தினமும் முகத்தை சுத்தம் செய்ய சோப்பு பயன்படுத்துவது பலருக்கு பொதுவான பழக்கம். ஆனால், இது உங்கள் சருமத்திற்கு சரியானதா? தமிழகத்தின் பிரபல தோல் மருத்துவ நிபுணர் டாக்டர் ஹரிஷ், முகத்திற்கு சோப்பு பயன்படுத்துவதன் விளைவுகள் குறித்து ஆழமான விளக்கம் அளிக்கிறார். இந்த *தமிழ்* வழிகாட்டியில், உங்கள் சரும ஆரோக்கியத்தை காப்பதற்கான முக்கிய குறிப்புகளைப் பெறுங்கள். ஜோதிடம் மற்றும் ஆன்மீக தகவல்களுக்கு மட்டுமல்லாமல், உடல் நலனுக்கான ஆலோசனைகளையும் வழங்கும் jothidam360.in தளத்தில் இந்த சிறப்பான கட்டுரையை வாசியுங்கள்.
சோப்பின் பிஹெச் அளவு மற்றும் சருமத்தின் தாக்கம்
பொதுவாக சோப்பின் பிஹெச் அளவு என்பது 9-10 வரை உள்ளது. ஆனால் நமது சருமத்தின் பிஹெச் அளவு என்பது 5.5 தான். இந்த பிஹெச் அளவு மாறுபடும் போது அது நமது சருமத்தை பாதிக்கின்றது என்கிறார் டாக்டர் ஹரிஷ். சருமத்துக்கு பிஹெச் அளவு 5.5 பொருளாக இருந்தால் சருமம் 50 வயதிலும் ஆரோக்கியமாக இருக்கும். ஆனால் சோப்புகள் இதை விட இரண்டு மடங்கு அதிகமான பிஹெச் அளவு கொண்டிருந்தால் சருமம் இரட்டிப்பான பாதிப்பை பெறும் என்றும் கூறுகிறார்.
தினமும் சோப்பு பயன்படுத்துவதன் விளைவுகள்
தினமும் சோப்பு பயன்படுத்தும் போது அது சருமத்தின் நீரேற்றத்தை குறைக்கிறது. அழற்சியை அதிகரிக்கிறது. சருமத்திற்கு பொருந்தாத அதிக பிஹெச் கொண்ட சோப்பு பயன்படுத்தும் போது அது சருமத்தடையை சீர்குலைக்கிறது. இதனால் நீரிழப்பு, சிவத்தல் மற்றும் எரிச்சல் போன்றவற்றையும் ஏற்படுத்தும். மேலும் இது நாளடைவில் சருமத்தில் வறட்சியையும் எரிச்சலையும் ஏற்படுத்தலாம். மேலும் முகப்பருவுக்கு கூட நீங்கள் பயன்படுத்தும் சோப்பு காரணமாக இருக்கலாம் என்கிறார் டாக்டர் ஹரீஷ்.
யாரெல்லாம் சோப்பு பயன்படுத்துவதில் கவனமாக இருக்க வேண்டும்?
முகப்பரு, அரிக்கும் தோலழற்சி மற்றும் எக்ஸிமா போன்ற சரும பிரச்சனை கொண்டிருப்பவர்கள் இந்த சோப்பு பயன்படுத்தும் போது அது அறிகுறிகளை மேலும் மோசமாக்கலாம். உங்களுக்கு உணர்திறன் வாய்ந்த சருமமாக இருந்தால் நீங்கள் பயன்படுத்தும் சோப்பு சல்பேட் மற்றும் வாசனை திரவியங்கள் சேர்க்கப்பட்டிருந்தால் அவை சருமத்தை மேலும் எரிச்சலூட்டுகின்றன. அதனால் நீங்கள் சோப்பு பயன்படுத்தும் போது கவனமாக பயன்படுத்த வேண்டும்.
முகத்திற்கு சோப்பு பயன்படுத்தலாமா?
சருமத்தை பாதிக்கும் என்பதால் இனி சோப்பு பயன்ப்டுத்தவே வேண்டாம் என்று நீங்கள் நினைக்க வேண்டாம். அதே நேரம் முகத்திற்கு சோப்பு விட உங்கள் சருமத்தின் பிஹெச் தன்மைக்கேற்ப ஃபேஸ் வாஷ், ஃபேஸ் க்ளென்சர், சின்டெட் பட்டை தேர்வு செய்யலாம். சோப்பு பயன்படுத்துவது பற்றிய இந்த விஷயம் பெரிய கவனத்தில் கொள்வதில்லை. ஆனால் நீண்ட காலம் சோப்பு பயன்படுத்தும் போது சருமத்தில் இத்தகைய பாதிப்பு இருக்கவே செய்யும் என்கிறார் டாக்டர் ஹரீஷ். அப்படியெனில் முகத்தை சோப்பில்லாமல் சுத்தம் செய்ய முடியுமா என்பதையும் தெரிந்துகொள்வோம்.
சருமத்தை சுத்தம் செய்யும் இயற்கை வழிகள்
சருமத்தை சுத்தம் செய்ய இயற்கையான பொருள்கள் நம் சமையலறையிலேயே உள்ளன. உப்பு, சர்க்கரை ஸ்க்ரப், ஓட்ஸ், தேன் போன்ற எக்ஸ்ஃபோலியேட்டர்கள் சருமத்தில் இருக்கும் இறந்த செல்களை வெளியேற்றுகிறது. எனினும் இதை கவனமாக பயன்படுத்த வேண்டும். இயற்கை பொருள்களை சருமத்துக்கு பயன்படுத்தும் போது அவை உங்கள் சருமத்தில் ஏதேனும் பாதிப்பு உண்டு செய்கிறதா சருமத்தில் பேட்ச் டெஸ்ட் செய்து 24 மணி நேரம் கழித்து அதன் உண்மை தன்மையை பரிசோதித்து பிறகு பயன்படுத்துவது பாதுகாப்பானது.
சோப்புக்கு பாதுகாப்பான மாற்று வழிகள்
பாரம்பரிய முறையில் நாம் தயாரிக்கும் நலுங்கு மாவு சருமத்தை பாதுகாக்கும். இது முகப்பரு, கரும்புள்ளிகள் போன்றவற்றில் இருந்து சருமத்தை பாதுகாக்கும். இயற்கையான பொருள்களிலிருந்து தயாரிக்கப்படும் சோப்பு கட்டிகள் கிடைக்கின்றன. ஆலிவ் எண்ணெய், தேங்காய் எண்ணெய், ஷியா பட்டர் போன்ற பொருள்களை கொண்டு செய்யப்படும் சோப்புகள் பயன்படுத்தலாம். அதே போன்று சோப்பு வாங்கும் போது சோடியம் லாரில் சல்பெட், சோடியம் லாரெத் சல்பேட், பித்தலேட்டுகள், பாரபின், செயற்கை வண்ணம், வாசனை திரவியம் கலந்தவற்றை தவிர்ப்பது பாதுகாப்பானது.
அடிக்கடி கேட்கப்படும் கேள்விகள்
jothidam360.in தளத்தில், *ஜோதிடம்* மற்றும் ஆன்மீகக் கட்டுரைகளுடன், உங்கள் தினசரி வாழ்விற்கு பயனுள்ள ஆரோக்கிய குறிப்புகளையும் வழங்குகிறோம். முருகப்பெருமானின் அருளால் அனைவரும் நல்வாழ்வு பெற வாழ்த்துக்கள். *ஆறுபடை வீடுகள்* குறித்து அறிய எங்கள் பிற கட்டுரைகளை பார்வையிடவும்.