சந்திர கிரகணம்: திருவண்ணாமலை கிரிவலம் செல்லலாமா?

சந்திர கிரகணம் 2024: முக்கிய விவரங்கள்

இந்த ஆண்டின் இரண்டாவதும், கடைசியுமான சந்திர கிரகணம் செப்டம்பர் 07ம் தேதி ஞாயிற்றுக்கிழமை நிகழ உள்ளது. இது மார்ச் மாதம் நடந்த சந்திர கிரகணம் போல் இல்லாமல் முழுமையான சந்திர கிரகணமாக இருக்கும். செப்டம்பர் 07ம் தேதியன்று இரவு 09:56 மணிக்கு துவங்கி, நள்ளிரவு 01:26 வரை சந்திர கிரகணம் நிகழ உள்ளது. முழு சந்திர கிரகணம் இரவு 10:59 மணிக்கு துவங்குவதாக சொல்லப்படுகிறது.

பொதுவாகவே சந்திர கிரகணம் என்பது பவுர்ணமி நாளில் தான் நிகழும். இந்த முறை ஆவணி பவுர்ணமி நாளில் சந்திர கிரகணம் நிகழ உள்ளது.

திருவண்ணாமலை கிரிவலம்: கிரகண நேரத்தில் என்ன செய்ய வேண்டும்?

திருவண்ணாமலை உள்ள மலைக் கோவில்களில் பவுர்ணமி நாளில் மலையை வலம் வந்து கிரிவல வழிபாடு செய்வது பக்தர்கள் பலரின் வழக்கமாக உள்ளது. செப்டம்பர் 07ம் தேதியன்று அதிகாலை 01:49 மணிக்கு துவங்கி, செப்டம்பர் 08ம் தேதி அதிகாலை 12:32 மணி வரை பெளர்ணமி திதி உள்ளது. கிரிவலம் செல்ல செப்டம்பர் 07ம் தேதி அதிகாலை 01:41 மணிக்கு துவங்கி, செப்டம்பர் 08ம் தேதி இரவு 11:38 மணி வரை நேரம் குறிப்பிடப்பட்டுள்ளது.

அதிகமானவர்கள் இரவு நேரத்திலேயே திருவண்ணாமலையில் பவுர்ணமி கிரிவலம் வருவதை வழக்கமாக வைத்துள்ளார்கள். ஆனால், கிரகண நேரத்தில் கிரிவலம் செல்லக் கூடாது. அப்படி செல்வதால் எந்த பலனும் கிடைக்காது என ஜோதிட சாஸ்திரம் கூறுகிறது.

கிரிவலம் என்பது மிக உன்னதமான வழிபாடாகும். அதனால் பவுர்ணமி கிரிவலம் செல்பவர்கள் கிரகணம் துவங்குவதற்கு முன்பாகவோ அல்லது கிரகணம் முடிந்த பிறகு குளித்து விட்டு, சுத்தமாக கிரிவல வழிபாட்டினை மேற்கொள்ள வேண்டும் என ஆன்மிக பெரியோர்கள் சொல்கிறார்கள். கிரகண நேரத்தில் வேண்டுதல் நிறைவேற கிரிவலம் சென்றால் அது பலன் தராமல் போகலாம்.

ஆலய வழிபாட்டு சாஸ்திர முறைகள்

ஆலய வழிபாட்டு சாஸ்திர முறைப்படி, கோவில் நடை சாத்தப்பட்டிருக்கும் சமயத்தில் கோவிலை வலம் வரக் கூடாது என்பது நியதி. திருவண்ணாமலையில் கிரிவலம் என்பது அருணாச்சலேஸ்வரர் கோவிலை சுற்றி உள்ள மலையை வலம் வந்து வழிபடுவதாகும். இது கோவிலையும் சேர்த்து சுற்றும் வழிபாடு ஆகும். கிரகணம் சமயத்தில் திருவண்ணாமலை அண்ணாமலையார் கோவிலிலும் நடை சாத்தப்பட்டிருக்கும். அந்த சமயத்தில் கிரிவலம் வருவது சாஸ்திர முறைகளுக்கு எதிரானதாகும்.

செப்டம்பர் 08ம் தேதி இரவு 11:38 வரை கிரிவலம் செல்லலாம் என்பதால், செப்டம்பர் 07ம் தேதி இரவு சந்திர கிரகணம் முடிந்த பிறகு குளித்து விட்டு, அதற்கு பிறகு கிரிவலத்தை துவங்கி, இரவு 11:30 மணிக்குள்ளாக நிறைவு செய்யலாம். கிரகணம் இல்லாத மற்ற எந்த நேரத்தில் திருவண்ணாமலையில் கிரிவலம் வந்து வழிபட்டாலும் அதற்கு நிச்சயம் பலன் உண்டு. முருகன் ஆலயங்கள் உட்பட எந்தவொரு தமிழ் கோவில் வழிபாட்டிலும் சாஸ்திர நியமங்களைப் பின்பற்றுவது மிக அவசியம்.