உச்சந்தலை அழற்சியை இயற்கையாக தடுப்பது எப்படி? 5 வீட்டு வைத்தியங்கள்

1. சோற்றுக்கற்றாழை (Aloe Vera)

கற்றாழை இனிமையான அழற்சி எதிர்ப்பு பண்புகளை கொண்டது. வீக்கமடைந்த உச்சந்தலையில் அற்புதமான மாற்றங்களை செய்கிறது. கடைகளில் கிடைக்கும் ஜெல்லை விட, வீட்டில் தயாரிக்கப்படும் கற்றாழை ஜெல் மிகவும் இயற்கையானது.

பயன்படுத்தும் முறை:

• கற்றாழையின் மடல்களிலிருந்து ஜெல்லை மட்டும் தனியாக எடுக்கவும்.
• இந்த ஜெல்லை உச்சந்தலையில் ஹேர் மாஸ்க் போல நன்றாக தடவவும்.
• 30 நிமிடங்கள் கழித்து, சல்பேட் இல்லாத ஷாம்பு மற்றும் கண்டிஷனர் கொண்டு உச்சந்தலையை சுத்தம் செய்யவும்.
• வாரம் ஒரு முறை இதை செய்வதன் மூலம் உச்சந்தலை ஆரோக்கியத்தை பாதுகாக்கலாம்.

2. வெங்காயம் மற்றும் கருஞ்சீரக விதை எண்ணெய்

வெங்காயம் மற்றும் கருஞ்சீரக எண்ணெய் இரண்டும் தனித்தனியாகவே கூந்தல் வளர்ச்சிக்கு உதவக்கூடியவை. உச்சந்தலையில் அழற்சி இருக்கும் போது வீக்கம், சிவப்பு தடிப்பு போன்றவை இருந்தால் இந்த கலவை சிறந்த தேர்வு.

• வெங்காயம் உச்சந்தலை தொற்றை தடுக்கிறது, மேலும் இதில் உள்ள பூஞ்சை எதிர்ப்பு பண்புகளுடன் கந்தகம் நிறைந்துள்ளதால் முடி பிளவு அடைவதை தடுத்து வளர்ச்சியை மேம்படுத்துகிறது.
• கருஞ்சீரக விதை எண்ணெய் முடி வளர்ச்சியை ஊக்குவித்து, முடி இழைகளை வலுப்படுத்தி, உச்சந்தலை பிரச்சனைகளை சரிசெய்ய உதவுகிறது.

பயன்படுத்தும் முறை:

வெங்காயச்சாறுடன் கருஞ்சீரக விதை எண்ணெய் சேர்த்து உச்சந்தலையில் நன்றாக தேய்த்து பயன்படுத்துவது நன்மை அளிக்கும்.

3. விளக்கெண்ணெய் (Castor Oil)

விளக்கெண்ணெய் எளிதாக கிடைக்கும் ஒரு இயற்கை வைத்தியம். இயற்கையான தரமான விளக்கெண்ணெயுடன் கெரியர் எண்ணெய் (carrier oil) சேர்த்து கலந்து உச்சந்தலையை மசாஜ் செய்யவும். தலைக்குளியலின் போது அல்லது வாரம் இரண்டு முறை மசாஜ் செய்யலாம்.

• இது உச்சந்தலையை ஈரப்பதமாக வைத்து அழற்சியை தடுக்கிறது.
• இரத்த ஓட்டத்தை மேம்படுத்தி மயிர்க்கால்களுக்கு ஊட்டச்சத்துக்கள் மற்றும் ஆக்ஸிஜன் அளித்து உச்சந்தலை சேதமாவதை தடுக்கிறது.

பயன்படுத்தும் முறை:

• உங்கள் முடியின் தன்மைக்கேற்ப 2-3 டீஸ்பூன் விளக்கெண்ணெய் எடுத்து மென்மையாக மசாஜ் செய்யுங்கள்.
• இது அடர்த்தி மற்றும் பிசுபிசுப்பு தன்மை கொண்டது என்பதால், மசாஜ் செய்த பிறகு வெதுவெதுப்பான நீரில் ஷாம்பு கொண்டு உச்சந்தலையை சுத்தம் செய்யவும்.

4. ஆப்பிள் சீடர் வினிகர் (Apple Cider Vinegar)

ஆப்பிள் சீடர் வினிகர் பல்வேறு நோய்களுக்கு மாற்று சிகிச்சையாக உள்ளது. உச்சந்தலை அரிப்பு, பொடுகு போன்றவற்றுக்கு இது உதவலாம். அழற்சி கொண்ட உச்சந்தலையை சரிசெய்யவும் இது பயன்படுகிறது.

• இது நுண்ணுயிர் எதிர்ப்பு மற்றும் ஆக்ஸிஜனேற்ற பண்புகள் நிறைந்தது.
• உச்சந்தலை அழுக்கு மற்றும் தொற்று ஏற்படுத்தும் பாக்டீரியாக்களுக்கு எதிரானது.

பயன்படுத்தும் முறை:

• 2 டீஸ்பூன் ஆப்பிள் சீடர் வினிகரை ஒரு டம்ளர் நீரில் கலந்து கொள்ளவும்.
• இதை ஒரு ஸ்ப்ரே பாட்டிலில் வைத்து வாரத்தில் இரண்டு முறை உச்சந்தலையில் ஸ்ப்ரே செய்யவும்.
• 30 நிமிடங்கள் வைத்திருந்து பிறகு சுத்தம் செய்யவும்.

5. தேங்காயெண்ணெய் (Coconut Oil)

தேங்காயெண்ணெய் இயல்பாகவே கூந்தலுக்குப் பயன்படுத்தப்படுகிறது. வீக்கம் அடைந்த உச்சந்தலை மற்றும் அதனால் ஏற்படும் பிரச்சனைகளுக்கு இது மிகவும் பயனுள்ளது.

• இது பாக்டீரியா மற்றும் பூஞ்சை எதிர்ப்பு பண்புகளை கொண்டது.
• தேங்காய் எண்ணெய் கொழுப்பு அமிலங்கள் நிறைந்து, உச்சந்தலையை மென்மையாக்கி ஈரப்பதம் அளிக்கிறது. விளக்கெண்ணெய் குளிர்ச்சி என்று நினைப்பவர்கள் அல்லது அதன் வாசனையை விரும்பாதவர்கள் தேங்காயெண்ணெய் பயன்படுத்தலாம்.

பயன்படுத்தும் முறை:

தேங்காய் எண்ணெயை இளஞ்சூட்டில் உச்சந்தலை முழுவதும் படரும்படி மசாஜ் செய்து சீப்பு கொண்டு சீவினால் உச்சந்தலை ஆரோக்கியமாக இருக்கும்.