நவராத்திரியின் ஆறாம் நாள் மகாலட்சுமியையும், சண்டிகா தேவியையும் வழிபடுவதற்கு உரிய மிக விசேஷமான நாளாகும். இந்த நாளில் செய்ய வேண்டிய வழிபாட்டு முறைகள், மந்திரங்கள், நைவேத்தியங்கள் மற்றும் அதன் பலன்கள் குறித்து ஜோதிடம் 360 வழியே விரிவாக காண்போம். இந்த தமிழ் வழிபாடு அனைத்து விதமான செல்வங்களையும் பெறவும், தரித்திரியங்களை நீக்கவும் துணைபுரியும்.
நவராத்திரியின் ஆறாம் நாள் முக்கியத்துவம்
நவராத்திரியின் 6 ஆம் நாள் என்பது மகாலட்சுமியை வழிபடக் கூடிய நிறைவான நாளாகும். இதற்கு பிறகு வரும் நவராத்திரியின் கடைசி மூன்று நாட்களிலும் நாம் கலைமகளான சரஸ்வதி தேவியை வழிபட வேண்டும். இந்த நாளில் கன்னிகா பூஜை செய்வது மிகவும் விசேஷமானதாகும். இது அம்பிகையை நம்முடைய வீட்டை தேடி வரவழைக்கும் அற்புதமான வழிபாடாகும். அனைத்து விதமான செல்வங்களையும் பெறுவதற்கான மிக முக்கியமான நாளாக இந்த நாள் கருதப்படுகிறது. இந்த தனித்துவமான வழிபாடு, வாழ்வில் நிலைத்திருக்கும் நன்மைகளையும், விசேஷ பலன்களையும் தர வல்லது.
அம்பிகையை 7 வயதிற்கு உட்பட்ட பெண் குழந்தையின் வடிவமாக கருதி வழிபாடு செய்ய வேண்டும்.
சண்டிகா தேவியின் ரூபம் மற்றும் அருள்கள்
இந்த நாளில் அம்பாள், சண்டிகா தேவி என்னும் உக்கிர ரூபத்துடன் காட்சி அளிக்கிறாள். இவள் குழந்தை மனம் கொண்டவள் என சொல்லப்பட்டாலும், போர் குணம் கொண்டவள். பக்தர்களுக்கு வருகிற பிரச்சனைகளை தீர்க்க கோபமாக வரக்கூடிய ரூபமாக இந்த சண்டிகா தேவி விளங்குகிறாள். ஹோமங்களில் சண்டி ஹோமம் மிகவும் சக்தி வாய்ந்த ஹோமமாக கருதப்படுகிறது. இந்த ஹோமத்தின் நாயகியாக இவளே கருதப்படுகிறாள்.
இந்த தேவியை நாம் வழிபடும் போது ஜென்மங்களாக தொடரும் சாபங்களும், பாவங்களும் தொலைகிறது. பொதுவாக சாபங்கள் 13 வகைகளாக சொல்லப்படுகிறது. அதோடு தொடர்ந்து வரக் கூடிய பய உணர்வையும் அம்பாள் போக்குகிறாள். தொடர்ந்து தலைமுறை, தலைமுறையாக தொடரும் தரித்திரித்தியத்தையும் போக்கக் கூடியவள் இந்த சண்டிகா தேவி. மகாலட்சுமியின் ரூபமாக பார்க்கப்படுவதால் சண்டிகா தேவிக்கும் தரித்திரியங்களை போக்கும் குணமுண்டு.
நவராத்திரி 6 ஆம் நாள் வழிபாட்டு அம்சங்கள்
நவராத்திரியின் 6 ஆம் நாளில் அம்பிகையை எப்படி வழிபட வேண்டும், என்ன அலங்காரத்தில், என்ன மலர் மற்றும் நைவேத்தியம் படைத்து வழிபட வேண்டும் என்பதை தெரிந்து கொள்ளுங்கள்.
- அம்மனின் வடிவம்: சண்டிகா தேவி
- கோலம்: கடலை மாவால் தேவியின் நாமத்தை கோலமிட வேண்டும்
- மலர்: செம்பருத்தி
- இலை: சந்தன இலை
- நைவேத்தியம்: தேங்காய் சாதம்
- சுண்டல்: பச்சை பயிறு சுண்டல்
- பழம்: நார்த்தம்/ ஆரஞ்சு
- ராகம்: நீலாம்பரி
- நிறம்: கிளிப் பச்சை
நவராத்திரியின் 6 ஆம் நாள் மந்திரங்கள்
சண்டிகா தேவியின் அருளைப் பெற கீழ்க்கண்ட மந்திரங்களை நவராத்திரியின் ஆறாம் நாளில் மனம் உருக ஜெபிக்கலாம். இவை உங்கள் ஜோதிட ரீதியான தடைகளையும் நீக்கும்.
மூல மந்திரம்:
ஓம் ஹ்ரீம் ஸ்ரீம் க்லீம் ஸர்வ பூஜ்ய தேவி மங்கள சண்டிகே ஹும், ஹும், பட் ஸ்வாஹா
காயத்ரி மந்திரம்:
"ஓம் சண்டிகாயை வித்மகே துர்காயை தீமஹி தந்நோ தேவி ப்ரசோதயாத்"