நவீன மருத்துவம் முடி வளர்ச்சிக்கு ஹேர் ஆயில், ஹேர் பேக்குகளை மறுத்தாலும், பாரம்பரிய வழிகளைப் பின்பற்றுவது தொடர்கிறது. கொரியப் பெண்களும் இயற்கையான ஹோம்மேட் தயாரிப்புகளுக்கே முக்கியத்துவம் தருகிறார்கள். அப்படியான ஒரு அதிசய ஹேர்பேக் தான் க்ரீன் டீ மற்றும் ஜின்செங் கொண்ட இந்த பேக். வாங்க, இதை எப்படித் தயார் செய்வது, பயன்படுத்துவது என்று பார்க்கலாம்.
முடி வளர்ச்சிக்கு கொரியன் க்ரீன் டீ ஜின்செங் ஹேர்பேக்: தயாரிக்கும் முறை
காலங்காலமாகப் பின்பற்றப்படும் இயற்கையான கூந்தல் பராமரிப்பு முறைகளில், கொரியப் பெண்கள் அதிகம் பயன்படுத்தும் ஒரு ஹேர்பேக்கை நாமும் தயாரித்துப் பயன்படுத்தலாம். இந்த சத்தான ஹேர்பேக் உங்கள் முடி வளர்ச்சிக்கும், கூந்தல் ஆரோக்கியத்திற்கும் உறுதுணையாக இருக்கும். தேவையான பொருட்கள் மற்றும் செய்முறை இங்கே:
தேவையான பொருட்கள்:
- க்ரீன் டீ இலைகள் - 2 ஸ்பூன்
- ஜின்செங்க் பொடி (தண்ணீர்விட்டான் கிழங்கு பொடி) - 3 ஸ்பூன்
- தேங்காய் எண்ணெய் - 1 ஸ்பூன்
- ஆலிவ் ஆயில் - 1 ஸ்பூன்
- தேன் - 1 ஸ்பூன்
- ரைஸ் வாட்டர் (கஞ்சி தண்ணீர்) - 1 ஸ்பூன்
செய்முறை:
- க்ரீன் டீ எக்ஸ்ட்ராக்ட் தயாரித்தல்300 மில்லி தண்ணீரில் 2 ஸ்பூன் க்ரீன் டீ இலைகளைச் சேர்த்து 5 நிமிடங்கள் கொதிக்க விடவும். பின்னர் மூடி வைத்து 10-15 நிமிடங்கள் ஆற விடவும். முழு எசன்ஸ் இறங்கியதும் வடிகட்டி தனியே வைத்துக் கொள்ளவும்.
- ஹேர்பேக் கலவைஒரு அகலமான பௌலில் வடிகட்டிய க்ரீன் டீ எக்ஸ்ட்ராக்டைச் சேர்த்துக் கொள்ளவும். அதனுடன் ஜின்செங் பொடி, தேங்காய் எண்ணெய், ஆலிவ் ஆயில், தேன் மற்றும் ரைஸ் வாட்டர் சேர்த்து நன்கு கட்டிகள் இல்லாமல் கலக்கவும்.
ஹேர்பேக்கை பயன்படுத்தும் முறை
- முடி சுத்தமாக, எண்ணெய் பிசுபிசுப்பு இல்லாமல் இருக்க வேண்டும்.
- ஹேர்பேக்கை உச்சந்தலை முதல் முடி நுனி வரை நன்கு அப்ளை செய்யவும்.
- உச்சந்தலை மற்றும் வேர்க்கால்களில் மெதுவாக மசாஜ் செய்யவும்.
- 30 முதல் 45 நிமிடங்கள் வரை தலையில் ஊற விடவும்.
தலையை அலசும் முறை
45 நிமிடங்கள் கழித்து, வெதுவெதுப்பான நீர் கொண்டு தலையை அலசவும். ஹேர்பேக்கில் எண்ணெய் வகைகள் உள்ளதால், வழக்கமாகப் பயன்படுத்தும் ஷாம்பூவை உபயோகித்து நன்கு அலசி, எண்ணெய் பிசுபிசுப்பு இல்லாமல் பார்த்துக் கொள்ளுங்கள்.
உங்கள் விருப்பப்படி ஹேர்பேக்கை மேம்படுத்தலாம்
இந்த ஹேர்பேக்குடன் உங்களுக்குப் பிடித்த எசன்ஷியல் ஆயில் (லாவெண்டர், ரோஸ்மேரி) அல்லது கீழ்க்கண்ட மூலிகைப் பொடிகளைச் சேர்த்து கூந்தல் ஆரோக்கியத்தை மேலும் மேம்படுத்தலாம்:
- அதிமதுரம்
- செம்பருத்தி
- நெல்லிக்காய்
- கறிவேப்பிலை
குறிப்பு: இந்த ஹேர்பேக் எளிதில் தயாரிக்கக்கூடியது. அப்ளை செய்ய நினைக்கும் போது உடனே தயார் செய்து பயன்படுத்தலாம்.
பொறுப்பு துறப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு Jothidam360 பொறுப்பாகாது.