வேப்ப மர சீப்பின் அற்புதமான நன்மைகள்: அடர்த்தியான, பளபளப்பான முடிக்கு

உச்சந்தலை ஆரோக்கியத்திற்கு வேப்ப மர சீப்பு

வேப்ப மர சீப்பு பூஞ்சைகளை எதிர்க்கும் தன்மையுடையது. இதை பயன்படுத்தும் போது உச்சந்தலையில் ரத்த ஓட்டம் அதிகரிக்கும். இதனால் முடி இழைகளுக்கு போதுமான ஊட்டச்சத்து கிடைத்து முடி வளர்ச்சிக்கு வழி வகுக்கும். உச்சந்தலையில் உள்ள இயற்கையான எண்ணெயை (sebum) சீராக பரப்பி, முடியை ஆரோக்கியமாக வைக்க உதவுகிறது.

வேப்ப மர சீப்பின் மென்மையான முனைகள் உச்சந்தலையில் உள்ள அக்குபஞ்சர் புள்ளிகளைத் தூண்டும். இது உச்சந்தலைக்கு மசாஜ் செய்வது போன்றது. இதனால் ரத்த ஓட்டம் அதிகரிக்கும். இது முடி மற்றும் உச்சந்தலைக்கு மிகவும் நல்லது. இந்த பண்டைய தமிழ் நுட்பம் உங்கள் கூந்தலுக்கு நிச்சயம் பயனளிக்கும்.

பொடுகு தொல்லையை குறைக்கும் வேப்ப மர சீப்பு

பொடுகுக்கு முக்கிய காரணம், தலையில இருக்கும் ஒரு வகை பூஞ்சை தான். வேப்பிலையில் ஆன்டிமைக்ரோபியல், ஆன்டிஃபங்கல் மற்றும் ஆன்டி-இன்ஃப்ளமேட்டரி குணங்கள் நிறைந்துள்ளன. இது பொடுகு உண்டாக்கும் கேண்டிடா மற்றும் மலாசியா (பொடுகு ஏற்படுத்தும் பூஞ்சைகள்) ஆகியவற்றை எதிர்க்கிறது. இது ஈஸ்ட் தொற்றுக்களையும் எதிர்த்து போராடுகிறது. பொடுகினால் வரும் அரிப்பு, தோல் செதிலாக உதிர்வது போன்றவற்றை குறைக்கும். மேலும் தலைப்பேன் போன்ற தொல்லைகளையும் இவை தடுக்கும். வேப்பிலை சீப்பு தலைக்கு மென்மையானது, இது தலையில் உராய்வு, வெட்டுக்கள் ஏற்படாமல் தடுப்பதால் கூந்தலுக்கு எந்த பாதிப்பும் இல்லை.

முடி உடைதலை தடுக்கும் வேப்ப மர சீப்பு

கூந்தல் உதிர்தலைத் தடுக்கவும் முடியை பளபளப்பாகவும் ஆரோக்கியமாகவும் வைத்திருக்க விரும்பினால் நீங்கள் வேப்ப மர சீப்பு பயன்படுத்தலாம். பிளாஸ்டிக் சீப்புக்கு பதிலாக வேப்ப மர சீப்பைப் பயன்படுத்தும்போது, தலையில் இருக்கும் இயற்கையான எண்ணெய் முடி முழுவதும் சீராக பரவுகிறது. இதனால் முடி உடைவது குறைந்து, முடி ஆரோக்கியமாக வளரும்.

தலைமுடி உதிர்வுக்கு முக்கிய காரணம் நிலையான மின்னூட்டம் (static charge) இல்லாதது தான். பிளாஸ்டிக் சீப்புகளில் உண்டாகும் இந்த பாதிப்பை மர சீப்புகள் தடுக்கும். ஏனென்றால் வேப்ப மரத்தால் செய்யப்பட்ட சீப்புகளில் மின்னூட்டம் அதிகமாகவோ அல்லது பற்றாக்குறையாகவோ இருக்காது. இதனால் முடி உதிர்வு குறைந்து, முடி வறட்சி இல்லாமல் இருக்கும்.

முடியின் நுனி பிளவை தடுக்கும் வேப்ப மர சீப்பு

வேப்ப மர சீப்பு தலைமுடியை சிக்கின்றி வைக்கவும், உடைவதைத் தடுக்கவும் உதவுகிறது. முடி நீளமாக இருந்தாலும், குட்டையாக இருந்தாலும், அடர்த்தியாக இருந்தாலும், மெல்லியதாக இருந்தாலும், நேராக இருந்தாலும், சுருட்டை முடியாக இருந்தாலும், வேப்ப மர சீப்பு முடியைப் பாதுகாக்கும். முடியில் இயற்கையான எண்ணெயை உச்சந்தலை முழுவதும் பரவ செய்து முடியை மிருதுவாக மாற்றும். உராய்வைக் குறைக்கும். இது தலைமுடியில் எளிதாக செல்லும். இதனால் முடியின் நுனி பிளவுபடுவதையும், உடைவதையும் தடுக்க செய்கிறது. முடி உதிர்வு பிரச்சனை இருந்தால் நீங்கள் வேப்ப மர சீப்பை பயன்படுத்தலாம்.

எண்ணெய் சுரப்பை நிர்வகிக்க உதவும் வேப்ப மர சீப்பு

எண்ணெய் பசை அதிகம் உள்ள உச்சந்தலை சருமம் இருப்பவர்கள் இந்த வேப்பம் சீப்பு பயன்படுத்துவது நல்லது. பெரும்பாலும் சருமத்தில் உள்ள சுரப்பிகள் சுரக்கும் எண்ணெய் சமமாக பரவாமல் இருப்பதால் உச்சந்தலையில் எண்ணெய் பசை அதிகமாக இருக்கும். வேப்ப மர சீப்பு பயன்படுத்தினால், இந்த எண்ணெய் தலையின் அனைத்து பகுதிகளுக்கும், முடி முழுவதுக்கும் சமமாக பரவும். குறிப்பாக கோடை காலங்களில் அதிகமான எண்ணெய் பசை இருப்பதை பார்க்கலாம். அதை தவிர்க்க இந்த வேப்ப மர சீப்பு பயன்படுத்துங்கள், மாற்றங்கள் உணர்வீர்கள்.

அடர்த்தியான முடிக்கு வேப்பிலை சீப்பு எப்படி உதவும்?

நீளமான, ஆரோக்கியமான முடி விரும்பினால் கூந்தலுக்கு இரத்த ஓட்டம் அதிகரிக்க வேண்டும். அப்போதுதான் முடி வேர்களுக்கு அதிக சத்து கிடைக்கும். இதன் பற்கள் அகலமாக இருப்பதால் கூந்தல் சிக்கல் இல்லாமல் வைத்திருக்கலாம். மேலும் இது அழுக்கு, தூசியை நீக்கி அனைத்து இடங்களிலும் எண்ணெய் தன்மை கொடுக்கும். அழுந்த வாரினாலும் உச்சந்தலை பாதிப்பு இருக்காது. இது அடர்த்தியான கூந்தலை பெற உதவும் ஒரு தமிழ் பாரம்பரிய வழிமுறை.

வேப்ப மர சீப்பு இளநரையை தடுக்குமா?

இது ஆச்சரியமாக இருக்கலாம். ஆனால் வேப்ப மரத்தால் சீவுவது நரை முடியைத் தடுக்க உதவும். ஏனெனில் தலையில் ரத்த ஓட்டத்தை சீராக்குவதால் முடிக்கு போதுமான ஊட்டச்சத்து கிடைக்கிறது. இள வயதில் முடி நரைக்க முடிக்கு ஊட்டச்சத்து குறைவதும் ஒரு காரணம். அப்படியான காரணத்தினால் முடி நரைப்பது தடுக்கப்படுகிறது. மேலும் இது முடி வளர்ச்சியையும் மேம்படுத்தும் என்பது குறிப்பிடத்தக்கது. இது ஆரோக்கியமான நீண்ட ஆயுளுடன் தொடர்புடைய ஒரு நன்மை.

வேப்ப மர சீப்பு பயன்படுத்தும் முறை

• படி 1: முடியின் வேர்க்கால்களில் இருந்து நுனி வரை சீவ வேண்டும்.
• படி 2: சீப்பின் பற்கள் உங்கள் தலையில் படும்படி சீவுங்கள்.
• படி 3: ஒரு நாளைக்கு இரண்டு முறை ஆழமாக சீவ வேண்டும்.
• படி 4: தூங்குவதற்கு முன்பு சிக்கல் இல்லாமல் சீவி விடுவதால் முடி நன்றாக வளரும்.

வேப்பிலை சீப்பு எல்லா தலைமுடிக்கும் ஏற்றது. இது கடைகளில் எளிதாக கிடைக்கும். வேப்பிலை சீப்பு வாங்கும் போது, வார்னிஷ் பூசப்பட்ட அல்லது பெயிண்ட் அடித்த சீப்புகளை தவிர்க்க வேண்டும். இது இராசயனம் கலந்தது. இது உச்சந்தலையில் படக்கூடாது. இந்த சீப்பு சுத்தம் செய்வதும் எளிதானது.

அடிக்கடி கேட்கப்படும் கேள்விகள்