கடுமையான பிரச்சனைகள், சிக்கல்கள், துன்பங்களில் சிக்கிக் கொண்டு தவிப்பவர்களுக்கு, பகவான் கிருஷ்ணர் அருளிய பகவத் கீதை வழிகாட்டுகிறது. அனைத்து காலங்களிலும், அனைவருக்கும் பொருந்தும் வகையிலான தீர்வுகளை அளிக்கும் அற்புதமான புனித நூலான பகவத் கீதையின் முக்கிய போதனைகளை இங்கு காண்போம். இந்த வாழ்க்கைப் பாடங்கள் உங்கள் மனக்குழப்பங்களை நீக்கி, அமைதியை அடைய உதவும்.
பகவத் கீதையின் முக்கிய போதனைகள்: துன்பங்களில் இருந்து விடுதலை பெற
பலன்களில் உரிமை கிடையாது
உனக்கான செயல்கள் அல்லது கடமையை செய்வதற்கு மட்டுமே உனக்கு உரிமை உண்டு. அதன் பலன்களுக்கு நீ ஒரு போதும் பொறுப்பாகவோ, உரிமை கொண்டாடவோ முடியாது. நடக்கும் செயல்கள் அனைத்திற்கும் நீ கருவி மட்டுமே. கர்த்தா நானே. செயல்கள் உன்னால் செய்யப்படுகிறதே தவிர உனக்குள் இருந்து அனைத்தையும் செய்பவன் நானே.
எதற்காகவும் கவலை கொள்ளாதே
பிறப்பு என்ற ஒன்று நிகழ்ந்தால் மரணம் என்பது நிச்சயம். அதே போல் மரணம் என்று ஒன்று நிகழ்ந்தால் பிறப்பும் நிச்சயம் நிகழும். எனவே உன்னுடைய சக்திக்கு மீறி நடக்கும் இயற்கையான மற்றும் தவிர்க்க முடியாத எந்த ஒரு விஷயங்களுக்காக கவலை கொள்ளாதே. இது வாழ்க்கை ஜோதிடம் கூறும் உண்மையாகும்.
பற்றின்மையே பலம்
எதிலும் பற்றின்றி இருக்க முயற்சி செய். அப்போது ஆன்மிக விழிப்புணர்வு என்ற செல்வத்தை உன்னால் பெற முடியும். நடக்கும் செயல்கள் ஒவ்வொன்றிற்கும் பலனை எதிர்பார்த்து, அந்த பலன்களின் மீதான ஆசையால் மட்டுமே துன்பங்கள் ஏற்படுகிறது. அதன் விளைவுகளை பற்றி கவலை கொள்பவர் உண்மையில் துயரிலேயே தான் இருப்பார். மன அமைதி பெற இது மிக முக்கியம்.
நேர்மறை ஆன்மா
ஆன்மா அழிவிற்கு அப்பாற்பட்டது. ஆன்மாவை யாராலும் முடிவுக்கு கொண்டு வர முடியாது. அதனால் அழியாத ஆன்மாவில் நேர்மறை எண்ணங்களை பதிவிட முயற்சி செய். இது ஆன்மீக வழிகாட்டி.
அமைதியை தேடு
"நான்" மற்றும் "எனது" என்ற எண்ணங்களில் இருந்து எப்போது ஒரு மனிதன் முழுமையாக விடுபடுகிறானோ அப்போது தான் முழுமையான அமைதியை காண்கிறான்.
மனதை கட்டுப்படுத்து
தன் மனதை வென்றவனுக்கு அந்த மனமே சிறந்த நண்பனாக மாறுகிறது. ஆனால் அவ்வாறு செய்யத் தவறியனுக்கு மனமே மிகப் பெரிய எதிரியாகவும் மாறுகிறது. மனநல ஆலோசனை போல இந்த கீதை போதனைகள் உதவுகின்றன.
உணர்ச்சிகளை பொருட்படுத்தாதே
மகிழ்ச்சி மற்றும் துன்பம் என்னும் இரண்டு உணர்ச்சிகள் எவர் ஒருவரை தொந்தரவு செய்யாமல் இரண்டு நிலையிலும் நடுநிலையாக இருக்க முடிகிறதோ அந்த மனிதரே நிச்சயமாக துன்பங்களில் இருந்து விடுதலை பெற தகுதியானவர்.
நம்பிக்கையின் வலிமை
மனிதன் அவனது நம்பிக்கையால் உருவாக்கப்பட்டவன். எதை அவன் நம்புகிறானோ அல்லது அவனது மனம் நம்பிகிறதோ அந்த எண்ணங்களின் படியே அல்லது அப்படியே அவன் ஆகிறான். நல்ல எண்ணங்கள் உங்கள் எதிர்காலத்தை மாற்றும்.