சருமப் பராமரிப்பு: மாதாந்திர பார்லர் க்ளீன்அப் அவசியமா?

பார்லர் ஃபேஷியல் க்ளீன்அப் என்பது என்ன?

பார்லரில் செய்யக்கூடிய ஃபேஷியல் க்ளீன்-அப் என்பது நம்முடைய ஸ்கின்னில் இருக்கக்கூடிய அழுக்குகள், மாசுக்கள், இறந்த செல்கள், பிளாக்ஹெட்ஸ் ஆகியவற்றை நீக்கும். அதோடு சருமத்தில் இருக்கிற அதிகப்படியான எண்ணெய்ப் பசையையும் அது நீக்கி சருமத்தை பொலிவாகவும் புத்துணர்ச்சியாகவும் மாற்றக் கூடியது. சருமத்தின் ஆரோக்கியத்தைப் பேணுவதில் இது ஒரு முக்கியமான படிநிலையாகும்.

மாதாந்திர க்ளீன்அப் பாதுகாப்பானதா?

ஆம், சருமத்தை போட்டு அழுத்தி, பாதிப்பு ஏற்படும் வகையில் ஸ்கிரப் செய்யாமல், சருமத்தை சிரமப்படுத்தாமல் மென்மையான க்ளீன் அப் செய்வது நல்லது தான். அதிலும் மாதம் ஒரு முறையாவது செய்வது மிக மிக நல்லது. அதேசமயம் க்ளீன்-அப் செய்தவுடனே உங்கள் சருமம் க்ளோ ஆக மாறிவிடாது. அதற்கு பிறகு நீங்கள் செய்யும் சருமப் பராமரிப்பை பொறுத்தே அது மாறும். தொடர்ச்சியான மற்றும் சரியான பராமரிப்பு ஒரு அழகான சருமத்திற்கு மிக அவசியம்.

ஏன் மாதத்திற்கு ஒருமுறை?

மாதத்திற்கு ஒருமுறையாவது ஏன் இந்த க்ளீன்-அப் செய்ய வேண்டும் என்றால் அதற்கும் சில காரணங்கள் இருக்கின்றன. நம்முடைய சருமம் இயற்கையாகவே 28-30 நாட்களுக்குள் இறந்த செல்களை நீக்கவும் புதிய செல்களை உற்பத்தி செய்து, சருமத்தின் ரத்த ஓட்டத்தை அதிகரிக்கவும் முயற்சித்துக் கொண்டிருக்கும். அந்த சமயத்தில் நாம் இந்த க்ளீன்அப்பை செய்யும்போது மிக எளிதாகவே இறந்த செல்கள் நீங்கி விடும். சருமத்திற்கு அதிக தொந்தரவு தர வேண்டிய தேவையும் இருக்காது. இது சருமத்தின் இயற்கையான சுழற்சிக்கு உதவுவதோடு, புத்துணர்ச்சியையும் அளிக்கிறது.

யார் இந்த க்ளீன் அப்பை தவிர்க்க வேண்டும்?

எந்த வகை சருமமாக இருந்தாலும் அடிக்கடி க்ளீன்-அப் செய்வதைத் தவிர்த்தே ஆக வேண்டும். அதுதவிர, குறிப்பிட்ட சரும பிரச்சனைகள் உள்ளவர்கள் இதை கவனமாக அணுக வேண்டும்:

• அடிக்கடி பருக்கள் வருகின்ற ஆயில் ஸ்கின் (Oily Skin) மற்றும் acne-prone ஸ்கின் உள்ளவர்கள் இந்த க்ளீன் அப்பை அடிக்கடி செய்யக் கூடாது. இது இன்னும் பருக்களை மோசமாக்கி விடலாம்.
• ஏதேனும் ஸ்கின் ட்ரீட்மெண்ட் எடுத்துக் கொண்டு இருப்பவர்கள், மருத்துவரின் ஆலோசனை இல்லாமல் இதைத் தவிர்க்க வேண்டும்.
• வறண்ட சருமம் கொண்டவர்கள் (Dry Skin) இந்த க்ளீன்அப் அதிகமாக செய்யக்கூடாது. அது சருமத்தை இன்னும் அதிகமாக பாதிக்கும்.

பாதுகாப்பான முறையில் க்ளீன்அப் செய்ய டிப்ஸ்

நீங்கள் எந்தவித சரும பாதிப்பும் ஏற்படாத வகையில் க்ளீன்அப் செய்ய வேண்டும் என்று நினைத்தால் அதற்கு கீழ்வரும் சில வழிமுறைகளைப் பின்பற்றுங்கள்:

• நீங்கள் செல்லும் பார்லர் மற்றும் க்ளீன்-அப் செய்பவர் முறையான அனுபவம் கொண்டவராக இருக்க வேண்டும்.
• க்ளீன்அப் செய்ய பயன்படுத்தும் பொருள்கள் தரமானதாகவும் உங்கள் ஸ்கின் டைப்புக்கு ஏற்றதாகவும் இருக்கிறதா என்று சரிபார்க்க வேண்டியது முக்கியம்.
• சருமத்தை ஹைட்ரேட்டிங்காக வைத்திருக்கத் தவறக் கூடாது.
• க்ளீன்அப் செய்து முடித்தபின் மாய்ஸ்சரைஸர் மற்றும் சன் ஸ்க்ரீன் அப்ளை செய்ய மறக்கக் கூடாது.
• இறுதியாக, மிக கவனமாகவும் சரியான பாதுகாப்பு முறையோடும் ஸ்கின் க்ளீன்-அப் செய்தால் மாதம் ஒருமுறை செய்வது மிக பாதுகாப்பானது தான். ஆனால் அது மட்டும் சருமத்திற்கு போதுமான பராமரிப்பு அல்ல. அதற்கு முன்பும் பின்பும் சரியான பராமரிப்பு அவசியம்.

அடிக்கடி கேட்கப்படும் கேள்விகள்