இந்திர ஏகாதசி: பித்ரு பட்சத்தின் மகத்துவம்

இந்திர ஏகாதசி மற்றும் பித்ரு பட்சத்தின் சிறப்பு

பித்ரு பட்சம் என்பது முன்னோர்கள் பித்ருலோகத்தில் இருந்து பூமிக்கு வரும் காலம் என்பதால், அவர்களின் ஆசிகளை பெறுவதற்குரிய மிக முக்கியமான காலமாக இது கருதப்படுகிறது. பித்ரு பட்சத்தில் செய்யப்படும் தர்ப்பணம், சிரார்த்தம், தானங்கள் ஆகியவை நம்முடைய முன்னோர்களின் ஆன்மாக்களை திருப்தி அடைய செய்யும் என நம்பப்படுகிறது. அவர்களின் ஆசி கிடைப்பதால் வீட்டில் எப்போதும் மகிழ்ச்சி, செல்வ வளம், அதிர்ஷ்டம் நிறைந்திருக்கும். தடைகள் விலகும் என்பது நம்பிக்கை.

இந்த ஆண்டு செப்டம்பர் 07 ஆம் தேதி மகாளய பட்சம் துவங்கியது. செப்டம்பர் 21 ஆம் தேதி மகாளய அமாவாசை வந்தது. மகாளய பட்ச காலத்தில் வரும் ஏகாதசி மிக மிக முக்கியமானதாகும். இதற்கு இந்திர ஏகாதசி என்று பெயர். கடந்த செப்டம்பர் 17 ஆம் தேதி இந்திர ஏகாதசி வந்தது. இது பெருமாள் வழிபாட்டிற்குரிய புரட்டாசி மாதத்தின் துவக்க நாளிலேயே வருவது மிக மிக சிறப்பானதாகும். இந்த நாளில் புனித நீராடி, பெருமாளையும் மகாலட்சுமியையும் வழிபடுவதுடன், தர்ப்பணம் கொடுப்பதால் பித்ருக்களுக்கு மோட்சம் கிடைக்கும் என்பது நம்பிக்கை. அதே போல் இந்த நாளில் ஒருவர் செய்யும் வழிபாடு அவரை முழுவதுமாக பித்ரு தோஷத்தில் இருந்து விடுவிக்கும்.

பித்ரு பட்சத்தில் வரும் ஏகாதசி அன்று விரதம் இருந்தால் ஒருவர் முந்தைய பிறவிகளில் செய்த அனைத்து பாவங்களும் நீங்கி, மோட்சத்தை அடைவதற்கான பாதையை எளிதில் அடைய முடியும். புராணங்களின் படி, இந்திர ஏகாதசியில் விரதம் இருப்பது என்பது நம்முடைய இந்த பிறவியில் மட்டுமல்ல, நம்முடைய இறப்பிற்கு பிறகும் கூட பலன் தரும். இந்திர ஏகாதசி அன்று விரதம் இருந்து, பித்ருக்களுக்கு தர்ப்பணம் கொடுப்பதால் விரதம் இருப்பவரின் பாவங்கள் மட்டுமல்ல அவரின் முன்னோர்கள் செய்த பாவங்களும் நீங்கி, நற்கதியை பெற முடியும்.

இந்திர ஏகாதசி என்பது புரட்டாசி மாத தேய்பிறையில் வரக் கூடிய ஏகாதசி ஆகும். இந்த ஏகாதசி அன்று விரதம் இருந்து வழிபட்டால் யமலோகத்தில் துன்பத்தை அனுபவித்துக் கொண்டிருக்கும் நம்முடைய முன்னோர்களும் கூட அதிலிருந்து விடுபட்டு, பித்ருலோகத்தில் சுகமான வாழ்வை வாழ்வார்கள் என சொல்லப்படுகிறது.

அடிக்கடி கேட்கப்படும் கேள்விகள்