தலைமுடி வளர்ச்சிக்கு கோகோ பட்டர்: பயன்கள் மற்றும் பயன்பாடு

முடி உதிர்தலைத் தடுக்க

கோகோ பட்டர் பாலிபினால்கள் கொண்டவை, இது முடி உதிர்தலை தடுக்கிறது, குறிப்பாக அலோபேசியா உண்டு செய்யும் டிஹெச்டி ஹார்மோன்களை கட்டுப்படுத்துகிறது. இது வைட்டமின் பி கொண்டது.

பயன்பாடு: சம அளவு ஆலிவ் எண்ணெய் உடன் கோகோ பட்டர் கலந்து கூந்தலுக்கு மென்மையாக தடவி மசாஜ் செய்யவும். பிறகு குளிர்ந்த நீரில் ஷாம்பு கொண்டு அலசி விடவும்.

முடி சேதத்தைத் தடுக்க

கோகோ பட்டர் முடி இழைகளின் தண்டுக்குள் ஊடுருவி, ஈரப்பதத்தை தக்கவைத்துக்கொள்வதன் மூலம் முடி சேதமடைவதை கட்டுப்படுத்துகிறது.

பயன்பாடு: ஒரு பங்கு ஜோஜோபா எண்ணெய் மற்றும் 2 மடங்கு தேங்காய் எண்ணெய் உடன் கோகோ பட்டர் கலந்து உச்சந்தலையில் தடவி வரலாம்.

உச்சந்தலை ஆரோக்கியத்தை மேம்படுத்த

இதில் வைட்டமின்கள் மற்றும் ஆக்ஸிஜனேற்றிகள் நிறைந்துள்ளன. இவை உச்சந்தலையில் இரத்த ஓட்டத்தை மேம்படுத்தி ஆரோக்கியத்தை பாதுகாக்கின்றன.

பயன்பாடு: இரண்டு பங்கு தேங்காய் எண்ணெய் உடன் கோகோ பட்டர் சேர்த்து உச்சந்தலை முழுவதும் தடவி வட்ட வடிவ இயக்கத்தில் மென்மையாக மசாஜ் செய்யவும்.

பொடுகைக் குறைக்க

கோகோ பட்டர் உச்சந்தலையை ஊட்டமளித்து, உரித்தலை குறைக்கிறது. மேலும் பொடுகினால் ஏற்படும் அரிப்பைப் போக்கி, உச்சந்தலை தொற்றை தவிர்க்கவும் உதவுகிறது.

பயன்பாடு: 2 டீஸ்பூன் கோகோ பட்டர் உடன் 1 டீஸ்பூன் தேங்காய் எண்ணெய் மற்றும் 1 டீஸ்பூன் ஜோஜோபா எண்ணெய் கலந்து ஷாம்பு செய்வதற்கு முன்பு தலைமுடிக்கு மசாஜ் செய்யவும்.

முடி அடர்த்தியாக வளர

கோகோ பட்டரில் இருக்கும் தனித்துவமான சேர்மங்கள் முடி நிறை மீட்டெடுக்கப்பட்டு மீண்டும் உருவாக உதவுகிறது. ஒமேகா 9 ஒலிம் அமிலமானது நீர் இழப்பைக் குறைத்து முடியை மென்மையாகவும், மீள்தன்மையுடனும் மாற்றுகிறது.

பயன்பாடு: இதை கண்டிஷனராகவும் பயன்படுத்தலாம். சுருள் முடி கொண்டவர்களுக்கும் இது ஏற்ற சிகிச்சையாகும்.

தலைமுடிக்கு கோகோ பட்டர் எப்படி எல்லாம் பயன்படுத்தலாம்?

• தலைமுடியை அலசுவதற்கு முன்பு: தலைமுடி ஈரமாக இருக்கும் போதே பட்டர் பயன்படுத்தி மென்மையாக மசாஜ் செய்து, 10-20 நிமிடங்கள் அப்படியே வைத்திருந்து வெதுவெதுப்பான நீரில் கழுவவும்.
• கோகோ பட்டர் கண்டிஷனர்: உங்கள் வழக்கமான கண்டிஷனரில் சில துளிகள் கோகோ பட்டர் சேர்த்து, கூந்தலின் முனைகளில் மட்டும் தடவவும். இது முடியை அடர்த்தியாக்கி, உச்சந்தலையில் எண்ணெய் பசையைக் கட்டுப்படுத்தும்.

இறுதியாக, கூந்தல் வளர்ச்சிக்கு இயற்கையான பொருள்களை பயன்படுத்த விரும்பினால், கோகோ பட்டரை தேர்வு செய்யலாம். சரியான முறையில் பயன்படுத்துவதற்கு முன் நிபுணர்களின் ஆலோசனையைப் பெறுவது நல்லது. இதன் மூலம் உங்கள் கூந்தல் ஆரோக்கியம் மெருகேறும்.