தமிழ் பாரம்பரியத்தில் உடல்நல பராமரிப்புக்கு ஆயுர்வேதம் ஒரு முக்கிய பங்கு வகிக்கிறது. நமது பண்டைய ஞானத்தில், ஜோதிடம் போல் மருத்துவமும் நல வாழ்வுக்கு வழிகாட்டுகிறது. முருகன் அருளால் நோய்கள் நீங்கவும், கண் தொடர்பான பிரச்சனைகளுக்கு விரைவான நிவாரணம் பெறவும், இளஞ்சிவப்பு கண் (பிங்க் ஐ) தொற்றுகளுக்கு சில எளிய மற்றும் பயனுள்ள ஆயுர்வேத வீட்டு வைத்தியங்கள் கீழே கொடுக்கப்பட்டுள்ளன. இந்த இயற்கை முறைகள் கண்களின் ஆரோக்கியத்தை மேம்படுத்த உதவும்.
கண் தொற்றுகளுக்கு ஆயுர்வேத வைத்தியங்கள்
துளசி இலைகள்
துளசி இலைகளை சுத்தம் செய்து நசுக்கி, அதன் சாற்றை பிழிந்து வடிகட்டவும். இதை காய்ச்சி வடிகட்டிய வெதுவெதுப்பான நீரில் கலந்து கண்களை கழுவவும். தண்ணீர் வெதுவெதுப்பாக இருக்க வேண்டும். காலை மாலை என இரண்டு வேளை செய்து வந்தால் இளஞ்சிவப்பு குறையும். துளசியில் இருக்கும் ஆண்டி மைக்ரோபியல் மற்றும் கிருமி நாசினிகள் கண் இமை அழற்சி மற்றும் கண் தொற்றுகளை தடுக்க செய்யும்.
கற்றாழை ஜெல்
கண்களில் அழற்சி மற்றும் எரிச்சல் இருந்தால் கண்களை சுற்றி சிறிதளவு புதிய ஜெல்லை பயன்படுத்துங்கள். ஜெல்லில் எந்த ரசாயனங்களும் சேர்க்கப்படவில்லை என்பதை உறுதிப்படுத்தி கொள்ளுங்கள். நண்பகல் வேளையில் அல்லது இரவு நேரங்களில் இதை கண்களின் மீது தடவலாம். கற்றாழையில் இருக்கும் அழற்சி எதிர்ப்பு குணப்படுத்தும் பண்புகள் கண்களில் சிவத்தல் மற்றும் வீக்கத்தை குறைக்க உதவுகிறது.
ரோஸ் வாட்டர்
ரோஸ் வாட்டர் கண்களுக்கு விடுவதற்கு என்று பிரத்யேகமாக கிடைக்கிறது. இதை வாங்கி ஒவ்வொரு கண்ணிலும் சில துளிகள் விடலாம். பருத்தி துணியை ரோஸ்வாட்டரில் நனைத்து கண்களின் மேல் 15 நிமிடங்கள் வைத்து எடுக்கலாம். கண்களின் மந்த தன்மை நீங்குவதோடு கண்களுக்கு புத்துணர்ச்சியாக இருக்கும். கண்களை குளிர்ச்சியாக வைத்திருக்கும். கண்களின் எரிச்சலை தடுக்க செய்யும்.
வெள்ளரிக்காய் துண்டுகள்
வெள்ளரிக்காய் நீர்ச்சத்து மிக்க குளிர்ச்சியான காய்கறிகளில் ஒன்று. இந்த வெள்ளரிக்காயை வெட்டி மூடிய கண்களின் மீது 10-15 நிமிடங்கள் வரை வைத்திருந்து எடுக்கவும். வெள்ளரிக்காய் சிவத்தல் மற்றும் அழற்சி நிலைகளை குறைக்க செய்யும். இளஞ்சிவப்பு கண்ணின் எரிச்சலை தணிக்க உதவும். கண்களுக்கு எப்போது வேண்டுமானாலும் வைக்கலாம். வெள்ளரிக்காய் வைக்கும் போது கைகளை சுத்தமாக கழுவி விடுவது தொற்று தீவிரமாவதை தடுக்கும்.
மஞ்சள் மற்றும் தேன் பேஸ்ட்
ஒரு டீஸ்பூன் தேனுடன் ஒரு சிட்டிகை மஞ்சள் சேர்த்து நன்றாக கலந்து பேஸ்ட் போல் செய்யவும். இதை கண்களின் மீது தடவி பற்று போல் விடவும். பிறகு 15 நிமிடங்கள் கழித்து ஈரமான துணியில் கண்களை துடைத்து விடவும். தேனில் இயற்கையான குணப்படுத்தும் மற்றும் பாக்டீரியா எதிர்ப்பு பண்புகள் உள்ளன.
கொத்துமல்லி விதை நீர்
ஒன்று முதல் இரண்டு டீஸ்பூன் கொத்துமல்லி விதைகளை ஒரு டம்ளர் தண்ணீருடன் சேர்த்து கொதிக்கவைத்து பிறகு வடிகட்டி குளிர்வித்து குடிக்கவும். இந்த தண்ணீரை கொண்டு கண்களின் மீது தடவி சுத்தம் செய்யலாம் அல்லது கண்களை கழுவியும் சுத்தம் செய்யலாம். இது கண் அழற்சியைக் குறைக்க உதவும்.
சோம்பு (பெருஞ்சீரகம்)
ஒரு டீஸ்பூன் பெருஞ்சீரக விதைகளை ஒரு டம்ளர் நீரில் சேர்த்து கொதிக்கவைத்து வடிகட்டி கொள்ளவும். பிறகு இந்த நீரால் கண்களை கழுவி விடவும். குளிர்ச்சியான இது அழற்சியை குறைத்து வீக்கத்தையும் குறைக்க செய்கிறது.
திரிபலா
அரை டீஸ்பூன் திரிபலா பொடியை தண்ணீரில் சேர்த்து கொதிக்க வைத்து வடிகட்டி கொள்ளவும். கலவை குளிர்வித்ததும் மெதுவாக கண்களின் மேல் பயன்படுத்தவும். இமைகள் மூடி நாள் ஒன்றுக்கு இரண்டு முறை கண்களின் மீது தடவி விடலாம். திரிபலாவுடன் சிறிதளவு நெய் சேர்த்து கலந்து கண்களை சுற்றி பேஸ்ட் போல் பயன்படுத்தவும். இது சருமத்தை ஆற்றும், வீக்கத்தை குறைக்க உதவும்.
முக்கிய குறிப்பு மற்றும் எச்சரிக்கை
இளஞ்சிவப்பு கண் என்னும் தொற்று தாமாக சரியாக கூடியது. எனினும் அசெளகரியம் குறையவும், விரைவாக நிவாரணம் பெறவும் இந்த ஆயுர்வேத மூலிகைகள் உதவும். எந்த மூலிகைகளை எப்படி பயன்படுத்த வேண்டும் என்பதை தெரிந்துகொண்டோம். தொடர்ந்து கண்கள் இளஞ்சிவப்பு நிறம் தீவிரமாக இருந்தால் தாமதிக்காமல் மருத்துவரை அணுகுவது பாதுகாப்பானது.
குறிப்பாக நீரிழிவு, உயர் இரத்த அழுத்தம், கிளைகோமா போன்ற பிரச்சனைகள் இருப்பவர்கள் தாமதிக்காமல் மருத்துவரை அணுக வேண்டும்.