தீபாவளி என்றால் கொண்டாட்டம் தான்! இந்த ஆண்டு முழுவதும் காத்திருக்கும் பண்டிகைக்கு பெண்கள் ஒரு மாதத்திற்கு முன்பிருந்தே ஷாப்பிங், அழகுபடுத்திக் கொள்ளுதல் என தயாராகி விடுவார்கள். அதில் மிக முக்கியமானது கைகளில் மெஹந்தி இட்டுக்கொள்வது. இந்த கட்டுரை எளிதான மற்றும் அழகான மெஹந்தி டிசைன்களை எப்படி போடுவது என்பதை விளக்குகிறது.
எளிய மெஹந்தி டிசைன் 1: ஆரம்பிப்பவர்களுக்கு!
இந்த ரெடிமேட் மருதாணி மெஹந்தி டிசைன் மிக மிக எளிமையானது. இதுவரை மெஹந்தி போட்டுக் கொண்டதே இல்லை என்பவர்கள் கூட இதை எளிதாகப் போட்டுவிடலாம். மெஹந்தி கோனைப் பிடித்து கோடுகளும், சிறிய வட்டங்களும், சுருள் வடிவங்களும் போடத் தெரிந்தாலே இந்த டிசைன் போதும்.
அழகான மெஹந்தி டிசைன் 2: அரேபியன் ஸ்டைல்
இந்த டிசைன் பார்ப்பதற்கு நெருக்கமாகத் தெரிந்தாலும், போடுவது மிக எளிது. முதலில் உள்ளங்கையின் கீழ்ப்புறத்தில் இருந்து தொடங்கி, அரேபியன் டிசைன் போல கைகளின் அகலமான பகுதியில் இருந்து விரல் பகுதிகளை நோக்கி மாங்காய் டிசைன் மற்றும் அதைச் சுற்றி பூ டிசைன் போட வேண்டும். மீதமுள்ள இடத்தை ஆர்ச் டிசைன், புள்ளிகள், நெளிவு டிசைன் என்று போட்டாலே நெருக்கமான அழகான டிசைன் கிடைத்துவிடும்.
மெஹந்தி டிசைன் 3: பின்னங்கைகளுக்கு ஏற்றது
சிலருக்கு கசகசவென்று மெஹந்தி போடப் பிடிக்காது. அவர்கள் நன்கு இடைவெளி விட்டு சின்ன சின்ன டிசைன்களாகப் போட்டுக் கொள்ள விரும்புவார்கள். குறிப்பாக, வெள்ளையான சருமம் உள்ளவர்கள் உள்ளங்கையில் போடுவதை விட பின்னங்கையில் போட்டுக் கொள்ள விரும்புவார்கள். விரலை ஒட்டி இரண்டு அரை வட்ட வடிவ பூக்கள், அதன் மேல்புறத்தில் கொத்தாக இலைகள், கொஞ்சம் இடைவெளி விட்டு புள்ளிகளை சங்கிலி போல வைத்து விட்டால், 5 நிமிடத்தில் அழகான டிசைன் தயாராகிவிடும்.
மெஹந்தி டிசைன் 4: வெஸ்டர்ன் ஆடைகளுக்கு
தீபாவளிக்கு பாரம்பரிய ஆடைகள் அணியாமல் வெஸ்டர்ன் டிரஸ் அணிபவர்களுக்கு இந்த டிசைன் சிறந்தது. வெஸ்டர்ன் உடைக்கு மெஹந்தி செட் ஆகாது என நினைப்பவர்கள் இதை முயற்சி செய்யுங்கள். உங்கள் லுக் இன்னும் ஸ்டைலாக இருக்கும். பெருவிரல் முடியும் இடத்தில் பின்புறத்தில் ஒரு பெரிய அகலமான பூவை இலைகளுடன் போட்டுக் கொள்ளுங்கள். அதன் இரண்டு புறங்களிலும் சுருள் வடிவ டிசைனுடன் இலைகள் வரைந்தால் முடிந்தது.
பிரைடல் மெஹந்தி டிசைன் 5: கல்யாணப் பெண் போல
பார்க்கவே பிரைடல் டிசைன் போல தோன்றுகிறதா? கவலை வேண்டாம், இதை போடுவது மிகவும் எளிது. புள்ளிகள், சின்ன சின்ன கோடுகள், சிறிய வளைவுகள், பூ டிசைன்கள் ஆகியவை மட்டும் போடத் தெரிந்தாலே போதும். உங்கள் கைகளில் கல்யாணப் பெண் போல அழகாக மெஹந்தி போட முடியும்.
மெஹந்தி நிறம் அதிகமாக படிய சில டிப்ஸ்
மெஹந்தி போட்டு விட்டு கைகளில் கலர் அவ்வளவாகப் பிடிக்கவில்லை என்று சிலர் சொல்வார்கள். உங்களுக்கு மெஹந்தி அதிகமாக கலர் பிடிக்க வேண்டும் என்றால், மெஹந்தி போட்டுக் கைகளைக் கழுவிய பிறகு ஈரத்தைத் துடைத்து விட்டு சிறிது பெட்ரோலியம் ஜெல்லி (வாஸ்லின்) எடுத்து தடவிக் கொள்ளுங்கள். இது நிறத்தை அதிகரிக்க உதவும்.
அடிக்கடி கேட்கப்படும் கேள்விகள் (FAQ)
தீபாவளிக்கு பார்லர் போய் மெஹந்தி போட்டுக் கொள்ள நேரம் இல்லை என்று சொல்பவர்களும், அதிக செலவாகும் என்று நினைப்பவர்களும், வீட்டிலேயே மேலே இருக்கும் டிசைன்களை பயன்படுத்தி உங்கள் கைகளை அழகுபடுத்திக் கொள்ளுங்கள். தீபாவளியை மகிழ்ச்சியோடு கொண்டாடுங்கள்!