சருமத்தை இயற்கையாகவே புத்துணர்ச்சியுடன், பளபளப்பாக வைத்திருக்க அரிசி நீர் ஐஸ் கட்டிகள் ஒரு அற்புதமான வழி. செலவில்லாமல், எளிதாக வீட்டிலேயே இதை எப்படி தயாரிப்பது, பயன்படுத்துவது, அதன் நன்மைகள் என்ன என்பதை இந்த கட்டுரையில் விரிவாகக் காண்போம்.
அரிசி நீர் ஐஸ் கட்டிகள் தயாரிப்பது எப்படி?
சருமத்திற்கு அரிசி கழுவிய நீர் மிகவும் நல்லது. அரிசி கழுவிய நீரை சேர்த்து கொதிக்க வைத்து அந்த தண்ணீரை வடித்து விடவும். சுமார் 30 நிமிடங்கள் அறைவெப்பநிலையில் வைத்திருந்து, பிறகு சுத்தமான ஐஸ் ட்ரேயில் அரிசி தண்ணீர் ஊற்றி, ஃப்ரிட்ஜில் உறைய விடவும். அவ்வளவுதான், இப்போது அரிசி நீர் ஐஸ் கட்டி தயார். இந்த ஐஸ் க்யூப்களை 3 முதல் 4 நாட்களுக்குள் பயன்படுத்திவிட வேண்டும். அரிசி நீரை கழுவி வடிகட்டி, மீண்டும் வடிகட்டியும் ஐஸ் ட்ரேயில் ஊற்றி க்யூப்களாக பயன்படுத்தலாம். உங்கள் வசதிக்கேற்ப இந்த க்யூப்களை தயாரித்து கொள்ளலாம்.
முகத்திற்கு பயன்படுத்தும் முறை
காலையில் மற்றும் இரவில் என இரண்டு நேரமும் முகத்தை சுத்தம் செய்ய இதை பயன்படுத்தலாம். ஐஸ் க்யூப் ஒன்றை எடுத்து, முகத்தில் மென்மையாக மசாஜ் போன்று வட்ட இயக்கங்களில் பயன்படுத்த வேண்டும். அதிக குளிர்ச்சி இல்லாமல் மென்மையாக இருக்கும்படி பார்த்துகொள்ள வேண்டும். சருமத்துகள்கள் இந்த நீரை உறிஞ்சும் வகையில் அனுமதிக்க வேண்டும். 5 முதல் 10 நிமிடங்கள் வரை மசாஜ் செய்து பிறகு முகத்தை வெதுவெதுப்பான நீரில் கழுவி விடவும். இதில் உள்ள வைட்டமின்கள் மற்றும் ஆக்ஸிஜனேற்றிகள் சருமத்தின் நிறத்தை மேம்படுத்தும்.
சரும அழகை மேம்படுத்தும் கூடுதல் பொருட்கள்
சருமத்திற்கு நீரேற்றம் மற்றும் ஒட்டுமொத்த ஈரப்பதத்தை அதிகரிக்க, அரிசி நீருடன் கற்றாழை ஜெல் மற்றும் ரோஸ் வாட்டர் 2 டீஸ்பூன் சேர்த்து நன்றாக கலந்து ஐஸ் ட்ரேயில் ஊற்றி வைக்கலாம். அரிசி நீரில் இருக்கும் ஈரப்பதம், பளபளப்பு, கற்றாழை ஜெல்லின் குளிர்ச்சித்தன்மை, பன்னீர் அனைத்தும் இணைந்து சருமத்தை பொலிவாக வைத்திருக்க செய்யும். நீங்கள் கற்றாழை, துளசி, ரோஸ் வாட்டர் போன்றவற்றை சேர்த்தும் பயன்படுத்தலாம்.
அரிசி நீர் ஐஸ் க்யூபின் நன்மைகள்
- வறண்ட சருமத்திற்கு தீர்வு: அரிசி நீர் ஐஸ் க்யூப் ஆனது வறண்ட சருமத்தை ஈரப்பதமாக்கி சருமத்தை அமைதிப்படுத்தும்.
- சரும pH சமநிலை: சருமத்தில் இருக்கும் அதிகப்படியான எண்ணெயை குறைத்து சருமத்தின் பிஹெச் அளவை சமநிலைப்படுத்த செய்கிறது.
- துளைகளை இறுக்குதல்: இது சருமத்துளைகளை இறுக்குகிறது.
- நீண்ட நேர நீரேற்றம்: நாள் முழுவதும் சருமத்தின் ஈரத்தன்மையை பாதுகாப்பதால் வறட்சி இல்லாமல் புத்துணர்ச்சியுடன் இருக்கும். சருமத்தில் ஒட்டும் தன்மையும் குறையும்.
- ஆரோக்கியமான பளபளப்பு: அரிசி நீர் சருமத்திற்கு ஆரோக்கியமான பளபளப்பை வழங்குகிறது.
- இளமையான சருமம்: இதன் இயற்கையான ஆக்ஸிஜனேற்றிகள் மற்றும் அமினோ அமிலங்கள் சருமத்தின் நெகிழ்ச்சித்தன்மையை மேம்படுத்துவதால், இது சருமத்தை இளமையாக வைத்திருக்க செய்யும்.
- இயற்கையான டோனர்: இதில் உள்ள ஸ்டார்ச் தன்மை எண்ணெய் உற்பத்தியை சமநிலைப்படுத்தும் இயற்கையான டோனராக செயல்படுகிறது.
- சீரான நிறம்: முகப்பரு, சூரிய ஒளியால் உண்டாகும் பாதிப்பு, சுற்றுச்சூழல் அழுத்தங்களினால் சருமத்தில் ஏற்படும் பாதிப்பு, நிறமாற்றம், டல்லான தோற்றம் போன்ற அனைத்தையும் தடுத்து சீரான நிறத்தை அளிக்கிறது. கரும்புள்ளிகளை குறைத்து தெளிவான சருமத்தை அளிக்கும்.