல்படுவார்கள். இந்த ராசி பெண்கள் மனதளவில் நம்பிக்கையுடன் திகழக்கூடியவர்களாக இருப்பதால் பெரிய உயரங்களை எளிதாக அடைகிறார்கள்.
கடக ராசி
கடக ராசியைச் சேர்ந்த பெண்கள் அமைதியான இயல்புடையவர்கள். இருப்பினும் இவர்களின் தலைமைத்துவம் சிறப்பானதாகவும் இருக்கும். இவர்கள் எந்த ஒரு வேலையையும் சரியான நேரத்தில் முடிக்க விரும்பக்கூடியவர்களாக இருப்பார்கள். பிறரையும் இதே கடைப்பிடிக்க நினைப்பவர்கள் என்பதால் மனதளவில் மிகவும் வலிமையானவர்களாக இருப்பார்கள். அதோடு பிறரை எப்படி வேலை வாங்குவது என்ற நுணுக்கத்தையும் தெரிந்து வைத்திருப்பார்கள். இதனால் ஒரு குழு தலைவராக, முதலாளியாக சிறப்பாக செயல்படுவார்கள்.
கும்ப ராசி
கும்ப ராசியைச் சேர்ந்த பெண்கள் பாதகமான சூழ்நிலையை கூட எளிதாகக் கையாளுவார்கள். இவர்களின் விருப்பங்கள், செயல்பாடுகள் இவர்களை தனியாக அடையாளப்படுத்தக்கூடியதாக இருக்கும். சனி பகவான் ஆளக்கூடிய இந்த ராசிப் பெண்கள், உண்மை மற்றும் நேர்மையான பாதையில் செயல்படுவார்கள். கடின உழைப்பும் இவர்களிடம் இருப்பதால் குறுகிய காலத்தில் பெரிய வெற்றியை அடைவார்கள்.
இந்த ராசிப் பெண்களின் பொதுவான தலைமைத்துவப் பண்புகள்
- தைரியம் மற்றும் துணிச்சல்: இவர்கள் எந்த ஒரு சவாலையும் எதிர்கொள்ள அஞ்சமாட்டார்கள்.
- கடின உழைப்பு: தங்கள் இலக்கை அடைய அயராது உழைப்பார்கள்.
- தொலைநோக்கு பார்வை: எதிர்கால திட்டமிடலில் சிறந்து விளங்குவார்கள்.
- புத்திசாலித்தனம்: பகுத்தறிவுடன் முடிவெடுக்கும் திறன் கொண்டவர்கள்.
- ஊக்கப்படுத்தும் திறன்: தங்கள் குழுவினரை சிறப்பாக வழிநடத்தி, ஊக்கப்படுத்துவார்கள்.