ஷிலாஜித் என்பது இயற்கையாக பெறக்கூடிய பொருள். இது தாவரங்கள் மற்றும் நுண்ணுயிரிகள் சிதைவடைவதால் உருவாகிறது. இதற்கு பல நூற்றாண்டுகள் ஆகும். ஷிலாஜித் பார்க்க அடர்த்தியாகவும், கருப்பு நிறத்திலும் இருக்கும். வைட்டமின்கள் மற்றும் தாதுக்கள் நிறைந்தது. இவை வைட்டமின் சி, டி மற்றும் வைட்டமின் ஏ போன்ற சத்துக்கள் கொண்டவை. மேலும் இதில் ஃபுல்விக் அமிலமும் உள்ளது. ஷிலாஜித் மலட்டுத்தன்மை, குறைந்த ஆற்றல் போன்ற பல பிரச்சனைகளுக்கு சிறந்த தீர்வு என்பது போன்றே இது முடி உதிர்தலுக்கும் தீர்வாக உள்ளது. இதை எப்படி பயன்படுத்தலாம் என்பதையும் இதன் நன்மைகள் குறித்தும் அறிந்துகொள்வோம்.
ஷிலாஜித் ஹேர் மாஸ்க்
தேவையான பொருட்கள்:
- ஷிலாஜித் - கால் கப்
- தேங்காயெண்ணெய் - 5 டீஸ்பூன்
- தேன் - 1 டீஸ்பூன்
என்ன செய்வது?
ஷிலாஜித் உடன் தேங்காயெண்ணெய் மற்றும் தேன் கலந்து நன்றாக ப்ளெண்டர் செய்ய வேண்டும். பிறகு அனைத்தையும் நன்றாக கலந்து கூந்தல் முழுவதும் தடவி விடவும். 1 மணி நேரம் வைத்திருந்து கூந்தலை மென்மையான ஷாம்பு கொண்டு அலசி விடவும். வாரம் ஒருமுறை இதை செய்து வந்தால் முடி வளர்ச்சி நன்றாகவே அதிகரிக்கும்.
நன்மைகள்:
ஷிலாஜித் ஹேர்மாஸ் அணிவது முடி உதிர்வதை குறைத்து முடி வளர்ச்சியை மேம்படுத்தும். கூந்தலை பளபளப்பாக வைத்திருக்கவும் உதவும்.
ஷிலாஜித் ஆலிவ் எண்ணெய் ஹேர் மாஸ்க்
தேவையான பொருட்கள்:
- ஷிலாஜித் - 4 டீஸ்பூன்
- ஆலிவ் எண்ணெய் - 3 டீஸ்பூன் (இதற்கு மாற்றாக பாதாம் எண்ணெய் கூட பயன்படுத்தலாம்)
என்ன செய்வது?
ஷிலாஜித் ஆலிவ் எண்ணெயுடன் கலந்து நன்றாக கலக்கி விடவும். பிறகு இதை உச்சந்தலை மற்றும் முடியின் வேர்க்கால்கள் வரை தடவி விடவும். மென்மையாக மசாஜ் செய்யவும். பிறகு இரவு முழுவதும் ஊறவைக்கவும். மறுநாள் காலை ஷாம்பு கொண்டு அலசி விடவும். வாரம் ஒரு முறை இதை செய்து வந்தால் பலன் அளிக்கும்.
நன்மைகள்:
இது முடி வளர்ச்சியை ஊக்குவிக்கும். முடி உதிர்வை குறைக்கும். வாரம் ஒரு முறை இந்த மாஸ்க் பயன்படுத்தலாம்.
ஷிலாஜித் ஷாம்புவாக பயன்படுத்தலாம்
ஷிலாஜித் ஹேர் மாஸ்க் ஆக போடுவது சிரமமாக இருந்தால் நீங்கள் இதை ஷாம்புவுடன் கலந்து பயன்படுத்தலாம். தலைக்கு ஷாம்பு போடும் போது அதனுடன் சில துளிகள் ஷிலாஜித் சாறு சேர்க்கலாம். பிறகு அதை நன்றாக கலந்து கூந்தலை அலசி எடுக்கலாம். தலைக்குளியலின் போதெல்லாம் ஷாம்புவில் இந்த ஷிலாஜித் போடலாம். பயன்படுத்தவும் எளிதானது.
கூந்தலின் வளர்ச்சிக்கு ஷிலாஜித் உள்ளுக்கு எடுக்கலாமா?
ஷிலாஜித்தை வெந்நீரில் கலந்து தினமும் ஒரு கப் குடிக்கவும். ஷிலாஜித் டானிக் கலவைகள் கிடைக்கும் அதையும் வாங்கி எடுத்துகொள்ளலாம். ஆனால் உடனே பலனை எதிர்பார்க்க முடியாது. பொறுமையாக இருக்க வேண்டும். ஷிலாஜித்தைப் பயன்படுத்தும்போது முடி மற்றும் உச்சந்தலையின் ஆரோக்கியத்தை கவனிக்க வேண்டும். தேவைப்பட்டால், பயன்படுத்தும் முறை அல்லது அளவை மாற்றலாம். ஷிலாஜித் சப்ளிமெண்ட் கிடைக்கும் என்றாலும் மருத்துவரிடம் கேட்டு எடுப்பது பாதுகாப்பானது.
ஷிலாஜித் கூந்தல் வளர்ச்சிக்கு செய்யும் நன்மைகள்
- ரத்த ஓட்டத்தை அதிகரிக்கும்: ரத்த ஓட்டத்தை அதிகரித்து, ஆக்சிஜன் மற்றும் ஊட்டச்சத்துக்களை முடியின் வேர்களுக்கு கொண்டு செல்கிறது. ரத்த ஓட்டம் அதிகரிப்பதால், முடிக்கு தேவையான சத்துக்கள் கிடைக்கின்றன. இதன் வழியாக வைட்டமின்கள் மற்றும் தாதுக்கள் முடி வேர்களுக்கு செல்கின்றன. ஆக்சிஜனும் கிடைப்பதால் முடி ஆரோக்கியமாக வளர்கிறது.
- முடியை வலுவாக்கும்: ஷிலாஜித் முடி வளர்ச்சிக்கு நல்லது. இதில் ஃபுல்விக் அமிலம், Vitamin A, B, C ஆகியவை உள்ளன. இவை முடியின் ஆரோக்கியத்தை மேம்படுத்தும். முடியை வலுவாகவும், பளபளப்பாகவும் மாற்றும்.
- நரைமுடியை குறைக்க: ஷிலாஜித் மன அழுத்தத்தை குறைக்கிறது. மன அழுத்தம் தான் முடி நரைப்பதற்கு முக்கிய காரணம். மேலும் இது மெலனின் உற்பத்தியை அதிகரிக்கிறது. மெலனின் தான் முடிக்கு உண்மையான நிறத்தை தருகிறது.
- இயற்கையான ஹேர் கண்டிஷனர்: தலைமுடிக்கு இயற்கையான கண்டிஷனராக வேலை செய்கிறது. இது முடியை பளபளப்பாகவும், வலிமையாகவும், அடர்த்தியாகவும் மாற்ற உதவுகிறது.
- முடிக்கு பாதுகாப்பு: சுற்றுச்சூழல் பாதிப்பிலிருந்து ஷிலாஜித் முடியை பாதுகாக்கிறது. சூரிய ஒளி, மாசு போன்ற மோசமான வானிலை பாதிப்புகளிலிருந்து இது காக்கிறது. முடிக்கு வலிமை, பளபளப்பான தோற்றம் மற்றும் நல்ல தரத்தையும் தருகிறது.
ஷிலாஜித் உள்ளுக்கு எடுப்பது பக்கவிளைவுகள் உண்டு செய்யுமா?
பொதுவாக ஷிலாஜித் சாப்பிடுவது பாதுகாப்பானது. ஆனால் சிலருக்கு ஒவ்வாமை இருக்கலாம். இதனால் செரிமானம் சரியில்லாமல் போவது, வயிறு உப்புசம், குமட்டல் பிரச்சனை வரலாம். அதிகமாக சாப்பிட்டால் தலைவலி, சோர்வு வரலாம். சில நேரங்களில் ரத்த அழுத்தம் குறையலாம். அதனால் ஷிலாஜித் சாப்பிடும் முன் மருத்துவரிடம் ஆலோசனை கேட்க வேண்டும்.
இறுதியாக:
ஷிலாஜித் உடல் ஆரோக்கியம் போன்று கூந்தல் ஆரோக்கியத்துக்கு எப்படி உதவுகிறது? அதை எப்படி பயன்படுத்துவது? அதன் நன்மைகள் என்ன? பக்கவிளைவுகள் என்னென்ன? என்பதை தெரிந்துகொண்டோம். ஷிலாஜித் உள்ளுக்கு எடுப்பதற்கு முன்பு மருத்துவரை அணுகி ஆலோசிப்பது பாதுகாப்பானது.
பொறுப்பு துறப்பு:
இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு ஜியோதிடம்360 பொறுப்பேற்காது.