வைகாசி மாதத்தில் வரும் அபரா ஏகாதசி நாளில் தானம் செய்து அளவில்லாத நன்மைகளையும், செல்வத்தையும், அதிர்ஷ்டத்தையும் பெறலாம். இந்த ஏகாதசி தினத்தின் முக்கியத்துவம் மற்றும் தானம் செய்ய வேண்டிய பொருட்கள் பற்றி விரிவாக அறியலாம்.
அபரா ஏகாதசி: ஒரு கண்ணோட்டம்
ஒவ்வொரு வருடமும் 24 ஏகாதசிகள் வரும். இதில் கிருஷ்ண பக்ஷத்தில் வரும் ஏகாதசி மிகவும் முக்கியமானது. இது விஷ்ணுவுக்கு உகந்த நாள். அன்று விரதம் இருந்து தானம் செய்தால் புண்ணியம் கிடைக்கும். அபரா ஏகாதசியை ஜேஷ்ட கிருஷ்ண ஏகாதசி, பத்ரகாளி ஏகாதசி அல்லது ஜலகிரீடா ஏகாதசி என்றும் அழைப்பார்கள். இந்த ஏகாதசி விரதம் பாவங்களை போக்கும், புகழ், மரியாதை மற்றும் ஆசீர்வாதங்களை தரும். இந்த ஆண்டு அபரா ஏகாதசி, உத்திரட்டாதி நட்சத்திரத்துடன் இணைந்து வருகிறது. உத்திரட்டாதி நட்சத்திரத்திற்குரிய அதிபதி சனி பகவான் ஆவார். அதனால் இந்த நாளில் தானம் செய்தால் சனி பகவானின் அருளும் கிடைக்கும்.
அபரா ஏகாதசியில் தானம் செய்ய வேண்டியவை மற்றும் பலன்கள்
1. காலணி மற்றும் உடைகள்
ஏழைகளுக்கு துணி, செருப்பு அல்லது குடை தானம் செய்வது தன்னலமற்ற சேவையை குறிக்கிறது. இது ஆன்மீக வளர்ச்சியை வலுப்படுத்துகிறது. மேலும் விஷ்ணுவின் ஆசீர்வாதத்தை பெற்றுத்தரும். இந்த ஏகாதசி நாளில் செய்யப்படும் இ தானம் உங்கள் வாழ்க்கையில் புதிய வழிகளை திறக்கும்.
2. பசு மற்றும் கருப்பு எள்
கருப்பு எள் தானம் செய்வது முன்னோர்களின் சாபத்தை நீக்கும். பசு தானம் செய்வது மிகவும் நல்லது. இது தெய்வீக அருளை தரும். இது பித்ருதோஷத்தை நீக்கக் கூடிய தானம். ஜோதிடம் ரீதியாக இது மிகவும் பலன் தரும்.
3. செம்பு அல்லது பித்தளை பாத்திரங்கள்
செம்பு அல்லது பித்தளை பாத்திரங்களை தானம் செய்தால் சனியின் தாக்கம் குறையும். இது வீட்டில் அமைதியை ஏற்படுத்தும். உலோக பாத்திரங்களை தானம் செய்வது சனியின் பாதகமான தாக்கங்களை அமைதிப்படுத்துகிறது. இந்த எளிய பரிகாரம் நல்லிணக்கத்தையும், கர்ம இடையூறுகளிலிருந்து பாதுகாப்பையும் தருகிறது. அதிர்ஷ்டம் மற்றும் செல்வம் பெருக இது ஒரு சிறந்த வழி.
மகாலட்சுமியின் அருளைப் பெற
அபரா ஏகாதசி, மங்களகரமான வெள்ளிக்கிழமையில் வருவதால் அன்றைய தினம் மகாலட்சுமியை மகிழ்விக்கும் தானங்களையும், பூஜைகளையும் செய்வது சிறப்பு. ஏழைகளுக்கு தானம் அளிப்பதால் தெய்வங்களும், நவகிரகங்களும், முன்னோர்களும் மகிழ்வார்கள். இதனால் நமக்கு அனைவரின் ஆசீர்வாதங்களும் கிடைத்து, வாழ்க்கையில் இருக்கும் துன்பங்கள் அனைத்தும் நீங்கும். அளவில்லாத மகிழ்ச்சி, செல்வம், அதிர்ஷ்டத்தை பெருக வைக்கும்.