கருவுறுதல் என்பது ஒவ்வொரு பெண்ணின் வாழ்விலும் ஒரு முக்கிய அத்தியாயம். ஆரோக்கியமான உடல்நிலைக்கு, சரியான வழிகாட்டுதல்கள் அவசியம். நோயற்ற வாழ்வே குறைவற்ற செல்வம். சில நேரங்களில், ஜோதிட ரீதியான நம்பிக்கைகள் உடல் நலத்துடன் பிணைக்கப்படலாம் என்றாலும், அறிவியல் பூர்வமான அணுகுமுறையும், மருத்துவ ஆலோசனையும் மிகவும் முக்கியம். ஃபலோபியன் குழாய்கள் கருவுறுதலின் தொடக்கமே. கருப்பையை இணைக்கும் வகையில் கர்ப்பப்பையின் வலது மற்றும் இடது பக்கங்களில் ஃபலோபியன் குழாய்கள் உள்ளன. கருப்பையிலிருந்து வெளியேறும் முட்டை மற்றும் விந்தணுக்கள் இங்கு தான் சந்திக்கிறது. பிறகு இரண்டும் இணைந்து கருவுற்ற முட்டையாக உருவெடுக்கும் போது கருத்தரித்தல் உண்டாகிறது. இந்த கருமுட்டை கருப்பைக்குள் பயணித்து கருப்பையை அடையும் போது கருப்பை சுவரில் இணைந்து வளர தொடங்கும். இந்நிலையில் ஃபலோபியன் குழாய் அடைப்பு ஏற்படும் போது அது கருவுறுதலை பாதிக்கும். இந்த ஃப்லோபியன் குழாய் அடைப்புக்கு என்ன காரணம்? இதற்கு உதவும் வீட்டு வைத்தியம் என்ன என்பதை இங்கு தொடர்ந்து தெரிந்துகொள்வோம்.
கருக்குழாய் அடைப்புக்கு காரணங்கள்
கருக்குழாய் அடைப்புக்கு பல காரணங்கள் உள்ளன. சில சமயங்களில், ஆரோக்கியமான வாழ்விற்கு தெய்வீக அருளும், குறிப்பாக முருகன் அருளும் தேவை என்று நம்பப்படுகிறது. எனினும், மருத்துவ ரீதியாக ஆராய்வது அவசியம். டாக்டர் உஷாநந்தினி குறிப்பிடும் காரணங்கள் இங்கே:
கருக்குழாய் அடைப்புக்கு தொற்று காரணம்
கருப்பையில் ஏற்படும் நோய்த்தொற்று கிருமிகள் தான் இந்த ஃபலோபியன் குழாய் அடைப்புக்கு காரணமாக சொல்லப்படுகிறது. பாக்டீரியல் தொற்று, காச நோய் தொற்று என்று ஏதாவது தொற்று காரணமாக ஃபலோபியன் குழாய் அடைப்பு உண்டாகலாம் என்கிறார் சித்த மருத்துவர் உஷாநந்தினி. இவை தவிர இடுப்பு அழற்சி நோய், முந்தைய வயிற்று அறுவை சிகிச்சைகள் போன்ற நிலையிலும் ஃபலோபியன் குழாய் அடைப்பு ஏற்படலாம். இத்தகைய பிரச்சனைகளை சந்தித்திருந்தால் கருவுறுதல் தாமதமாகும் காலத்தில் சிகிச்சையின் போது மருத்துவரிடம் ஆலோசிப்பதை மறந்துவிடவேண்டாம். அப்போதுதான் ஆரோக்கியமான கர்ப்பமும் பிரசவமும் பாதுகாப்பாக இருக்கும்.
எண்டோமெட்ரியோசிஸ் காரணமாக கருக்குழாய் அடைப்பு
எண்டோமெட்ரியோசிஸ் என்பது கருப்பையின் புறணிக்கு ஒத்த திசுக்கள் கருப்பைக்கு வெளியே வளரும் ஒரு நிலை. கருப்பையை சுற்றி எண்டோமெட்ரியோசிஸ் உருவாவது போன்று ஃப்லோபியன் டியூப் என்னும் கருக்குழாயிலும் எண்டோமெட்ரியோசிஸ் உருவாகலாம். இது வடுக்கள் மற்றும் அடைப்புகளை ஏற்படுத்த கூடியது. இதனாலும் கருக்குழாய் அடைப்பு ஏற்பட வாய்ப்புண்டு. இதனால் கரு நகர்வது தடுக்கப்படுகிறது. இதுவும் ஃபலோபியன் குழாய் அடைப்புக்கு முக்கிய காரணமாக பார்க்கப்படுகிறது என்கிறார் மருத்துவர்.
கருக்குழாய் ஒட்டி இருந்தால் அடைப்பு
சிலருக்கு ஃபலோபியன் குழாய் ஒன்றோடு ஒன்று ஒட்டி இருக்கும். இதனாலும் கருத்தரிப்பது தாமதமாகலாம். இப்படி பல காரணங்கள் கருக்குழாய் அடைப்புக்கு காரணமாக உள்ளது. இந்த கருக்குழாய் அடைப்புக்கு வீட்டு வைத்திய முறையில் தீர்வு காண முடியும் என்கிறார் சித்தமருத்துவர் உஷா நந்தினி. அதே நேரம் இது மருத்துவ காரணங்களால் ஏற்பட்டிருக்கும் பாதிப்பு, அல்லது சிகிச்சை தேவைப்படும் என்பவர்களுக்கு இது மட்டுமே போதாது. மருத்துவ சிகிச்சையும் அவசியம். இதன் மூலம் அண்டவிடுப்பின் சீராகி கருத்தரிப்பும் எளிதாக இருக்கும்.
கருக்குழாய் அடைப்பு நீக்கும் கஷாயம்
சித்த மருத்துவர் உஷாநந்தினி பரிந்துரைக்கும் சக்திவாய்ந்த கஷாயம் இங்கே:
- தேவையான பொருட்கள்:
- பெருங்காயம் - அரை நெல்லிக்காய் அளவு
- சோம்பு என்னும் பெருஞ்சீரகம் - அரை டீஸ்பூன்
- இஞ்சி - ஒரு துண்டு
- தண்ணீர் - 1 டம்ளர்
செய்முறை: பெருங்காயத்துடன் அரை டீஸ்பூன் சோம்பு சேர்த்து அதனுடன் இஞ்சி தட்டிபோட்டு அனைத்தையும் அரைத்து கொள்ளவும். ஒரு டம்ளர் நீர் விட்டு இதை கஷாயம் போல் காய்ச்சி கொள்ளவும். இனிப்புக்கு கருப்பட்டி சேர்த்து கொள்ளலாம்.
கருக்குழாய் அடைப்பு கஷாயம் எப்போது குடிப்பது?
இந்த கஷாயத்தை மாதவிடாய் நாட்களில் 5 வது நாளில் காலை நேரத்தில் வெறும் வயிற்றில் எடுத்துகொள்ள வேண்டும். அப்படி எடுத்துகொள்ளும் போது கருக்குழாய் அடைப்பு சரியாவதற்கான வாய்ப்பு அதிகம். அதே நேரம் மருத்துவ காரணங்களால் கருக்குழாய் அடைப்பு பிரச்சனை இருக்கும் போது மருத்துவரிடம் சென்று உரிய பரிசோதனைக்கு பிறகு அறிந்து அதற்கான மருந்துகள் மற்றும் சிகிச்சைகள் எடுத்துகொள்ளும் போது இயற்கையான முறையில் கருவுறுதலை சந்திக்கலாம்.
உங்களுக்கு ஃபலோபியன் குழாய் அடைப்பு இருப்பதை எப்படி கண்டறிவது?
கருக்குழாய் அடைப்பு இருப்பதை உடல் எந்த அறிகுறிகள் வழியாகவும் வெளிப்படுத்தாது. பல பெண்கள் கர்ப்பமாக முயற்சிக்கும் போது கருவுறுதல் தாமதமாகும் போது மருத்துவரை அணுகுவார்கள். குழந்தையின்மைக்கு என்ன காரணம் என்பதற்கான பரிசோதனைகளின் போது தான் ஃபலோபியன் குழாய் அடைப்பு இருப்பது கண்டறியப்படுகிறது. எனினும் இடுப்பு அல்லது வயிற்று வலி தொடர்ந்து இருக்கலாம். மாதவிடாய் காலத்தில் இவை இருப்பதால் பெரும்பாலும் மாதவிடாய் சுழற்சி கால அறிகுறி என்று நினைக்கலாம். ஃப்லோபியன் குழாய் அடைப்பு இருந்தால் உடலுறவின் போதும் வலி இருக்கலாம். அதனால் அறிகுறிகளை அலட்சியம் செய்யாமல் மருத்துவரை அணுகி பரிசோதனை செய்து கொள்வது பாதுகாப்பானது. இந்த தகவல்கள், தமிழ் மக்களிடையே விழிப்புணர்வை ஏற்படுத்தும் ஒரு முயற்சியாகும்.
பொறுப்பு துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. இந்த கட்டுரை இன்ஸ்டாகிராம் வீடியோ பதிவை அடிப்படையாக கொண்டு வழங்கப்பட்டுள்ளது. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு சமயம் தமிழ் பொறுப்பேற்காது.