கடந்த சில தசாப்தங்களுக்கு முன், வெளிநாடு சென்று கல்வி கற்பதோ அல்லது வேலை செய்வதோ ஒரு பெரிய கனவாக இருந்தது. ஆனால் இன்று உலகமயமாக்கல் மற்றும் ஜோதிட பலன்களின் அடிப்படையில், பலர் வெளிநாடுகளில் தங்கள் தொழில் மற்றும் கல்வி வாய்ப்புகளைத் தேடிச் செல்கின்றனர். எந்தெந்த ராசிக்காரர்கள் தங்கள் சிறப்பான திறமையால் வெளிநாடு சென்று தொழில் அல்லது கல்வி மூலம் சாதிக்க முடியும் என்பதை இந்த கட்டுரை விளக்குகிறது.
உலகளாவிய தொழில் மற்றும் கல்வி வாய்ப்புகள்
உலகமயமாக்கலுக்குப் பிறகு, பல நிறுவனங்கள் தங்கள் கிளைகளைப் பல நாடுகளுக்கு விரிவுபடுத்தியுள்ளன. இதனால் வெளிநாட்டு வேலை வாய்ப்புகள் அதிகரித்துள்ளன. தங்கள் சொந்த ஊரைத் தாண்டி, வெளிநாடுகளில் கல்வி கற்கவும், புதிய தொழில் தொடங்கவும் பலரும் ஆர்வம் காட்டுகின்றனர். ஜோதிட ரீதியாக, சில ராசிக்காரர்களுக்கு இந்த வெளிநாட்டுப் பயணம் மிகவும் சாதகமாக அமைகிறது. இது ஒரு தனிப்பட்ட சாதனை மட்டுமல்லாமல், உலக அரங்கில் தங்கள் திறமையை வெளிப்படுத்தும் ஒரு பொன்னான வாய்ப்பாகவும் பார்க்கப்படுகிறது.
மேஷம் ராசி - துணிச்சலான பயணங்கள்
மேஷ ராசிக்காரர்கள் பொதுவாக எதிலும் சிறப்பாகவும், வேகமாகவும் செயல்படக்கூடியவர்கள். இவர்கள் எப்போதும் வளர்ச்சி எனும் ஏணியில் ஏறும் முனைப்புடன் செயல்படுவார்கள். கல்வி, வேலைக்காக வெளிநாடு செல்ல நினைப்பதோடு, வேலையில் பதவி உயர்வு, வியாபாரத்தில் லாபத்தை அதிகரிக்கும் நோக்கில் விரிவுபடுத்த நினைப்பார்கள். இவர்களிடம் திறமையுடன் வேகம், ஆற்றல் அதிகமாக இருக்கும் என்பதால் போட்டிகளை விரும்பக்கூடியவர்கள். எந்த ஒரு போட்டியிலும் சிறப்பான வெற்றி பெறுவார்கள் என்பதால், இவர்கள் பெரிய கனவு காண்பார்கள். உள்ளூரைத் தாண்டி, தன் திறமையை வெளியூர், வெளிநாட்டிலும் நிலைநாட்ட நினைப்பார்கள். அதற்கான அற்புத வாய்ப்புக்காகக் காத்திருப்பார்கள். மேஷ ராசியினர் ஜோதிட ரீதியாக வெளிநாட்டில் பிரகாசமான எதிர்காலத்தைக் கொண்டவர்கள்.
கடக ராசி - புதிய கலாச்சார தேடல்
கடக ராசியைச் சேர்ந்தவர்கள், நெருப்பு ராசியைப் போல வேகமாக, லட்சியத்துடன் இருக்க மாட்டார்கள். ஆனால் இவர்களிடம் கடுமையான பணி நெறிமுறைகளும், தன்னம்பிக்கையும் அதிகமாக இருக்கும். புதிய கண்டுபிடிப்பில் ஈடுபடுதல் மற்றும் கார்ப்பரேட் கலாச்சாரத்திற்குச் சரியான நபராக இருப்பார்கள். உலகெங்கிலும் உள்ள நிறுவனங்களில் தங்களின் திறமையை நிரூபிக்கத் துடிப்பார்கள். பெரிய நிறுவனங்களில், புதிய புதிய நாடுகளில் பணிபுரிய நினைப்பார்கள். மேலும் தொழில் செய்யக்கூடியவர்கள் தங்கள் தொழிலைச் சொந்த நாட்டிலும், வெளியூர், வெளிநாட்டில் விரிவுபடுத்த வேண்டும் என்ற மனநிலையில் இருப்பார்கள். இவர்களின் ஜோதிட பலன் வெளிநாட்டு பயணத்திற்கு உகந்தது.
கன்னி ராசி - திறமையின் அடையாளம்
பொதுவாக கல்வி கேள்விகளில் சிறந்து விளங்கக்கூடியது கன்னி ராசியினர். இவர்கள் கல்வி மற்றும் வேலை தொடர்பாக திறமையும், உந்துதலுடனும் செயல்படக்கூடியவர்கள். கன்னி ராசியைச் சேர்ந்த இளைஞர்கள் ஒவ்வொரு செயலிலும் தன்னம்பிக்கை, ஆர்வம், திறமையை வெளிப்படுத்த வேண்டும் என்ற எண்ணம் கொண்டவர்கள். மேலும் இவர்கள் பணியிடத்தில் சக ஊழியர்கள் மற்றும் முதலாளிகளுக்கு சிரமமின்றி நடந்து கொள்ள வேண்டும் என நினைப்பவர்கள். இவர்கள் சொந்த ஊர், சொந்த நாட்டை தாண்டி தங்கள் வேலையில் திறமையை வெளிப்படுத்தவும், தான் செய்யக்கூடிய சொந்த தொழில், வியாபாரத்தை, படைப்பாற்றலை வெளியூர், வெளிநாட்டிலும் சென்று வளர்ப்பதற்கு நினைப்பார்கள். ஜோதிட ரீதியாக இவர்களுக்கு வெளிநாட்டு வாய்ப்புகள் பிரகாசமாக அமையும்.
கும்பம் ராசி - உலகளாவிய ஆய்வாளர்
கும்ப ராசியைச் சேர்ந்தவர்கள் சொந்த நாட்டில் படிக்க வேண்டும் என நினைப்பவராக இருந்தாலும், இவர்கள் விடுமுறைக்காகவும், வேலை, தொழிலுக்காக புதிய இடங்களுக்குப் பயணம் செல்ல நினைப்பார்கள். தங்களின் புதிய தேடல், திறமையை நிரூபிக்க ஒரே இடத்தில் தங்காமல் புதிய இடங்களுக்கு, புதிய நாடுகளுக்குச் செல்ல நினைப்பவர்கள். தன்னுடைய அடையாளத்தை வேலை, தொழில், கலைத்துறை என ஏதேனும் ஒரு வகையில் நிரூபிக்க வேண்டும் என நினைப்பார்கள். காற்று ராசியான கும்பம் காற்றைப் போல பயணித்துக் கொண்டே இருப்பார்கள். உள்ளூர் கலாச்சாரத்திலிருந்து உலக கலாச்சாரம் வரை தெரிந்து கொள்ளவும் நினைப்பார்கள். இவர்களுக்கு வெளிநாட்டில் கல்வி மற்றும் தொழில் வாயிலாக மிகப்பெரிய வெற்றி கிடைக்கும் என்பது ஜோதிட கணிப்பு.
அடிக்கடி கேட்கப்படும் கேள்விகள்
ஜோதிட ரீதியாக, மேஷம், கடகம், கன்னி மற்றும் கும்பம் ஆகிய ராசிக்காரர்களுக்கு வெளிநாட்டில் கல்வி கற்க சிறந்த வாய்ப்புகள் அமைகின்றன. இவர்கள் புதிய அனுபவங்களைத் தேடி வெளிநாடு செல்ல அதிகம் ஆர்வம் காட்டுவார்கள்.
மேஷம், கடகம், கன்னி மற்றும் கும்பம் ராசிக்காரர்கள் வெளிநாடுகளில் தொழில் வாய்ப்புகளைத் தேடுவதில் மிகவும் திறமையானவர்கள். இவர்களுக்கு உலகளாவிய நிறுவனங்களில் பணிபுரியும் அல்லது புதிய தொழில்களைத் தொடங்கும் வாய்ப்புகள் அதிகமாக இருக்கும்.
ஆம், ஒவ்வொரு ராசிக்கும் வெளிநாட்டுப் பயணத்திற்கான உந்துதல் மற்றும் அதற்கான பலன்கள் மாறுபடும். மேஷம் வேகம், கடகம் தன்னம்பிக்கை, கன்னி திறமை, கும்பம் புதிய தேடல் என ஒவ்வொரு ராசியும் தனித்துவமான பண்புகளைக் கொண்டுள்ளன. தனிப்பட்ட ஜாதக அமைப்பைப் பொறுத்து துல்லியமான பலன்களை அறியலாம்.
பொறுப்புத் துறப்பு: இங்கு ராசிகளுக்கு கூறப்பட்டுள்ள பண்புக்கூறுகள் பொதுவானவை மற்றும் அந்த ராசிகளுக்கு அப்படியே பொருந்தும் எனக் கூற முடியாது. ஒவ்வொருவரின் தனிப்பட்ட ஜாதக அமைப்பைப் பொறுத்து பலன்கள் மாறுபடலாம். மேலும் விவரங்களுக்கு ஒரு அனுபவமிக்க ஜோதிடரை அணுகவும்.