ஃபேஸ் வாஷ் வாங்கும் போது கவனிக்க வேண்டியவை!

சரியான ஃபேஸ் வாஷ் ஏன் அவசியம்?

சரும பராமரிப்பில் கண்டிப்பாக ஃபேஸ் வாஷ் இருக்கும். ஆனால் எல்லோரும் ஒரே வகையான ஃபேஸ் வாஷ் பயன்படுத்த முடியாது. ஒவ்வொரு சருமத்துக்கும் ஏற்ற ஃபேஸ் வாஷ் பயன்படுத்தினால் சருமம் ஆரோக்கியமாக இருக்கும். ஆயில் ஸ்கின், வறண்ட ஸ்கின், சென்சிடிவ் ஸ்கின், காம்பினேஷன் ஸ்கின், முகப்பரு ஸ்கின் என தங்கள் சரும வகைக்கேற்ப ஃபேஸ் வாஷ் வாங்க வேண்டும். அதே நேரம் உங்கள் ஃபேஸ் வாஷில் கண்டிப்பாக இருக்க வேண்டிய பொருள்கள் குறித்தும் தெரிந்துகொள்ள வேண்டும். அதை தான் இந்த கட்டுரையில் தெரிந்துகொள்ள போகிறோம்.

ஒரு நல்ல ஃபேஸ் வாஷ் பயன்படுத்தினால் தான் சருமம் நன்றாக ஆரோக்கியமாக இருக்கும். அதனால் ஃபேஸ் வாஷ் வாங்கும் போது அவற்றில் சேர்க்கப்பட்டிருக்கும் பொருள்கள் என்னென்ன என்பதை கவனிக்க வேண்டும். அந்த வகையில் உங்கள் ஃபேஸ் வாஷில் இரண்டு பொருள்கள் கண்டிப்பாக இருக்கட்டும் என்கிறார் டாக்டர் ஹரீஷ். நீங்கள் எந்த ஃபேஸ் வாஷ் பயன்படுத்தினாலும் உங்கள் சருமத்துக்கு அது ஏற்றதா என்பதை கவனித்தால் இனி அதில் சேர்க்கப்பட்டிருக்கும் பொருள்களையும் பார்த்து வாங்குவது சருமத்துக்கு நல்லது. சில நேரங்களில் விரைவிலேயே வயதான சருமம் பெறுவதற்கு இதுவும் ஒரு காரணம்.

உங்கள் ஃபேஸ் வாஷில் இருக்க வேண்டிய 2 முக்கிய பொருள்கள்

உங்கள் ஃபேஸ்வாஷ் வாங்கும் போது அது ஹைட்ரேஷன் கொண்டதா என்பதை கவனியுங்கள். சருமத்தை ஈரப்பதமாக வைத்திருக்க அவற்றில் ஹைலுரோனிக் அமிலம், சோடியம் ஹைலுரோனேட் அல்லது செராமைட் கொண்டுள்ளதா என்பதை கவனியுங்கள். அவை இருந்தால் மட்டுமே வாங்குங்கள்.

சருமத்தில் இருக்கும் இறந்த செல்களை அகற்ற சாலிசிலிக் அமிலம், கிளைகோலிக் அமிலம் கொண்டவை அதாவது AHA - ஆல்ஃபா ஹைட்ராக்ஸி அமிலம், BHA - பீட்டா ஹைட்ராக்ஸி அமிலம் ஏதேனும் ஒன்று இருக்க வேண்டும். மேற்கண்ட இந்த இரண்டு பொருள்களும் இருக்கும் ஃபேஸ் வாஷ் பயன்படுத்துங்கள்.

சரும வகைக்கு ஏற்ற ஃபேஸ் வாஷ்

ஃபேஸ் வாஷ் வாங்கும் போது மேலே சொன்ன இரண்டு பொருள்கள் கண்டிப்பாக இருக்கும்படி பார்த்துகொள்ளுங்கள். அதே போன்று உங்கள் சருமத்துக்கு ஏற்ற ஃபேஸ் வாஷ் கவனித்து வாங்க வேண்டும்.

• ஆயில் ஸ்கின்: நீங்கள் ஃபோமிங் க்ளென்சர் பயன்படுத்தலாம். இது முகத்தில் இருக்கும் அதிகப்படியான ஆயிலை வெளியேற்ற செய்யும் என்கிறார் டாக்டர் ஹரீஷ்.
• வறண்ட அல்லது சென்சிட்டிவ் ஸ்கின்: நீங்கள் மென்மையான க்ளென்சர் பயன்படுத்தலாம். அப்படி இருந்தால் தான் ஃபேஸ் வாஷ் பயன்படுத்திய பிறகு சருமம் எரிச்சல் இல்லாமல் நீரேற்றமாக இருக்கும் என்கிறார் டாக்டர் ஹரீஷ்.

ஃபேஸ் வாஷ் பற்றி பொதுவாக எழும் கேள்விகள்

ஃபேஸ் வாஷில் இருக்க கூடாத பொருள்கள்

உங்கள் ஃபேஸ் வாஷில் என்ன பொருள்கள் இருக்க வேண்டும் என்பதை தெரிந்துகொண்டோம். அதே போன்று உங்க ஃபேஸ் வாஷில் இருக்க கூடாத பொருள்கள் என்ன என்பதை தெரிந்துகொள்வோம்.

• ஆல்கஹால்: இது சருமத்தில் வறட்சியை ஏற்படுத்தும்.
• வாசனை திரவியங்கள்: ஒவ்வாமை எதிர்வினையை உண்டு செய்யலாம். உங்கள் சருமம் உணர்திறன் வாய்ந்ததாக இருந்தால் அவை பாதிப்பு ஏற்படுத்தலாம்.
• சோடியம் லாரில் சல்பேட் மற்றும் சல்பேட்டுகள்: இந்த பொருள்கள் சருமத்தில் வறட்சி ஏற்படுத்தலாம்.
• செயற்கை நிறங்கள்: இவை சருமத்தை எரிச்சலூட்டும்.

உங்கள் தோல் வகைக்கேற்ப நீங்கள் ஃபேஸ் வாஷ் பயன்படுத்துவது பாதுகாப்பானது. அதை கண்டறிய தேவையெனில் டெர்மட்டாலஜிஸ்ட் அணுகலாம்.

பொறுப்பு துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. இந்த கட்டுரை இன்ஸ்டாகிராம் வீடியோ பதிவை அடிப்படையாக கொண்டு வழங்கப்பட்டுள்ளது. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு Jothidam360 பொறுப்பேற்காது.