இஞ்சி அதன் எண்ணற்ற ஆரோக்கிய நன்மைகளுக்காக அறியப்படுகிறது. இது வலுவான நோயெதிர்ப்பு மண்டலத்திற்கு உதவுவதுடன், சருமம் மற்றும் கூந்தல் ஆரோக்கியத்திற்கும் அற்புதமாக செயல்படுகிறது. பாரம்பரிய மருத்துவத்தில் பல பிரச்சனைகளுக்கு இஞ்சி பயன்படுத்தப்பட்டு வருகிறது. டாக்டர். கருணா மல்ஹோத்ரா, அழகியல் மருத்துவர், இஞ்சியின் நம்ப முடியாத ஆற்றலையும், வழுக்கை புள்ளிகளில் முடி வளர இஞ்சி எப்படி உதவுகிறது என்பதையும் விளக்குகிறார். முடி வளர்ச்சிக்கு இஞ்சியை எப்படி பயன்படுத்துவது என்பதை இக்கட்டுரையில் விரிவாகக் காண்போம்.
இஞ்சி எப்படி கூந்தல் வளர்ச்சிக்கு உதவுகிறது?
இஞ்சி அத்தியாவசியமான ஊட்டச்சத்துக்களை உள்ளடக்கியது. இவற்றில் வைட்டமின்கள், தாதுக்கள் மற்றும் ஆன்டிஆக்ஸிடன்ட்கள் நிறைவாக உள்ளன. இவை எல்லாமே கூந்தலின் ஆரோக்கியமான வளர்ச்சிக்கு அவசியமானவை. இஞ்சி உச்சந்தலையில் வழுக்கை புள்ளிகள் இருக்கும் இடத்திலும் முடி வளரச் செய்கிறது. இதற்கு காரணம் இது உச்சந்தலையில் இரத்த ஓட்டத்தை மேம்படுத்தும் திறன் கொண்டது என்கிறார் டாக்டர். கருணா மல்ஹோத்ரா. மேலும் முடியின் நுண்ணறைகள் ஆரோக்கியமாகவும், முடி வளர்ச்சியை தூண்டவும் தேவையான ஊட்டச்சத்துக்களைப் பெறுவதற்கு சரியான இரத்த ஓட்டம் அவசியம் என்பதையும் வலியுறுத்துகிறார்.
இஞ்சியில் ஜிக்கிபெரீன் என்னும் சேர்மம் உள்ளது. இது உச்சந்தலையில் எரிச்சல் மற்றும் வீக்கத்தைக் குறைக்கும் அழற்சி எதிர்ப்பு பண்புகளைக் கொண்ட சேர்மம். இந்த அழற்சி நிலை முடி உதிர்தலுக்கு ஒரு முக்கிய காரணமாக இருக்கலாம். மேலும், இஞ்சியில் வைட்டமின் சி, மெக்னீசியம், பாஸ்பரஸ் போன்றவை நிறைந்துள்ளன. இது முடி நுண்குழாய்களை வளர்க்கின்றன, புதிய முடியின் வளர்ச்சியை ஊக்குவிக்கின்றன மற்றும் முடி மெலிவதைத் தடுக்கின்றன.
இஞ்சியில் இருக்கும் செயலில் உள்ள சேர்மங்கள் இரத்த சுழற்சியைத் தூண்டி, உச்சந்தலையில் அடைபட்ட முடி நுண்குழாய்களைச் சுத்தப்படுத்துகின்றன. இதனால் ஊட்டச்சத்து உறிஞ்சுதல் அதிகரிக்கிறது, ஆரோக்கியமான உச்சந்தலையைப் பராமரிக்கவும், முடி வளர்ச்சியை மேம்படுத்தவும் உதவுகிறது.
முடி வளர இஞ்சியைப் பயன்படுத்த 3 எளிய வழிகள்
இஞ்சி எண்ணெய் உச்சந்தலையை மசாஜ் செய்வதற்கு முதன்மையான ஒன்று. இது உச்சந்தலை இரத்த ஓட்டத்தை அதிகரிக்க செய்து, ஆரோக்கியமான முடி வளர்ச்சியை அளிக்கிறது.
தேவையானவை:
- • இஞ்சி அல்லது இஞ்சி அத்தியாவசிய எண்ணெய்
- • தேங்காய் அல்லது ஆலிவ் எண்ணெய்
செய்முறை:
இஞ்சியாக இருந்தால் தோலுரித்து நறுக்கி அரைத்து, அதை தேங்காய் எண்ணெய் அல்லது ஆலிவ் எண்ணெயில் கலந்து, வழுக்கை இருக்கும் இடங்களில் தடவி மென்மையாக மசாஜ் செய்யவும். 20-30 நிமிடங்கள் கழித்து பிறகு இலேசான ஷாம்பு கொண்டு அலசவும்.
நன்மைகள்:
- • இரத்த ஓட்டத்தை மேம்படுத்தி உச்சந்தலை அழற்சியை குறைக்கிறது.
- • முடி நுண்ணறைகளுக்கு ஊட்டச்சத்து அளிக்கிறது.
தேவையானவை:
- • இஞ்சி, தேன் - தேவைக்கு ஏற்ப
செய்முறை:
இஞ்சியைத் தட்டி சாறு எடுத்து தேனுடன் கலந்து பேஸ்ட்டை உச்சந்தலையில் தடவி விடவும். இதை 30 நிமிடங்கள் வைத்திருந்து பிறகு வெதுவெதுப்பான நீரில் சுத்தம் செய்யவும்.
நன்மைகள்:
- • இஞ்சி தேன் இரண்டின் கலவை உச்சந்தலையில் ஈரப்பதத்தை மீட்டெடுத்து முடி வளர்ச்சியை ஊக்குவிக்கிறது.
- • தேனில் இருக்கும் ஈரப்பதம் உச்சந்தலையில் ஈரப்பதம் தக்கவைக்க உதவுகிறது.
- • இஞ்சி இரத்த ஓட்டத்தை தூண்டுகிறது மற்றும் வறட்சியை தடுக்கிறது.
- • உச்சந்தலையில் தொற்று எதிர்த்து போராடும் ஆக்ஸிஜனேற்றிகளை தருகிறது.
ஆலிவ் எண்ணெய் முடியை ஈரப்பதமாக்கி ஊட்டமளிக்கும் மென்மையான பொருள். இது இஞ்சியுடன் இணையும் போது முடி மீண்டும் வளர சக்திவாய்ந்த சிகிச்சையாக இருக்கும். ஆலிவ் எண்ணெய் இஞ்சி உச்சந்தலையை ஆழமாக ஊடுருவி அதன் நன்மைகளை அதிகரிக்க செய்கிறது.
தேவையானவை:
- • இஞ்சி, ஆலிவ் எண்ணெய்
செய்முறை:
இஞ்சியை தட்டி சாற்றை பிரித்தெடுக்கவும். அதை ஆலிவ் எண்ணெயுடன் நன்றாக கலந்து கூந்தலில் உச்சந்தலையில் நன்றாக தடவி விடவும். பிறகு 5-10 நிமிடங்கள் வரை மசாஜ் செய்து உச்சந்தலையை மூடி 30 நிமிடங்கள் வைத்திருந்து பிறகு கூந்தலை சுத்தம் செய்யவும். இது கூந்தல் வளர்ச்சிக்கு உதவும் மற்றும் முடி உதிர்தலை கட்டுப்படுத்தும்.
நன்மைகள்:
- • இஞ்சி இரத்த ஓட்டம் தூண்டும்.
- • ஆலிவ் எண்ணெய் முடியை நிலைப்படுத்தி வலுப்படுத்தி முடி வளர உதவும், முடி உதிர்தலை தடுக்கவும் செய்கிறது.
இஞ்சி உச்சந்தலைக்கு பக்கவிளைவுகள் உண்டு செய்யுமா?
இஞ்சி மிதமாக பயன்படுத்தும் போது நன்மை பயக்கும். ஆனால் சில சமயங்களில் பக்கவிளைவுகள் ஏற்படலாம்:
- உச்சந்தலை எரிச்சல்: இஞ்சியில் உணர்திறன் வாய்ந்த சருமத்துக்கு தீவிரமான சேர்மங்கள் உள்ளன. இதை அதிக நேரம் வைத்திருந்தால் அல்லது அதிக அளவு பயன்படுத்தினால் அது சிவத்தல், எரிச்சல் போன்ற உணர்வை உண்டு செய்யும். பொடுகு, அழற்சி, தோலழற்சி போன்றவற்றை கூட உண்டு செய்யலாம்.
- அதிகமாக உலர்த்துதல்: இஞ்சி ஈரப்பதமூட்டும் என்றாலும், அதிகம் பயன்படுத்தும் போது வறட்சி உண்டு செய்யும். இதில் உள்ள அஸ்ட்ரிஜெண்ட் பண்புகள் உச்சந்தலையில் இருக்கும் இயற்கை எண்ணெய்களை அகற்றி வறட்சியை ஏற்படுத்தும். குறிப்பாக வறண்ட சருமம் அல்லது முடி உள்ளவர்களுக்கு இது பிரச்சனையை உண்டாக்கலாம்.
- ஒவ்வாமை எதிர்வினைகள்: சிலருக்கு இஞ்சி ஒவ்வாமை இருக்கும். இவர்கள் நீண்ட காலம் பயன்படுத்துவது உச்சந்தலை அரிப்பு, வீக்கம், சிவத்தல் போன்றவற்றை உண்டு செய்யலாம். இஞ்சி பயன்படுத்துவதற்கு முன்பு ஒரு பேட்ச் டெஸ்ட் செய்வது பாதுகாப்பானது.
பொறுப்பு துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு Jothidam360 பொறுப்பேற்காது.