பொடுகை விரட்ட வேப்ப எண்ணெய்: உடனடி தீர்வுகள்!

வேப்ப எண்ணெய் மற்றும் பிற பொருள்களுடன் பொடுகு நீக்கும் வழிகள்:

வேப்ப எண்ணெயின் பூஞ்சை எதிர்ப்பு பண்புகள் பொடுகை திறம்பட நீக்க உதவும். இதனுடன் சில எளிய வீட்டுப் பொருட்களைக் கலந்து பயன்படுத்துவதன் மூலம் சிறந்த பலன்களைப் பெறலாம். பொடுகு தொல்லை நீங்கி ஆரோக்கியமான முடி வளர்ச்சிக்கு இந்த குறிப்புகள் உதவும்.

1. வேப்ப எண்ணெய் + தேங்காய் எண்ணெய்

தேங்காய் எண்ணெய் ஒரு இயற்கையான ஈரப்பதமூட்டி. இது உச்சந்தலையின் வறட்சியைத் தடுக்கிறது, இது பொடுகுக்கு ஒரு முக்கிய காரணம். வேப்ப எண்ணெயுடன் கலந்து பயன்படுத்தும்போது, பொடுகை எதிர்த்து உச்சந்தலையை மென்மையாக வைத்திருக்க உதவுகிறது.

• சம அளவு வேப்ப எண்ணெய் மற்றும் தேங்காய் எண்ணெய் கலந்து கொள்ளவும்.
• இந்த கலவையை உச்சந்தலை முழுவதும் மென்மையாக மசாஜ் செய்யவும்.
• 20-30 நிமிடங்கள் கழித்து, மென்மையான ஷாம்பு கொண்டு அலசவும்.

2. வேப்ப எண்ணெய் + டீ ட்ரீ ஆயில்

டீ ட்ரீ ஆயில் ஒரு சக்திவாய்ந்த பூஞ்சை எதிர்ப்பு அத்தியாவசிய எண்ணெய். வேப்ப எண்ணெயுடன் சேரும்போது, அதன் பொடுகு எதிர்ப்பு பண்புகள் பல மடங்கு அதிகரிக்கும்.

• சில துளிகள் டீ ட்ரீ ஆயில் மற்றும் வேப்ப எண்ணெயை தேங்காய் எண்ணெயுடன் கலக்கவும் (டீ ட்ரீ ஆயிலை நேரடியாக பயன்படுத்தக் கூடாது).
• இந்த கலவையை உச்சந்தலையில் தடவி மென்மையாக மசாஜ் செய்யவும்.
• 20-30 நிமிடங்கள் கழித்து, மென்மையான ஷாம்பு கொண்டு மசாஜ் செய்யவும்.

3. வேப்ப எண்ணெய் + தயிர்

தயிர் இயற்கையாகவே பொடுகு நீக்கும் பண்புகளைக் கொண்டது. இது உச்சந்தலையில் உள்ள நுண்ணுயிரிகளின் சமநிலையை பராமரிக்க உதவுகிறது. புரோபயாடிக் நிறைந்த தயிர், வேப்ப எண்ணெயுடன் இணைந்து பொடுகை விரட்டுகிறது.

• கெட்டியான தயிரில் சில துளிகள் வேப்ப எண்ணெய் கலந்து கொள்ளவும்.
• இந்த கலவையை உச்சந்தலை முழுவதும் நன்றாக தடவி, ஷவர் கேப் கொண்டு மூடி விடவும்.
• 30-45 நிமிடங்கள் வைத்திருந்து கூந்தலை அலசி கொள்ளவும். வாரத்தில் இரண்டு நாள் இதை செய்யலாம்.

4. வேப்ப எண்ணெய் + எலுமிச்சை சாறு

எலுமிச்சையின் அமிலத்தன்மை உச்சந்தலையின் pH அளவை சமநிலைப்படுத்த உதவுகிறது. இது பொடுகு நீங்குவதோடு, உச்சந்தலையின் ஆரோக்கியத்தையும் மேம்படுத்துகிறது.

• ஒரு டீஸ்பூன் நீர்த்த எலுமிச்சை சாறுடன் சில துளிகள் வேப்ப எண்ணெய் மற்றும் தேவையான அளவு ஆலிவ் எண்ணெய் சேர்க்கவும்.
• இந்த கலவையை உச்சந்தலை முழுவதும் தடவி மென்மையாக மசாஜ் செய்யவும்.
• 20-30 நிமிடங்கள் கழித்து, ரசாயனம் இல்லாத ஷாம்பு கொண்டு கூந்தலை அலசவும்.

5. வேப்ப எண்ணெய் + கற்றாழை

கற்றாழை பொடுகினால் ஏற்படும் அரிப்பைக் குறைத்து, உச்சந்தலையைப் பாதுகாக்கிறது. இது முடி வளர்ச்சிக்கும் உதவுகிறது.

• இரண்டு டீஸ்பூன் கற்றாழை ஜெல்லுடன் ஒரு டீஸ்பூன் வேப்ப எண்ணெய் கலந்து கொள்ளவும்.
• இந்த கலவையை உச்சந்தலையில் தடவி 30-40 நிமிடங்கள் வைத்திருந்து கூந்தலை அலசவும். வாரத்தில் இருமுறை இதை செய்யலாம்.

6. பொடுகு நீக்கும் மூலிகை ஹேர் பேக்

சிகைக்காய் தூள், துளசி இலைகள், வெந்தயப்பொடி, பிரிங்கிராஜ் தூள் மற்றும் சில துளிகள் வேப்ப எண்ணெய் சேர்த்து ஒரு ஹேர் பேக் தயாரிக்கலாம். இது பொடுகு நீக்க மிகவும் பயனுள்ளதாக இருக்கும்.

• தேவையான அளவு சிகைக்காய் தூள், துளசி இலைகள் (பொடி), வெந்தயப்பொடி, பிரிங்கிராஜ் தூள், மற்றும் சில துளிகள் வேப்ப எண்ணெய் கலந்து பேஸ்ட் செய்யவும்.
• இந்த கலவையை முடி முழுவதும், உச்சந்தலை முதல் நுனி வரை தடவவும்.
• 30 நிமிடங்கள் வைத்திருந்து பிறகு கூந்தலை அலசி எடுக்கவும்.

முக்கிய குறிப்பு: வேப்ப எண்ணெய் தூய்மையானதா என்பதை உறுதி செய்யவும். பயன்படுத்துவதற்கு முன் பேட்ச் டெஸ்ட் செய்வது நல்லது. வாரத்தில் இரண்டு முறைக்கு மேல் பயன்படுத்த வேண்டாம்.