நம்முடைய அன்றாட வாழ்க்கையில் பயன்படுத்தும் பல பொருட்களையும் மங்கலகரமான பொருட்களாக கருதுகிறோம். ஆனால், சில சமயங்களில் அவை கை தவறி கீழே விழுவது அபசகுனமாக கருதப்படுவது ஏன்? சகுன சாஸ்திரம் மற்றும் ஜோதிடம் இதுபற்றி என்ன சொல்கிறது என்று இக்கட்டுரையில் விரிவாகப் பார்ப்போம்.
சகுன சாஸ்திரத்தின் கண்ணோட்டம்
நாம் தினசரி வாழ்க்கையில் எத்தனையோ விதமான பொருட்களை பயன்படுத்துகிறோம். இவைகளில் பல பொருட்கள் இல்லை என்றால் நம்முடைய அன்றைய நாள் முழுமை பெறாது என்று கூட சொல்லலாம். பல பொருட்களின் ஆன்மிக முக்கியத்துவம் தெரியாமலேயே அவற்றை நாம் பயன்படுத்தி வருகிறோம். மிக சாதாரணமாக, கவனக்குறைவுடன் பயன்படுத்தும் போது சில பொருட்களை நாம் கைகளில் இருந்து கீழே தவற விட்டு விடுகிறோம். இப்படி தவறி விடும் பொருட்களில் சில நல்ல சகுனமாகவும், சில அபசகுனமாகவும் விளைவுகளை ஏற்படுத்துவதாக சகுன சாஸ்திரம் சொல்கிறது.
நம்முடைய வாழ்வில் எதிர்காலத்தில் நடக்கப் போகும் விஷயங்களை முன்கூட்டியே சில அறிகுறிகள் மூலம் எச்சரிப்பவை தான் சகுனங்கள். அந்த விஷயம் நல்லதாகவோ அல்லது கெட்டதாகவோ இருக்கலாம். சில பொருட்கள் கைகளில் இருந்து தவறுவது அபசகுனமாக கருதப்படுகிறது. இதனால் பல தீமைகளை நாம் சந்திக்க வேண்டி வரும். குறிப்பாக சில வெள்ளை நிற பொருட்கள் கைகளில் இருந்து தவறுவது கெட்ட சகுனமாகும். இது உங்களுடைய வாழ்க்கையில் கெட்டது நடக்கப் போவதை, நெருக்கடியான காலம் வரப் போவதை காட்டுவதாகும். அதனால் வெள்ளை நிறப் பொருட்களை பயன்படுத்தும் போதும் மிகவும் கவனமாக இருப்பதுடன், இவற்றை ஒரு போதும் தவற விட்டு விடக் கூடாது என சகுன சாஸ்திரம் சொல்கிறது. ஒருவேளை அவைகள் தவறி விட்டால் வீட்டில் சண்டை, வறுமை, பொருளாதார இழப்பு போன்றவற்றை சந்திக்க நேரிடும் என சொல்லப்படுகிறது. அப்படி எந்தெந்த வெள்ளை பொருட்களை எல்லாம் தவற விட்டால் என்ன அர்த்தம் என்பதை இங்கு தெரிந்து கொள்ளலாம்.
கையில் இருந்து தவறி விழும் முக்கிய பொருட்கள் மற்றும் பலன்கள்
பால்
சகுன சாஸ்திரப்படி, பாலை சிந்துவதும், கை தவறி கொட்டுவதும் அபசகுனமாகும். பால் பாத்திரம் கையில் இருந்து தவறினால் அவர்களின் குழந்தைகள் வாழ்க்கையில் பெரிய கஷ்டத்தை சந்திக்கப் போகிறார்கள் என்று அர்த்தம். அதே போல் அடுப்பில் காய வைத்த பால் பாத்திரம் கீழே விழுவது, சாய்ந்து கொட்டுவது ஆகியனவும் கெட்ட சகுனங்களாகும்.
அரிசி
அரிசி, மகாலட்சுமியின் அம்சமாக கருதப்படும் பொருட்களில் ஒன்று. இது கொட்டுவது மிகவும் அபசகுனமாகும். அரிசி மிகவும் புனிதமான பொருளாகும். இந்து மதத்தில் மட்டுமின்றி மற்ற மதங்களிலும் அரிசி புனிதமான பொருளாக கருதப்படுகிறது. இது வழிபாட்டின் போது அட்சதையாக பயன்படுத்தப்படும் பொருளாகும். கையில் இருந்து அரிசி பானை அல்லது அரிசி பாத்திரம் தவறினால் ஏதோ கெட்ட செய்தி வரப் போகிறது என்று அர்த்தம்.
உப்பு
சகுன சாஸ்திரப்படி மட்டுமின்றி, ஜோதிட சாஸ்திரப்படியும் உப்பு கீழே கொட்டுவது அபசகுனமாகும். உப்பு கீழே கொட்டினால் அந்த நபரின் வாழ்க்கையில் மிகப் பெரிய பொருளாதார நெருக்கடியும், அதன் மூலம் மிகப் பெரிய இழப்பையும் சந்திக்க உள்ளதாக அர்த்தம். அது மட்டுமல்ல வீட்டிலும், வெளியிலும் பல பிரச்சனைகளை சந்திக்கப் போகிறார் என்று அர்த்தம். அதனால் அவர்களின் நிம்மதி கெடும் என்றும் அர்த்தம்.
தேங்காய்
இந்து மதத்தில் தேங்காய் இல்லாமல் வழிபாடு மற்றும் மங்கள காரியங்களும் நடக்காது. மங்கலகரமான நிகழ்வுகள் அனைத்திலும் தேங்காய் பயன்படுத்தப்படும். அப்படிப்பட்ட தேங்காய் கைகளில் இருந்து தவறுவது மிகவும் கெட்ட சகுனமாகும். அதுவும் பிரசாதமாக கொடுக்கப்படும் தேங்காய் கை தவறி கீழே விழுவது மிகவும் கெட்ட சகுனமாகும். இதனால் அந்த நபருக்கு சில கெட்ட விஷயங்கள் நடக்கப் போகிறது என்று அர்த்தம்.
வெள்ளை எள்
எள் என்பதும் மத வழிபாடுகள், விசேஷங்களில் பயன்படுத்தப்படும் மிக முக்கியமான பொருளாகும். எள், முன்னோர்களுக்கு படைக்கப்படும் பொருளாகும். எள் கையில் இருந்து தவறினால் அவர்கள் வாழ்க்கையில் இருக்கும் நல்ல விஷயங்கள் குறையத் துவங்கும். வாழ்க்கையில் பல பிரச்சனைகளை சந்திக்க வேண்டி வரும்.
முக்கிய அம்சங்கள்
- சில பொருட்கள் கையில் இருந்து தவறுவது அபசகுனம் என சகுன சாஸ்திரம் கூறுகிறது.
- பால், அரிசி, உப்பு, தேங்காய், வெள்ளை எள் ஆகியவை அபசகுனப் பொருட்களாகக் கருதப்படுகின்றன.
- இவற்றைக் கவனக்குறைவாகக் கையாள்வது பொருளாதார இழப்பு, குடும்பச் சண்டை, நிம்மதியின்மை போன்ற விளைவுகளை ஏற்படுத்தலாம்.
- வெள்ளை நிறப் பொருட்களைக் கையாளும் போது கூடுதல் கவனம் தேவை.
- இந்த சகுனங்கள் எதிர்கால நிகழ்வுகளை முன்கூட்டியே எச்சரிக்கின்றன.