ஆண்களுக்கு முடி உதிர்வு பிரச்சனை பொதுவாகவே அதிகமாக உள்ளது. சூரிய ஒளி, மன அழுத்தம், மற்றும் போதிய பராமரிப்பு இல்லாதது போன்ற காரணங்களால் இளவயதிலேயே வழுக்கை தலை மற்றும் முடி உதிர்வு ஏற்படுகிறது. உங்கள் கூந்தலை ஈரப்பதமாகவும், வலுவாகவும் வைத்திருக்க உதவும் இயற்கை ஹேர் மாஸ்க் வகைகள் பற்றி இங்கு விரிவாகப் பார்ப்போம்.
முடி உதிர்வை நிறுத்தும் வாழைப்பழம் ஹேர் மாஸ்க்
வாழைப்பழத்தில் பொட்டாசியம், ஆன்டி ஆக்சின்ட்கள், இயற்கை எண்ணெய்கள் மற்றும் வைட்டமின்கள் நிறைந்துள்ளன. இது முடி உதிர்வை தடுத்து, கூந்தலுக்கு ஊட்டமளிக்கிறது.
தேவையான பொருட்கள்:
- வாழைப்பழம்: 1 (மசித்தது)
- ஆலிவ் எண்ணெய்: 1 டீஸ்பூன்
- தேங்காய் எண்ணெய்: 1 டீஸ்பூன்
- நல்லெண்ணெய்: 1 டீஸ்பூன்
- தேன்: 1 டீஸ்பூன்
செய்முறை:
- அனைத்துப் பொருட்களையும் ப்ளெண்டரில் சேர்த்து நன்றாக மசித்து கொள்ளவும்.
- சுத்தம் செய்த கூந்தலில் இந்த ஹேர் மாஸ்க்கை தடவி 20 நிமிடங்கள் வரை வைத்திருந்து பிறகு அலசி எடுக்கவும்.
- இலேசான ஷாம்பு கொண்டு கூந்தலை அலசி விடவும்.
நன்மைகள்: வாழைப்பழத்தின் சத்துக்கள் முடி மெலிந்து போவதை தடுத்து, முடிக்கு ஊட்டமளிக்கிறது. மற்ற எண்ணெய்கள் கூந்தல் ஆரோக்கியத்தை உறுதி செய்கின்றன, தேன் பளபளப்பை சேர்க்கிறது.
வறண்ட கூந்தலுக்கு கற்றாழை ஹேர் மாஸ்க்
கற்றாழை, வைட்டமின் ஈ மற்றும் ஆலிவ் எண்ணெய் சேர்க்கையானது வறண்ட கூந்தலுக்கு நீரேற்றம் அளித்து மென்மையாக்கும்.
தேவையான பொருட்கள்:
- கற்றாழை ஜெல்: 4 டீஸ்பூன்
- ஆலிவ் ஆயில்: 2 டீஸ்பூன் (தேங்காய் எண்ணெய்க்கு மாற்றாக பயன்படுத்தலாம்)
- வைட்டமின் ஈ ஆயில்: 3 டீஸ்பூன்
செய்முறை:
- கற்றாழை ஜெல் உடன் அனைத்துப் பொருட்களையும் சேர்த்து நன்றாக ப்ளெண்ட் செய்யவும்.
- சுத்தமான கூந்தலில் இந்த பேக்கை முழுவதும் தடவி ஹேர் மாஸ்க் போடவும்.
- 30 - 45 நிமிடங்கள் வரை வைத்திருந்து கெமிக்கல் இல்லாத மிதமான ஷாம்பு கொண்டு அலசவும்.
- வாரத்தில் இரண்டு முறை இதை பயன்படுத்தினால் நல்ல பலன் கிடைக்கும்.
நன்மைகள்: கற்றாழை கூந்தலை ஈரப்பதத்துடன் வைத்திருக்க செய்கிறது. வைட்டமின் ஈ மற்றும் எண்ணெய்கள் வறட்சியைப் போக்கி, முடியை மென்மையாக்குகின்றன.
கூந்தல் ஆரோக்கியத்துக்கு நல்லெண்ணெய் ஹேர் மாஸ்க்
நல்லெண்ணெய் மசாஜ் கூந்தலுக்கு ஆழ்ந்த ஈரப்பதத்தை அளித்து, வேர்களில் இருந்து முடியை வலுப்படுத்தும்.
தேவையான பொருட்கள்:
- நல்லெண்ணெய்: கால் கப்
- வைட்டமின் ஈ ஆயில் / தேங்காய் எண்ணெய் / ஆலிவ் ஆயில் / ஆர்கன் ஆயில்: 1 டீஸ்பூன்
செய்முறை:
- ஒரு கிண்ணத்தில் எண்ணெய்களை கலந்து டபுள் பாய்லிங் முறையில் இளஞ்சூடாக சூடுபடுத்தவும்.
- இளஞ்சூடான பிறகு இதை தலையில் தடவி நன்றாக மசாஜ் செய்யவும்.
- பிறகு ஹேர் கவர் சேர்த்து 1 மணி நேரம் வைத்திருந்து கூந்தலை அலசி விடவும்.
நன்மைகள்: இந்த எண்ணெய் மசாஜ் முடி நுண்குழாய்களில் இருந்து முடி உதிர்வதைத் தடுத்து, முடியை உஷ்ணத்திலிருந்து பாதுகாக்கிறது. கூந்தலை ஈரப்பதமாக்கி வலுப்படுத்துகிறது.
ஆண்களுக்கான ஹேர் மாஸ்க் தரும் முக்கிய நன்மைகள்
- பளபளப்பு மற்றும் மென்மை: ஹேர் மாஸ்க் தலைமுடியைப் பாதுகாத்து, கூடுதல் மென்மையையும், இயற்கையான பளபளப்பையும் பெற உதவுகிறது. முடியை தடிமனாக்குகிறது மற்றும் வறண்ட முடியை ஈரப்பதமாக்குகிறது. முடியில் ஏற்படும் சுருட்டைத் தன்மையையும் குறைக்கிறது.
- முடி சேதம் அடைவதை சரிசெய்தல்: அதிக வெப்பம் மற்றும் கடுமையான ஹேர் கலரிங் பயன்படுத்துவதால் ஏற்படும் முடி பிளவை சரிசெய்கிறது. ஹேர் மாஸ்க் உங்கள் முடியின் வேர்கள் வரை ஊட்டச்சத்தை அளித்து, உடைதல், பிளவு முனைகள் மற்றும் வெளிப்புற சேதத்திலிருந்து முழுமையாக பாதுகாக்கிறது.
- கூந்தலுக்கு உறுதி அளிக்கிறது: உங்கள் தலைமுடிக்கு தீவிர ஊட்டச்சத்தை அளிக்கிறது. இதனால் முடி மென்மையாகவும், வேர்களில் உறுதியாகவும், பளபளப்பாகவும் இருக்கும்.
- அதிகப்படியான அடர்த்தி: ஹேர் மாஸ்க் தொடர்ந்து பயன்படுத்துவது முடிக்கு அடர்த்தி கொடுக்கிறது. எனவே, ஹேர் மாஸ்க் பயன்படுத்துவது உங்கள் தலைமுடிக்கு மிகவும் நல்லது.
ஹேர் மாஸ்க் பயன்படுத்தும் போது கவனிக்க வேண்டியவை
- ஹேர் மாஸ்க் போடும் போது கூந்தலை சுத்தமாக வைத்திருக்க வேண்டும்.
- கூந்தலில் எண்ணெய் பசை இருந்தால் அதை சரி செய்த பிறகே ஹேர் மாஸ்க் போட வேண்டும். இல்லையெனில் பலன் கிடைக்காது.
- ஹேர் மாஸ்க் இரவு நேரங்களில் பயன்படுத்தக்கூடாது. பகல் நேரங்களில் மட்டும் பயன்படுத்தலாம்.
அடிக்கடி கேட்கப்படும் கேள்விகள் (FAQ)
இறுதியாக, ஆண்கள் தங்கள் கூந்தல் பராமரிப்பில் ஹேர் மாஸ்க் போடுவதன் முக்கியத்துவம், கிடைக்கும் நன்மைகள் மற்றும் சிம்பிளாக வீட்டில் இருக்கும் பொருட்களைக் கொண்டு ஹேர் மாஸ்க் போடுவது எப்படி என்பது குறித்து தெரிந்துகொண்டோம். இதை பயன்படுத்தி உங்கள் கூந்தலை ஆரோக்கியமாக வைத்துக்கொள்ளலாம். முடி உதிர்வு பிரச்சனைக்கு காரணங்கள் அறிந்து சிகிச்சை பெறுவதன் மூலம் கூந்தலை பராமரிக்க முடியும்.
பொறுப்பு துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு சமயம் தமிழ் பொறுப்பேற்காது.