கால் ஆணி என்பது பலருக்கும் ஏற்படக்கூடிய ஒரு பொதுவான பாதப் பிரச்சனையாகும். இந்த கட்டுரை ஜோதிடம்360 தளத்தின் மூலம், கால் ஆணி என்றால் என்ன, அதன் வகைகள் மற்றும் அதனை நீக்குவதற்கான எளிய ஆயுர்வேத வீட்டு வைத்தியங்களை ஆராய்கிறது. சரியான பாதுகாப்புடன் உங்கள் பாதங்களை ஆரோக்கியமாக வைத்துக்கொள்ள, இந்த எளிய தீர்வுகள் உதவும்.
கால் ஆணி என்றால் என்ன?
கால் ஆணி ஏற்பட்டால் தோல் கடினமாக இருக்கும். இது வலி, வீக்கம், நடப்பதில் சிரமம் போன்றவற்றை உண்டு செய்யும். சர்க்கரை நோய் உள்ளவர்களுக்கு கால் ஆணி வருவதற்கான வாய்ப்புகள் அதிகம். இதற்கு பல்வேறு சிகிச்சைகள் உண்டு. கால் ஆணியை வெட்டி எடுப்பது, மருந்து அற்றும் அறுவை சிகிச்சை என பாதிப்புக்கேற்ப சிகிச்சை அளிக்கப்படும். ஆரம்ப நிலையில் இந்த கால் ஆணி பிரச்சனைக்கு வீட்டில் என்ன மாதிரியான சிகிச்சைகள் தேவைப்படும் என்பதை இந்த கட்டுரையில் தெரிந்துகொள்வோம்.
கால் ஆணி வகைகள்
கால் ஆணிகள், மருத்துவத்தில் ஹெலோமாஸ் (helomas) என்று அழைக்கப்படுகின்றன. இவை திரும்பத் திரும்ப உராய்வு அல்லது அழுத்தத்தின் காரணமாக தோன்றும். இவை பாதங்களில், குறிப்பாக எலும்பு துருத்தல்கள் உள்ள இடங்களில் உருவாகின்றன. அதாவது கால் விரல்கள் அல்லது பாதத்தின் அடிப்பகுதியில் உண்டாகின்றன. கால் ஆணிகள் இரண்டு முக்கிய வகைகளாக பிரிக்கப்படுகின்றன: கடினமான கால் ஆணி மற்றும் மென்மையான கால் ஆணி.
மென்மையான கால் ஆணிகள் மிருதுவாக இருக்கும். இது விரல்களுக்கு இடையில் வரும். அங்கு ஈரப்பதம் அதிகமாக இருக்கும். இதனால் தோல் உராய்ந்து இந்த ஆணி உருவாகும்.
ஆயுர்வேதத்தில் கால் ஆணி
ஆயுர்வேதத்தின்படி, கால் பகுதிகளில் ஏற்படும் காலாணி வாத தோஷத்தின் ஏற்றத்தாழ்வால் ஏற்படுகிறது. வாதம் அதிகமாகும் போது, தோல் வறண்டு, கடினமாகி, தடிமனாகிறது. இதனால் காலாணி உருவாகிறது. வேம்பு, மஞ்சள், கற்றாழை போன்ற ஆயுர்வேத மூலிகைகள் கொண்டு தோலை மென்மையாக்க முடியும். காலாணி பிரச்சனைக்கு என்ன மாதிரியான வீட்டு வைத்தியம் உதவும் என்பதை தெரிந்துகொள்வோம்.
கால் ஆணிக்கு உதவும் வீட்டு வைத்தியங்கள்
எப்சம் உப்பு குளியல்
எப்சம் உப்பு குளியல் பாதங்களுக்கு மிகவும் நல்லது. வெதுவெதுப்பான நீரில் எப்சம் உப்பை சேர்க்கவும். அதில் உங்கள் கால்களை 10 முதல் 15 நிமிடங்கள் வரை ஊற வைக்கவும். கால்களை வெளியே எடுத்த பிறகு, சுத்தமான துணியால் துடைத்து, தேங்காய் எண்ணெய் தடவவும். கூடுதல் நன்மைகளுக்கு கெமோமில் தேநீர் சேர்க்கலாம்.
பேக்கிங் சோடா பேஸ்ட்
பேக்கிங் சோடா இறந்த செல்களை நீக்குகிறது. மேலும், பூஞ்சை மற்றும் பாக்டீரியாக்களை அழிக்கும் திறன் கொண்டது. ஒரு கிண்ணத்தில் 3 தேக்கரண்டி பேக்கிங் சோடாவுடன் 1 தேக்கரண்டி தண்ணீர் கலந்து பேஸ்ட் ஆக்கவும். அதை கால் ஆணிகள் மீது தடவி 15-20 நிமிடங்கள் கழித்து பாதங்களை சுத்தம் செய்யுங்கள்.
மஞ்சள் பேஸ்ட்
கடுகு எண்ணெயில் மஞ்சள் தூளை போட்டு வறுத்து பேஸ்ட் ஆக்கவும். இந்த மஞ்சள் பேஸ்ட்டை கால் ஆணியில் தடவி, ஒரு சுத்தமான துணியால் கட்டி இரவு முழுவதும் அப்படியே விடவும். தினமும் இப்படி செய்து வந்தால், கால் ஆணி விரைவில் குணமாகும்.
வினிகர் சிகிச்சை
ஒரு பாத்திரத்தில் வெதுவெதுப்பான நீரில் ஒரு கப் வினிகரை ஊற்றி கால்களை 15 நிமிடம் ஊற வைக்கவும். பிறகு, கால்களை துடைத்து, ஆலிவ் எண்ணெய் அல்லது விளக்கெண்ணெய் கொண்டு மசாஜ் செய்யவும். வினிகரை நேரடியாக பஞ்சுருண்டையில் நனைத்து இரவு முழுவதும் கால் ஆணியில் வைத்தால் நல்ல பலன் கிடைக்கும்.
ஆயுர்வேதம் பரிந்துரைக்கும் பிற சிகிச்சைகள்
ஆரம்ப நிலையைத் தாண்டி தீவிரமான கால் ஆணிக்கு, ஆயுர்வேதத்தில் பஞ்சகர்மா சிகிச்சை, அறுவை சிகிச்சை, க்ஷார கர்மா, அக்னி கர்மா போன்ற முறைகளும் பரிந்துரைக்கப்படுகின்றன. இவை வாத தோஷத்தை சமநிலைப்படுத்தி, சருமத்தை ஆரோக்கியமாக வைத்துக்கொள்ள உதவுகின்றன. உணவு மற்றும் வாழ்க்கை முறை மாற்றங்கள், யோகா, தியானம் போன்றவையும் இந்த பிரச்சனையை சரிசெய்ய உதவும்.
கால் ஆணிகள் தவிர்க்க என்ன செய்ய வேண்டும்?
- சரியான அளவு காலணிகளை அணியுங்கள்.
- அதிக நேரம் நிற்பதை தவிர்க்கவும்.
- பாதங்களை சுத்தமாகவும், ஈரப்பதமாகவும் வைத்துக்கொள்ளுங்கள்.
- சர்க்கரை நோயை கட்டுக்குள் வைக்கவும்.
அடிக்கடி கேட்கப்படும் கேள்விகள்
பொறுப்பு துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு ஜோதிடம்360 பொறுப்பேற்காது. எங்களின் ஜோதிடம் மற்றும் முருகன் ஆலயங்கள் தொடர்பான பிற கட்டுரைகளையும் படியுங்கள்.