ஸ்ரீ ஐயப்பன் கவசம் என்பது கலியுக வரதனான ஸ்ரீ ஐயப்ப தேவரைப் போற்றிப் பாடும் ஒரு சக்திவாய்ந்த தமிழ் பக்திப் பாடலாகும். இந்த கவசம் ஸ்ரீ ஐயப்ப சுவாமியின் பெருமைகளையும், தன் பக்தர்களைக் காக்கும் வல்லமையையும் விவரிக்கிறது. இதனை தினமும் பாராயணம் செய்வதன் மூலம் அனைத்துவிதமான துன்பங்களும் நீங்கி, மன அமைதியும் ஐயப்பனின் அருளும் கிட்டும். ஜோதிட ரீதியாகவும், ஆன்மீக ரீதியாகவும் ஐயப்பன் கவசம் வாசிப்பது நற்பலன்களைத் தரும்.
ஐயப்பன் கவசத்தின் வரிகள்
காப்பு :
அரிஹர புத்ரனை, ஆனந்த ரூபனை
இருமூர்த்தி மைந்தனை, ஆறுமுகன் தம்பியை
சபரி கிரீசனை, சாந்த ஸ்வரூபனை
தினம் தினம் போற்றிப் பணிந்திருடு வோமே.
ஐயப்ப தேவன் கவசமிதனை அனுதினம் சொல்ல அல்லல்கள் ஒழியும்
தினம்தினம் துதிக்கத் தீரும் வினையெல்லாம் நாடிய பொருளும் நலமும் வருமே.
நூல் :
மண்ணுல கெல்லாம் காத்தருள் செய்ய மணிகண்ட தேவா வருக வருக
மாயோன் மைந்தா வருக வருக ஐங்கரன் சோதரா ஐயப்பா வருக
புலி வாகனனே வருக வருக புவியெல்லாம் காத்திட வருக வருக
பூரனை நாதனே வருக வருக புண்ணிய மூர்த்தியே வருக வருக
பூத நாயகா வருக வருக புஷ்கலை பதியே வருக வருக
பொன்னம் பலத் துறை ஈசா வருக அடியாரைக் காக்க அன்புடன் வருக வருக
வாசவன் மைந்தா வீரமணிகண்டா வஞ்சனை நீக்கிட வருக வருக
வல்வினை போக்கிட வருக வருக ஐயம் தவிர்த்திட ஐயப்பா வருக
அச்சம் அகற்றிட அன்பனே வருக இருவினை களைந்தே எனையாட்கொள்ள
இருமூர்த்தி மைந்தா வருக வருக
ஐயப்பன் நாமத்தின் மகிமை:
பதினெண்படியை மனதில் நினைக்க பண்ணிய பாவம் பொடிப்பொடியாகும்
ஐயப்பா சரணம் என்றே கூறிட ஐம்பூதங்களும் அடிபணிந்திடுமே
சபரிகிரீசனை நினைத்தே நீரிடத் துன்பங்கள் எல்லாம் தூள் தூளாகும்
சரணம் சரணம் என்றே சொல்லிட சித்திகள் யாவும் வந்தடைந்திடுமே
பம்பையின் பாலன் பெயர் சொல்லிடவும் பகைவர்கள் எல்லாம் பணிந்தே வணங்குவர்
ஐயப்பன் பாதம் அனுதினம் நினைக்க அவனியியுள்ளோர் அடிபணிந் தேத்துவர்
சரணம் கோஷங்கள்:
சரணம் சரணம் ஐயப்பா சரணம்
சரணம் சரணம் சபரி கிரீசா சரணம்
சரணம் சத்குரு நாதா சரணம்
சரணம் ஸ்வாமியே சரணம்
உடல் உறுப்புகளுக்கான காப்பு:
சிவனார் மகன் என் சிரசினைக் காக்க நெடுமால் மைந்தன் நெற்றியைக் காக்க
கஜமுகன் தம்பி என் கண்களைக் காக்க நாரணன் பாலன் நாசியைக் காக்க
இருமூர்த்தி மைந்தன் என் இருசெவி காக்க வாபரின் தோழன் வாயினைக் காக்க
பம்பையின் பாலன் பற்களைக் காக்க நான்முகப் பூஜீயன் நாவினைக் காக்க
கலியுக வரதன் என் கழுத்தினைக் காக்க குமரன் தம்பி என் குரல்களை காக்க
புஷ்களை நாதன் புஜங்களைக் காக்க முக்கண்ணன் பாலன் முழங்கையைக் காக்க
வீரமணிகண்டன் விரல்களைக் காக்க கயிலை மைந்தன் கைகளைக் காக்க
மணிகண்ட தேவன் மார்பினைக் காக்க வன்புலி வாகனன் வயிற்றினைக் காக்க
முழுமுதற் கடவுள் என் முதுகினைக் காக்க இருமுடிப் பிரியன் என் இடுப்பினைக் காக்க
பிரம்பாயுதன் என் பிட்டங்களைக் காக்க தர்மசாஸ்தா தொடையினைக் காக்க
முருகன் சோதரன் முழங்கால் காக்க கற்பூர ஜோதி என் கணைக்கால் காக்க
பந்தள பாலன் பாதத்தினைக் காக்க விஜயகுமாரன் விரல்களைக் காக்க
அன்னதானப்பிரபு அங்கமெல்லாம் காக்க ஆரியங்கா ஜோதி அன்புடன் காக்க
காலக் காப்பு:
காட்டாளரூபி காலையில் காக்க நவக்ரஹநாதன் நடுப்பகல் காக்க
மாலின் மகனார் மாலையில் காக்க அரிஹர சுதனார் அந்தியில் காக்க
இன்பமய ஜோதி இரவினில் காக்க எருமேலி சாஸ்தா என்றுமே காக்க
அரியின் மகனார் அனுதினம் காக்க நடராஜன் பாலன் நாள்தோறும் காக்க
வாசவன் செல்வன் வலப்புறம் காக்க இருமுடி ஈசன் இடப்புறம் காக்க
காக்கக் காக்கக் கருணையால் காக்க பார்க்கப் பார்க்க என் பாவம் பொடிபட
இம்மையும் மறுமையும் இல்லாதொழிந்திட ஈசன் மகன் எனை என்றுமே காக்க
தீமைகளிலிருந்து பாதுகாப்பு:
கொடிய விஷங்களும் கொள்ளை நோய்களும் குருதியைக் குடிக்கும் துஷ்டப் பேய்களும்
காந்தமலைதனைக் கருத்தில் கொண்டிட கலங்கி மறைந்திடக் கருணை புரிவாய்
பில்லி சூனியம் பலவித வஞ்சனை பம்பையின் பாலன் பெயர் செல்லிடவும்
பஞ்சாய்ப் பறக்க வரமெனக் கருள்வாய் பயங்களைப் போக்கி அபயம் அளிப்பாய்
வாதம், பித்தம் சிலேட்சுமத் துடனே வாந்தியும் பேதியும் வலிப்பும் சுளுக்கும்
எவ்வித நோயும் எனையணு காமல் என்றுமே காப்பாய் எருமேலி தேவா
நலன்கள் வேண்டி:
கல்வியும் செல்வமும் கள்ளமில்லா மனமும் நல்லோர் உறவும் நாளும் அருள்வாய்
நல்ல மனதுடன் உனை நான் துதிக்க நித்தமும் அருள்வாய் சபரிகிரீசா
காமம், குரோதம், லோபம், மோஹம் மதமாச்சர்யமெனும் ஐம்பெரும் பேய்கள்
என்றுமே என்னை அணுக விடாமல் ஐயப்ப தேவா வரமெனக் கருள்வாய்
சூது, பொறாமை, பொய் கோபமில்லாமல் சோரம், லோபம், துன்மார்க்கம் கல்லாமல்
வேதநெறிதனை விலகி நில்லாமல் வீரமணிகண்டா வரமெனக் கருள்வாய்
மூப்பும், பிணியம் வறுமையும் பசியும் வந்தெனை வாட்டி வதைசெய் யாமல்
உள்ளன்புடனே உன்திரு நாமம் அனுதினம் சொல்ல அருள் தருவாயே.
நிறைவுப் பகுதி:
அரிஹர புத்ரா அன்பா நமோ நமோ சபரிகிரீசா சாஸ்தா நமோ நமோ
பதினெண் படிவாழ் பரமா நமோ நமோ ஐங்கரன் சோதரா ஐயப்பா நமோ நமோ
பொன்னம் பலத்துறை புண்ணியா நமோ நமோ புலிப்பால் ஈந்த புண்ணியா நமோ நமோ
கரிகா யுதமுடைச் சுந்தரா நமோ நமோ மஹரிஷி மர்த்தனா மணிகண்டா நமோ நமோ
சரணம் சரணம் சபரி கிரீசா சரணம்
சரணம் சத்ய ஸ்வரூபா சரணம்
சரணம் சர்வ தயாளா சரணம்
சரணம் ஸ்வாமியே சரணம்
ஐயப்பன் கவசம் ஓதுவதன் பலன்கள்
- துன்பங்கள் நீங்கும்: தினம்தினம் ஐயப்ப கவசம் ஓதுவதால் அனைத்து அல்லல்களும், கர்ம வினைகளும் நீங்கும்.
- முழுமையான பாதுகாப்பு: ஸ்ரீ ஐயப்பன் கவசம் உடல் உறுப்புகள் ஒவ்வொன்றையும் காத்து, தீய சக்திகள், பில்லி சூனியம், வஞ்சக எண்ணங்கள் ஆகியவற்றிலிருந்து பாதுகாப்பு அளிக்கும்.
- நோய் தீர்க்கும் சக்தி: வாந்தி, பேதி, வலிப்பு, சுளுக்கு போன்ற உடல் உபாதைகள் மற்றும் கொடிய விஷங்கள், கொள்ளை நோய்கள் அண்டாமல் ஐயப்ப தேவர் காப்பார்.
- நல்வாழ்வு: கல்வி, செல்வம், கள்ளமில்லா மனம், நல்லோர் உறவு ஆகியவை கிடைக்கும். மூப்பு, பிணி, வறுமை, பசி போன்ற துன்பங்கள் நீங்கும்.
- மன அமைதி: காமம், குரோதம், லோபம், மோகம் போன்ற தீய குணங்களிலிருந்து காத்து, மன அமைதி மற்றும் வேத நெறியில் வாழ துணை நிற்கும்.