பெண்கள் கை, கால், அக்குள் உள்ளிட்ட பகுதிகளில் முடிகள் இருப்பதை விரும்புவதில்லை. வழவழப்பாக இருப்பதையே விரும்புகிறார்கள். அதற்கு க்ரீம்கள், ரேசர் பயன்படுத்துவது, வேக்ஸிங் போன்றவற்றின் மூலம் முடியை நீக்கிக் கொண்டு இருந்தார்கள். ஆனால் அது முடியின் வளர்ச்சியை அதிகப்படுத்தும். சில நாட்களிலேயே மீண்டும் முளைத்துவிடும். அதனால் தான் தற்போது லேசர் முறையில் நிரந்தரமாக முடியை நீக்கும் சிகிச்சை எடுத்துக் கொள்கிறார்கள்.
லேசர் ஹேர் ரிமூவல் என்றால் என்ன?
லேசர் முறையில் உடலில் உள்ள தேவையற்ற முடிகளை நீக்கும் முறை தான் இந்த லேசர் ஹேர் ரிமூவல் சிகிச்சை. லேசர் லைட் மூலம் முடிகள் உள்ள வேர்க்கால் துளைகளுக்குள் சென்று ஊடுருவி அவற்றின் வளர்ச்சியை அடியோடு அழிக்கும் வேலையைச் செய்வது. அந்த கருமையையும் லேசர் லைட் மறையச் செய்யும். மீண்டும் வேர்க்கால்களில் இருந்து முடி வளராமல் தடுக்கும்.
இந்த லேசர் லைட்டுகள் சருமத்தில் 600 - 1200 நானோமீட்டர் அளவுகளில் செலுத்தப்படுகிறது. அதேபோல ஒரே முறையில் இந்த சிகிச்சை முடிந்து விடாது. உங்கள் சருமத்தில் உள்ள முடியின் தன்மை, வளர்ச்சி வேகம், அளவு ஆகியவற்றைப் பொருத்து 6-8 இடைவெளிகளில் வரச் சொல்வார்கள்.
லேசர் ஹேர் ரிமூவல் செய்வதற்கு எப்படி தயார் ஆவது?
முதல் நாள் ஷேவ் செய்வது
லேசர் ஹேர் ரிமூவல் செய்வதற்கு முதல் நாள் அந்த இடங்களை ரேசர் கொண்டு ஷேவ் செய்வது நல்லது. அப்போது தான் சிகிச்சையின் போது லேசர் லைட்டுகள் முடியின் துளைகளுக்குள் தடையில்லாமல் வேகமாக ஊடுருவும். ஆனால் ஒரு நாளைக்கு முன்பே செய்ய வேண்டுமே தவிர, 1-2 மணி நேரத்திற்கு முன்பாகவெல்லாம் செய்யக் கூடாது.
சூரிய ஒளி படுதல்
லேசர் ஹேர் ரிமூவல் செய்வதற்கு முன்பாக சருமம் சூரிய ஒளியில் நேரடியாக படும்படி வெளியில் செல்லக்கூடாது. கிட்டதட்ட 10-15 நாட்களுக்கு முன்பிருந்தே சூரிய ஒளியில் வெளியில் செல்வதைத் தவிர்க்க வேண்டும். ஏனெனில் இது சிகிச்சையின் போதும் அதற்கு முன்பாகவும் சருமத்தில் எரிச்சல் மற்றும் பிக்மண்டேஷனை அதிகரிக்கும். எப்போதும் SPF கொண்ட சன் ஸ்க்ரீன்கள் அப்ளை செய்து கொண்டு தான் வெளியில் செல்ல வேண்டும்.
மற்ற ஹேர் ரிமூவல் முறைகள்
லேசர் ஹேர் ரிமூவல் செய்து கொள்வதற்கு 4 வாரங்களுக்கு முன்பிருந்தே அந்த பகுதிகளில் வேக்ஸிங், திரட்டிங் போன்ற மற்ற ஹேர் ரிமூவல் முறைகளைச் செய்யக் கூடாது. இந்த முறைகள் முடியின் வேர்க்கால்களை பாதிக்கும். அதனால் லேசர் செய்யும்போது அது எவற்றை டார்க்கெட் செய்கிறதோ அதை செய்ய முடியாமல் போகும்.
சரும பராமரிப்பு பொருள்கள் பயன்படுத்துல்
என்றைக்கு நீங்கள் லேசர் ஹேர் ரிமூவல் செய்து கொள்கிறீர்களோ அன்றைக்கு ஸ்கின்னுக்கு எந்தவித சரும பராமரிப்பு பொருள்களும் பயன்படுத்தக் கூடாது. குறிப்பாக பாடி லோஷன், க்ரீம்கள், பர்ஃப்பியூம், டியோடரண்ட் ஆகியவற்றைப் பயன்படுத்தக் கூடாது.
மருந்துகள் எடுத்துக் கொண்டிருந்தால்...
நீங்கள் சமீபத்தில் ஏதேனும் சிகிச்சை எடுத்து இருந்தாலோ உடலில் உள்ள பிரச்சினைகளுக்காக மருந்துகள் எடுத்துக் கொண்டிருந்தாலோ அந்த பிரச்சினை, அதற்கு எடுக்கும் சிகிச்சை மற்றும் மருந்துகள் குறித்த முழு விவரத்தை உங்களுடைய டெர்மடாலஜிஸ்ட் மருத்துவரிடம் கட்டாயம் தெரிவிக்க வேண்டும். ஏனெினல் சில வகை மருந்துகள், ஆன்டி பயாடிக்ஸ், ரெட்டினாய்டு போன்றவை உங்கள் சருமத்தை லைட் ஊடுருவாமல் இன்னும் சென்சிடிவ் ஆகிவிடும். அதன் விளைவாக சருமத்தில் கடும் எரிச்சல், கொப்புளங்கள், பிக்மண்டேஷன் உள்ளிட்ட சில பக்க விளைவுகள் ஏற்படலாம்.
ப்ளீச்சிங் செய்தல்
லேசர் ஹேர் ரிமூவல் செய்வதாக இருந்தால் அதற்கு சில வாரங்களுக்கு முன்பிருந்தே ஸ்கின்னை ப்ளீச்சிங் செய்யக் கூடாது. அப்படி ப்ளீச் செய்யும்போது ஸ்கின்னில் உள்ள முடிகள் நிறம் மங்கும். லேசர் சிகிச்சையின் போது அது முடியிலும் அதன் வேர்க்கால்களிலும் உள்ள நிறத்தையும் சேர்த்தே டார்கெட் செய்யும். ப்ளீச்சிங் செய்திருக்கும் போது லேசர் சிகிச்சையின் பலன் முழுவதுமாக உங்களுக்குக் கிடைக்காது.
தளர்வான ஆடைகள் அணிதல்
லேசர் ஹேர் ரிமூவலுக்கு முன்பும் சரி, பின்பும் சரி நீங்கள் தளர்வான, மென்மையான ஆடைகளையே அணிய வேண்டும். இறுக்கமான ஆடைகளுக்கு பெரிய நோ சொல்லுங்கள். இல்லையென்றால் சிகிச்சைக்கு பின் அது உங்கள் சருமத்தை அதிகமாகப் பாதிக்கக்கூடும். அதிலும் குறிப்பாக சென்சிடிவ்வான பகுதிகள் மற்றும் அந்தரங்கப் பகுதிகளில் தளர்வான, மென்மையான ஆடைகளையே அணிய வேண்டும்.
லேசர் ஹேர் ரிமூவலுக்குப் பின் எப்படி சருமத்தை பராமரிக்க வேண்டும்?
லேசர் ஹேர் ரிமூவல் செய்வதற்கு முன்பு மட்டும் சருமத்தைப் பராமரித்து வந்தால் போதாது. சிகிச்சைக்கு பின்பும் சரியான பராமரிப்பு அவசியம். சிகிச்சைப் பிறகு லேசாக சருமம் சிவந்து போதல், எரிச்சல் ஆகிய பொதுவான சில பக்க விளைவுகள் ஏற்படும்.
- மிக மெல்லிய, மென்மையான சுத்தமான ஆடைகளை அணிய வேண்டும்.
- ஐஸ் ஒத்தடம் கொடுப்பது நல்லது. அது சரும எரிச்சலைக் குறைக்கும். அதையும் சருமத்தில் நேரடியாக தரக்கூடாது. சருமத்தின் மேல் ஒரு டவலை சுற்றிக் கொண்டு அதன் மேல் ஐஸ் பேக் வைக்க வேண்டும்.
- ஃப்ரஷ்ஷான அல்லது பிளேவர்கள் சேர்க்காத கற்றாழை ஜெல் அப்ளை செய்யலாம். அதிலுள்ள ஆன்டி இன்ஃபிளமேட்டரி பண்புகள் சருமத்தில் தொற்றுகள் ஏற்படாமல் தடுக்கும்.
- சிகிச்சைக்குப் பின் ஒரு வாரம் அல்லது 10 நாட்களுக்கு நேரடியாக சூரிய ஒளி சருமத்தில் படும்படி வெளியில் வராதீர்கள். முழு உடலையும் மறைக்கும்படி ஆடைகள் அணியுங்கள். சன் ஸ்க்ரீன் அப்ளை செய்யுங்கள்.
- ஒரு வாரம் உடற்பயிற்சி செய்யக் கூடாது.
- குறைந்தது 2-3 நாட்களுக்கு வெந்நீரில் குளிக்காதீர்கள். குளிர்ந்த நீரில் தான் குளிக்க வேண்டும்.
இறுதியாக, மேற்கண்ட விஷயங்களைப் பின்பற்றும்போது லேசர் ஹேர் ரிமூவலின் முழு பயனும் கிடைக்கும். பக்க விளைவுகள் இல்லாமலும் பார்த்துக் கொள்ளலாம். இந்த கட்டுரை தகவல் நோக்கங்களுக்காகவே. இதன் உண்மைத் தன்மை செயல்திறன் மற்றும் துல்லியம் ஆகியவற்றுக்கு தமிழ் சமயம் பொறுப்பேற்காது.