காபி-பால் ஃபேஸ்பேக்: முகம் தங்கம் போல் ஜொலிக்க

அறிமுகம்: பொலிவான சருமத்திற்கான ரகசியம்

முகம் சும்மா தங்கம் மாதிரி ஜொலிக்கணும்ங்கிற ஆசை யாருக்குத் தான் இருக்காது? ஹீரோயின்கள் போல அழகாக இருக்க வேண்டும் என்று யாரும் பெரிதாக நினைப்பதில்லை. அவர்களுடைய ஸ்கின்னை போல பளிச்சென்று பளபளப்புடன் க்ளியர் ஸ்கின்னாக இருந்தால் போதும் என்று தான் நினைக்கிறார்கள். அதற்காக விளம்பரங்களில் வரும் பல விலையுயர்ந்த க்ரீம்கள், சீரம்கள் என வாங்கிப் பயன்படுத்துகிறார்கள். ஆனால் அவையெல்லாம் சருமத்தின் மேல் அடுக்கில் வெள்ளையாகக் காட்டுமே தவிர சருமத்தின் உள்ளுக்குள் இருந்து எந்த மாற்றத்தையும் ஏற்படுத்துவது இல்லை.

நம் சமையலறையில் இருக்கும் இந்த இரண்டு பொருள்களும் சேர்த்து முகத்தில் அப்ளை பண்ணும்போது உங்கள் முகத்தில் மிகப்பெரிய மிராக்கிள் நடக்கும். நம்மில் பெரும்பாலானோர் காலையில் எழுந்ததும் இந்த இரண்டு பொருள்களில் தான் அதிகமாக கண் விழிப்போம் என்றால் பார்த்துக் கொள்ளுங்கள். இந்த இரண்டு பொருள்கள் என்னனு தெரிஞ்சிக்கணுமா? வேற ஒன்னும் இல்லங்க. காபி பொடியும் பாலும் தான். பால்ல காபி பொடி கலந்தா சுவையான காபி தானே கிடைக்கும்னு நீங்க நினைக்கிறது புரியுது. காபி மட்டுமில்ல, கீழே சொல்ற மாதிரி அப்ளை பண்ணி பாருங்க. முதல் முறையே ரிசல்ட் வேற லெவல்ல இருக்கும்.

காபி - பால் ஃபேஸ்பேக் தயார் செய்வது எப்படி?

தேவையான பொருள்கள்:

• காபி பொடி - 1 ஸ்பூன்
• பால் - 2 ஸ்பூன்

செய்முறை:

ஒரு சிறிய பௌலில் காபி பொடியைச் சேர்த்து அதோடு பாலும் சேர்த்து மிக்ஸ் செய்தால் போதும். ஃபேஸ்பேக் ரெடி. நீங்கள் அப்ளை செய்யத் தொடங்கலாம். இன்ஸ்டன்ட் காபி பொடியை விடவும் ஃபில்டர் காபி பொடி அல்லது காபி கொட்டையை நீங்களே அரைத்தும் பயன்படுத்தலாம். அதேபோல பாலும் காய்ச்சி ஆற வைத்த பாலை விடவும் காய்ச்சாத பச்சை பால் சிறந்தது.

முகத்தை தயார் செய்தல்: எளிய படிகள்

இந்த பேஸ்பேக்கை முகத்தில் அப்ளை செய்வதற்கு முன்பு முகத்தை நன்கு கழுவிக் கொள்ள வேண்டும். அதன் பின்பு 2 ஸ்பூன் அளவு காய்ச்சாத பாலை எடுத்துக் கொள்ளுங்கள். அதை ஒரு காட்டனில் தொட்டு முகம் முழுவதும் அப்ளை செய்து விட்டு 5-10 நிமிடங்கள் அப்படியே விட்டு விடுங்கள். பிறகு மென்மையான விரல்களால் தண்ணீர் தொட்டு தேய்த்துப் பாருங்கள். முகத்தில் இருக்கும் மொத்த அழுக்கும் வெளியே வருவதைப் பார்ப்பீர்கள்.

அப்ளை செய்யும் முறை

பால் சேர்த்து க்ளீன் செய்த பின் முகம் நன்கு க்ளன்ஸ் ஆகிவிடும். பின்பு முகத்தைக் கழுவிக் கொண்டு மேலே மிக்ஸ் செய்து வைத்திருக்கும் பால் காபி மிக்ஸை முகத்தில் கீழிருந்து மேலாக அப்ளை செய்யுங்கள். அதாவது கழுத்துப் பகுதியில் இருந்து மேல்நோக்கி நெற்றி வரை அப்ளை செய்ய வேண்டும். பின்பு அப்படியே உலர விடுங்கள். 15-20 நிமிடங்கள் வரை வைத்திருந்தால் போதும். நன்கு காய்ந்ததும் வெதுவெதுப்பான நீர் கொண்டு முகத்தைக் கழுவிக் கொள்ளுங்கள்.

காபி பொடி பயன்படுத்துவது ஏன்?

பால் இயற்கையாகவே மிகச்சிறந்த க்ளன்சர் மற்றும் டோனராகச் செயல்படும் என்பது நமக்குத் தெரியும். சிலர் காபி பொடி சேர்த்தால் முகம் கருப்பாகி விடாதா என்று கேட்பார்கள். அப்படி ஆகாது. அதிலும் கொரகொரப்பாக இருக்கிற ஃபில்டர் காபி பொடி அல்லது காபி கொட்டையை நேரடியாக பொடித்துப் பயன்படுத்தும் போது அதன் கொரகொரப்புத் தன்மை சருமத்தில் மிகச்சிறந்த ஸ்கிரப்பாக வேலை செய்யும். சருமத்தில் இருக்கும் இறந்த செல்களை நீக்கி ரத்த ஓட்டத்தை அதிகரிக்கச் செய்யும். அதனால் இதை பயன்படுத்திய உடனேயே உங்கள் முகத்தில் இருக்கும் டல்னஸ் குறைந்து முகம் பளபளப்பாக மாறுவதை உங்களால் பார்க்க முடியும். இது ஒரு சிறந்த தமிழ் பாரம்பரிய அழகு குறிப்பு.

காபி - பால் பேஸ்பேக் பயன்படுத்தும்முன் கவனிக்க வேண்டியவை

பால் மற்றும் காபி பொடி கலந்த பேஸ்பேக் தினமும் பயன்படுத்தக் கூடாது. ஏனென்றால் ஸ்கிரப்பை எப்போதுமே தினசரி பயன்படுத்துவது நல்லதல்ல. இந்த பேஸ்பேக்கை நீங்கள் வாரத்திற்கு மூன்று நாட்கள் வரை பயன்படுத்தலாம். பேஸ்பேக் போட்டு முகத்தைக் கழுவிய பிறகு மாய்ஸ்ச்சரைஸர் அப்ளை செய்ய மறக்கக் கூடாது. இந்த பேஸ்பேக் மட்டுமல்ல, எந்தவகை பேஸ்பேக்காக இருந்தாலும் அப்ளை செய்து கழுவிய பிறகு மாய்ஸ்ச்சரைஸர் அப்ளை செய்ய வேண்டியது கட்டாயம்.

இறுதியாக, மேலே குறிப்பிட்ட இந்த பால் - காபி பேஸ்பேக் முதல்முறை அப்ளை செய்யும்போதே உங்களுக்கு நல்ல மாற்றங்கள் தெரியும். அதிக விலையுயர்ந்த க்ரீம்களுக்கு மாற்றாக இது இருக்கும். அதேசமயம் இதை அப்ளை செய்வதற்கு முன் சிறிய பேட்ச் டெஸ்ட் செய்வது நல்லது. உங்களுக்கு ஏதேனும் அழற்சி சார்ந்த பிரச்சினைகள் இருந்து பேட்ச் டெஸ்ட் செய்யாமல் பயன்படுத்தி ஏதேனும் பக்க விளைவுகள் நேர்ந்தால் அதற்கு சமயம் தமிழ் பொறுப்பாகாது.