ஈறு வீக்கம்: உடனடி நிவாரணத்திற்கான வீட்டு வைத்தியம்!

ஒரு பல் ஈறு வீக்கம் ஏன் வருகிறது?

சிவப்பு ஈறுகள், வீங்கிய ஈறுகள், பல் துலக்கும் போது இரத்தப்போக்கு, பல்லில் இருந்து சீழ், பல் துர்நாற்றம், வாய் துர்நாற்றம் போன்ற மோசமான சுகாதாரம் காரணமாக ஈறு வீக்கம் ஏற்படலாம். ஈறுகளில் வீக்கம் வர பல் நோய்களும் காரணமாக இருக்கலாம். இதனால் பற்களில் இரத்தக்கசிவு, பல் உணர்திறன், பல் வலிமையாக இல்லாதது, ஈறுகளில் இருந்து பற்கள் விழுவது போன்று இருக்கும்.

பாக்டீரியா தொற்று காரணமாக பல்லில் சீழ் பிடிக்கலாம். இதற்கு சிகிச்சை எடுக்காவிட்டால், அது தீவிர உடல்நல பிரச்சனைகளை ஏற்படுத்தும். பல் வலி, வீங்கிய ஈறுகள், தாடை வீக்கம், காய்ச்சல் போன்றவை இதன் அறிகுறிகள். இந்நிலைக்கு வீட்டு வைத்தியம் கை கொடுக்காது.

ஈறு வீக்கத்திற்கான வீட்டு வைத்தியங்கள்

ஈறு வீக்கத்திற்கு உப்பு நீர்

ஒரு பல் வீக்கம் இருந்தாலும் உப்பு நீர் வாய்கொப்புளிப்பது நல்ல நிவாரணம் கொடுக்கும். 2016-ஆம் ஆண்டு நடத்தப்பட்ட ஆய்வு ஒன்று இதை நிரூபித்துள்ளது. கிருமி ஈறு அழற்சியால் ஏற்படும் வீக்கத்தை உப்பு நீர் குறைக்கிறது. ஒரு நாளைக்கு இரண்டு அல்லது மூன்று முறை உப்பு நீர் கொப்பளிக்கலாம். அரை டீஸ்பூன் உப்பு ஒரு டம்ளர் வெதுவெதுப்பான நீரில் கலந்து 30 வினாடிகள் வாயில் வைத்து கொப்பளித்து துப்பவும்.

டீ ட்ரீ ஆயில் (Tea Tree Oil)

ஒரு பல் ஈறு வீக்கத்துடன் இருந்து ரத்த கசிவு இருந்தால் இந்த டீ ட்ரீ ஆயில் உதவும். 2014-ஆம் ஆண்டு நடத்தப்பட்ட ஆய்வு இதை நிரூபித்துள்ளது. ஒரு நாளைக்கு இரண்டு அல்லது மூன்று முறை, வெதுவெதுப்பான நீரில் மூன்று துளிகள் டீ ட்ரீ ஆயில் கலந்து கொள்ளுங்கள். 30 வினாடிகள் வாயில் கொப்பளித்து, பின்னர் துப்பி விடுங்கள். இப்படி செய்வது வீக்கத்தை குறைத்து வலியை குறைக்க உதவும்.

மஞ்சள் ஜெல் பற்பசை

இது மஞ்சள் நீர் மாற்றாக இருக்கலாம். 2015-ஆம் ஆண்டு நடத்தப்பட்ட ஒரு ஆய்வு, மஞ்சள் ஜெல் பற்குழிகளை தடுக்கலாம் என்று கூறுகிறது. மேலும், ஈறு வீக்கத்தையும் குறைக்கலாம் என்கிறது. தினமும் இரண்டு முறை பல் துலக்கிய பின், இந்த ஜெல்லை ஈறுகளில் தடவவும். 10 நிமிடம் கழித்து, தண்ணீரில் வாய் கொப்பளித்து ஜெல்லை வெளியே துப்பவும். இதை தினமும் இரண்டு முறை செய்ய வேண்டும். வீக்கம் குறையவில்லை என்றால், வலி அறிகுறி தீவிரமானால் மருத்துவரை அணுக வேண்டும்.

பல் ஈறு வீக்கம்: மருத்துவ சிகிச்சை எப்போது?

இலேசான ஈறு வலியை வீட்டில் குணப்படுத்தலாம். ஆனால் சில அறிகுறிகள் தீவிரமான உடல்நலப் பிரச்சினையை குறிக்கலாம். ஒரு பல் வீக்கம் என்றாலும் தொடர்ந்து வலி, வலி தீவிரம் அதிகரித்துகொண்டே போவது, வீக்கம் அதிகரிப்பது, காய்ச்சல் இருந்தால் உடனே பல் மருத்துவரை பார்க்க வேண்டும். இது ஈறு நோய் அல்லது வாய்ப்புண் போன்ற தீவிர நோயாக இருக்கலாம். தொற்று காரணமாக ஈறு வலி இருந்தால் சிகிச்சை மூலம் வலியை குறைக்க முடியும்.

பற்களைச் சுற்றி ஈறுகள் வீங்குவதைத் தடுக்க என்ன செய்வது?

• 1. பல் சுகாதாரத்தை கடைபிடிக்க: உணவுக்குப் பிறகும், படுக்கைக்கு முன்பும் பல் துலக்குவது அவசியம். குழந்தைகளுக்கு பல் துலக்கும் முறையை அறிமுகப்படுத்துவது குறித்தும் அறிந்து கொள்ள வேண்டும்.
• 2. தினமும் ஃப்ளோஸ்: தினமும் ஒரு முறை பற்களை ஃப்ளோஸ் செய்ய வேண்டும்.
• 3. வழக்கமான பரிசோதனை: வருடத்திற்கு இரண்டு முறை பல் மருத்துவரை சந்தித்து பரிசோதனை செய்து கொள்வது அவசியம்.