நடிகை பாவனா அழகு ரகசியங்கள்: அவரது தினசரி சரும மற்றும் தலைமுடி பராமரிப்பு

பகலில் பாவனாவின் ஸ்கின் கேர் ரொட்டீன்

நடிகை பாவனா தன்னுடைய ஸ்கின் கேர் ரொட்டீனை டே, நைட் ஸ்கின் கேர் என்று இரண்டையும் தவறாமல் பின்பற்றுகிறார். அவருடைய பகல் நேர ஸ்கின் கேரில் வழக்கம்போல் கிளன்சிங், டோனர், பகல் நேரத்தில் பயன்படுத்தக்கூடிய சில சீரம் வகைகள், மாய்ஸ்ச்சரைஸர் ஆகியவை இருக்கும். தன்னுடைய ஸ்கின் ட்ரை மற்றும் காம்பினேஷன் ஸ்கின் என்பதால் ஜெல் பேஸ்டு மாய்ஸ்ச்சரைஸரைத் தேர்வு செய்கிறாராம். கடைசியாக அவர் சன் ஸ்கிரீன் பயன்படுத்துகிறார். வீட்டை விட்டு வெளியே சென்றாலும் சரி வீட்டுக்குள்ளே இருந்தாலும் சரி, பகல் நேர ஸ்கின் கேரில் கட்டாயமாக சன்ஸ்க்ரீன் அப்ளை செய்து விடுவாராம்.

இரவு நேர சருமப் பராமரிப்பு

பாவனாவின் இரவு நேர சரும பராமரிப்பு மிக மிக எளிமையானது. இரவு நேரத்தில் தான் அவர் பெரும்பாலும் ரிலாக்ஸாக ஸ்கின்கேர் செய்து கொள்கிறார். அதில் டபுள் கிளன்சிங் முறை இருக்கும். ஒன்று ஆயில் பேஸ்டு. இரண்டாவது வழக்கமான க்ளன்சர் பயன்படுத்துவது. அதற்கு அடுத்தபடியாக ஒரு நைட் சீரம் கட்டாயம் இருக்கும். பொதுவாக இரவு நேரத்தில் பயன்படுத்தும் சீரங்கள் ஸ்கின்னை கொஞ்சம் டிரையாக வாய்பபு உண்டு. அதனால் சீரம் அப்ளை செய்து 15 நிமிடங்களுக்கு பிறகு கட்டாயம் மாய்ஸ்ச்சரைஸர் பயன்படுத்த வேண்டும் என்கிறார்.

ஐ கிரீம் அப்ளை செய்தல் முக்கியத்துவம்

நம்முடைய சருமப் பராமரிப்பில் நாம் செய்யும் மிகப்பெரிய தவறுகளில் இதுவும் ஒன்று. பெரும்பாலும் நாம் கண்ணுக்கு கீழ் கருவளையம் இருக்கும் போது மட்டும் தான் ஐ கிரீம் பயன்படுத்துகிறோம். ஆனால் ஸ்கின் கேர் என்றால் அது கண்ணும் சேர்த்து தானே! இரவு நேரத்தில் ஸ்கின் கேர் செய்யும்போது கட்டாயமாக ஐ கிரீம் பயன்படுத்த வேண்டும். அப்படி தொடர்ந்து பயன்படுத்தி வரும்போது கண்ணைச் சுற்றிலும் கருவளையம் வருவது தடுக்கப்படுவது மட்டும் இல்லாமல் ஹைட்ரேட்டிங்காகவும் இருக்கும்.

Homemade ஃபேஸ்பேக் மற்றும் ஆயில்கள்

வழக்கமான மேலே சொன்ன ஸ்கின் கேர் தவிர வீட்டில் இருக்கும்போது நம் வீட்டில் இயற்கையாக கிடைக்கும் சில பொருட்களை வைத்து அவரே சில DIY பேஸ்பேக், டோனர், ஃபேசியல் மசாஜ் ஆயில் போன்றவற்றை செய்து அப்ளை செய்து கொள்வார். அதில் அவர் அடிக்கடி செய்வது தயிர் கடலை மாவு ஃபேஸ் பேக் தானாம். ஒரு ஸ்பூன் தயிர், சிறிது மஞ்சள் மற்றும் ஒரு ஸ்பூன் கடலை மாவு சேர்த்து மிக்ஸ் செய்து அப்ளை செய்வாராம்.

பாவனாவின் சருமம் கொஞ்சம் வறண்ட சருமம் என்பதால் அவர் அடிக்கடி ஃபேசியல் ஆயில் மற்றும் தன் சருமத்திற்கு சூட் ஆகும் வகையில் சில எசன்ஷியல் ஆயில்களைச் சேர்த்துக் கொள்கிறார். உதாரணத்துக்கு ஆரஞ்சு எசன்ஷியல் ஆயிலுடன் பாதாம் ஆயில் கலந்து அப்ளை செய்வது, பாதாம் ஆயில் மற்றும் ஆலிவ் ஆயில் மிக்ஸ் செய்து அப்ளை செய்வது, லாவெண்டர் ஆயில் பாதாம் ஆயில் காம்பினேஷன் என்று விதவிதமான காம்பினேஷன்களில் பயன்படுத்துவாராம். ஆனால் உங்களுடைய ஸ்கின் தன்மை என்ன, ஸ்கின் பிரச்சனை என்ன இருக்கிறது என்பதை புரிந்து கொண்டு அப்ளை செய்ய வேண்டும் என்கிறார். அதனால் ஆயில் ஸ்கின் உள்ளவர்கள் இதை அப்ளை செய்ய வேண்டாம் என்றும் குறிப்பிடுகிறார்.

தலைமுடி பராமரிப்பு (Hair Care)

பாவனாவின் ஹேர் கேரை பொறுத்த வரைக்கும் அவருடைய முடி ஸ்மூத்தாக ஹைட்ரேட்டிங்காக, பளபளப்பாக இருக்கும். அவருடைய தினசரி ஹேர் கேர் என்றால் அது ஷாம்பூ மற்றும் கண்டிஷனர் தவறாமல் பயன்படுத்துவது, ஹேர் சீரம் அப்ளை செய்வது ஆகியவை கட்டாயமாக இருக்கும். ஹேர் ஆயில் என்றால் அது அவருடைய அம்மா செம்பருத்தி, கருவேப்பிலை, கற்றாழை போன்று மூலிகை பொருள்களைச் சேர்த்து வீட்டில் தயாரிக்கும் ஹேர் ஆயிலை தான் இப்போதும் பயன்படுத்துகிறார்.

பாவனா தரும் சிறப்பு ஸ்கின் கேர் டிப்ஸ் (உலர்ந்த சருமத்திற்கு)

ஸ்கின்னை நன்கு பளபளப்பாகவும் பொலிவாகவும் குறிப்பாக ஹைட்ரேட்டியாகவும் வைத்திருக்க நமக்காக பாவனா ஒரு ஸ்கின் கேர் டிப்ஸ் கொடுத்திருக்கிறார். அது என்ன தெரியுமா? ஒரு சிறிய பௌலில் ஒரு ஸ்பூன் தேங்காய் எண்ணெய் எடுத்துக் கொள்ள வேண்டும். அதில் ஒரு ஸ்பூன் கற்றாழை ஜெல் மற்றும் அரை ஸ்பூன் கிளிசரின் சேர்த்து நன்கு மிக்ஸ் செய்ய வேண்டும். கற்றாழை ஜெல் தேங்காய் எண்ணெய் மற்றும் கிளிசரனுடன் நன்கு மிக்ஸ் ஆன பிறகு அதை எடுத்து முகத்தில் அப்ளை செய்து வாருங்கள். குளிப்பதற்கு அரை மணி நேரம் முன்பு இதை செய்து வரலாம். குறிப்பு - இது ட்ரை ஸ்கின் உள்ளவர்களுக்கு பொருந்தும். ஒருவேளை உங்களுக்கு ஆயில் ஸ்கின் இருந்தால் அது எப்படி வேலை செய்யும் என்று எனக்கு தெரியாது. அதனால அப்ளை செய்ய வேண்டாம் என்றும் குறிப்பிடுகிறார். ஒருவேளை உங்களுக்கு ஆயில் ஸ்கின் என்றால் நீங்கள் அரை மணி நேரம் வைத்திருக்காமல் 5 - 10 நிமிடங்களுக்குள் முகத்தை கழுவி கொள்வது நல்லதாக இருக்கும்.

இறுதியாக, பாவனா பகிர்ந்து கொண்டிருக்கும் அவருடைய ஸ்கின் கேர் மிக எளிமையானது மற்றும் அவரது சருமத்தின் தன்மைக்கு ஏற்றது. அனைவருக்கும் இளமையான சருமம் வேண்டுமென்றால், அவரவர் சருமத் தன்மைக்கு ஏற்ற பராமரிப்பை தவறாமல் கடைப்பிடிக்க வேண்டும் என்பதை அவர் வலியுறுத்துகிறார். சரும நிபுணரின் ஆலோசனையைப் பெறுவது எப்போதும் சிறந்தது.

அடிக்கடி கேட்கப்படும் கேள்விகள்